Սիրիան հրթիռակոծելու սպառնալիքի ֆոնին չեղարկվել է Երևան-Բեյրութ-Երևան չվերթը

Այսօր հայտնի դարձավ, որ Սիրիայի տարածքի ուղղությամբ հնարավոր հարվածների ֆոնին խոշորագույն ավիաընկերությունները փոխել են իրենց երթուղիները: The New York Times-ը, մասնավորապես, գրել էր, որ այդ սպառնալիքի ֆոնին սովորաբար ծանրաբեռնված երթուղիները նաև դատարկվել են:

Իրավիճակը անդրադարձել է նաև դեպի Հայաստան թռիչքների վրա. ՀՀ քաղաքացիական ավիացիայի գլխավոր վարչության մամուլի քարտուղար Սաթենիկ Հովհաննիսյանըի խոսքով՝ ապրիլի 16-ին նախատեսված Երևան-Բեյրութ-Երևան ուղղությամբ չվերթը, որը պետք է անցներ Սիրիայի օդային տարածքով, չեղարկվել է:  

Խոսնակը նշել է, որ այս պահին չեղարկվել է միայն այդ մեկ չվերթը, իսկ այդ երթուղուց օգտվող քաղաքացիներին ավիաընկերությունը տեղեկացրել է չեղարկման մասին և առաջարկել է այլընտրանքային տարբերակ: