Փորձագետ. ՀՀ–ի ու ԼՂՀ–ի զինված ուժերը պետք է արդիականացնեն զրահատեխնիկան ու հրետանին

ArmHiTec-2018 ցուցահանդեսից ակնհայտ է դառնում, որ 2016թ.–ի ապրիլյան պատերազմի հետևանքներն ՀՀ–ում զգացվում են։ Քառօրյա պատերազմը ցուցադրեց հայկական բանակի թույլ կողմերը` հատկապես գիշերային ժամերին մարտ վարելու առումով, ինչպես նաև հակառակորդի ուժերը հետախուզությամբ շուտ որոշելու կարողությունը։

Ռազմական փորձագետ Անդրեյ Ֆրոլովը հայտարարել է, որ վերոնշյալ խնդիրները վերացնելու գործում կարևոր դեր է խաղացել հայկական սփյուռքը, որը ֆինանսավորում էր Ղարաբաղի բանակի համար գիշերային սարքերի, ջերմային սարքերի գնումը։

Նշվում է, որ Լեռնային Ղարաբաղի բոլոր դիրքերը կահավորվել են ժամանակակից սարքերով։ Ըստ նրա, ապրիլյան քառօրյայի ժամանական հայկական ուժերի համար լուրջ խնդիրներ էին առաջացրել ադրբեջանական կամիկաձե անօդաչուները։

Փորձագետ Կոնստանտին Մակիենկոն հայտարարել է, որ Երևանի գլխավոր խնդիրը` 300 մմ տրամաչափով համազարկային կրակի համակարգերի բացակայությունն է, որոնք ամբողջությամբ խոցում են Ղարաբաղը։ Ըստ նրա, Ադրբեջանը լուրջ առավելություն ունի զրահամեքենաների առումով` ՀՀ զգում է արդի հակատանկային համակարգերի կարիքը։

Նրա խոսքով, ապրիլյան պատերազմը ցույց տվեց, որ Ադրբեջանն ունի ավելի արդիական տանկեր`հայկական զրահատեխնիկան չուներ դինամիկ պաշտպանություն։

Նա նշել է, որ ՀՀ–ի ու ԼՂՀ–ի ԶՈւ–ի արդիականացման հիմնական ուղղությունները պետք է լինեն խորհրդային զրահատեխնիկայի ու հրետանու արդիականացումը, ավելի արդյունավետ հետախուզական միջոցների ձեռք բերումը, այդ թվում անօդաչուների, ինչպես նաև զորքերը ՀՕՊ համակարգերով համալրելու խնդիրը։