29.03.2024
Պենտագոնի ղեկավար. Սիրիային հարվածը կարող է վերաճել լայնամասշտաբ պատերազմի
prev Նախորդ նորություն

Նորություններ գործընկերներից

Վատագույն սցենարը` ԱՄՆ-ն, Մեծ Բրիտանիան և Ֆրանսիան հարված են հասցրել Սիրիային

Միացյալ Նահանգները, Մեծ Բրիտանիան և Ֆրանսիան Սիրիայի օբյեկտների ուղղությամբ արձակել են ավելի քան 100 թևավոր և «օդ-երկիր» դասի հրթիռ։ ՌԻԱ Նովոստիի հաղորդմամբ այդ մասին հայտարարել է ՌԴ պաշտպանության նախարարությունը։


ՌԴ ՊՆ-ն հաղորդում է նաև, որ Սիրիայի հակաօդային պաշտպանության համակարգը հակաօդային պայքար է մղել, հրթիռների զգալի մասը ոչնչացվել է թիրախներին հասնելու ընթացքում։


Հարվածները հասցվել են ԱՄՆ ռազմածովային ուժերի 2 նավերից՝ Կարմիր ծովի կողմից, Միջերկրական ծովի օդային տարածքում գտնվող մարտավարական ավիացիայից, ինչպես նաև ամերիկյան ռազմավարական B-1B ռմբակոծիչներից՝ Էթ Թանֆ շրջանից։


ԱՄՆ Պետքարտուղարությունը չի հստակեցնում` իրազեկել է ՌԴ-ին հարվածի մասին, իսկ ՌԴ ՊՆ-ից հայտնել են, որ իրազեկում չի եղել:


Դամասկոսում լսվում են պայթյուններ ու տեսանելի է ծուխը: Վեց հզոր պայթյուն է եղել Դամասկոսում, քաղաքի վրա ծուխ է բարձրանում` հայտնում են արաբական լարտավմիջոցները: Նշվում է, որ կենտրոնը, որտեղ գտնվում է հյուրանոցը, ուր տեղակայված է ռուսաստանյան պատվիրակությունը չի տուժել հարվածից:


Ավելի վաղ ԱՄՆ նախագահ Դոնալդ Թրամփը ժողովրդին ուղղված տեսաուղերձով է հանդես եկել, որի ժամանակ հայտարարել է Սիրիային հարված հասցնելու մասին։ Ավելի ուշ հարվածներ հասցնելը հաստատել է Մեծ Բրիտանիայի վարչապետ Թերեզա Մեյը, ինչպես նաև՝ Ելիսեյան պալատը։


ՌԴ ՊՆ-ն հայտնել է, որ ապրիլի 14-ին՝ ռուսական ժամանակով ժամը 3.42-ից մինչև 5.10, ԱՄՆ ԶՈՒ օդանավերն ու նավերը, Ֆրանսիայի ու Մեծ Բրիտանիայի հետ համատեղ, հրթիռային հարվածներ են հասցրել Սիրիայի ռազմական ու քաղաքացիական օբյեկտներին։


Ապրիլի 11-ին ԱՄՆ նախագահ Դոնալդ Թրամփն իր թվիթերյան էջում հայտարարել էր Սիրիայի դեմ իրականացվելիք հրթիռային հարվածի մասին:


«Ռուսաստանը խոստանում է խոցել Սիրիայի դեմ ուղղված բոլոր հրթիռները: Ռուսաստան պատրաստվի՛ր, քանի որ դրանք՝ լավ, նոր և «խելացի» հրթիռները, գալու են: Դուք չպետք է գործընկերներ լինեիք սեփական ժողովրդին գազով սպանող ու դրանից հաճույք ստացող կենդանու հետ», - մասնավորապես գրել է Թրամփը:


Իր այդ հայտարարությունից հետո Թրամփը մեղմել էր իր դիրքորոշումը, և Սպիտակ տունը հայտարարել էր, որ հնարավոր գործողությունների վերաբերյալ վերջնական որոշում դեռ չի կայացվել:


Ռուսաստանը նախազգուշացրել է Արևմուտքին հարձակում չիրականացնել իր դաշնակից Բաշար ալ Ասադի դեմ և սպառնացել է կործանել Սիրիայի ուղղությամբ արձակված հրթիռները:

Ռազմական փուլն ավարտվեց, զարգացումները կտեղափոխվեն քաղաքական հարթություն. արևելագետ
Հաջորդ նորություն next
 Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար
25.03.2024
Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար