ԱՄՆ-ը Հայաստանին ֆինանսական աջակցություն չի ցուցաբերի, Վրաստանին կտա $105 մլն

ԱՄՆ նախագահ Դոնալդ Թրամփը ստորագրել է երկրի բյուջեի ծախսերի մասով նախագծի փաստաթուղթը, որով Հայաստանի համար ֆինանսական աջակցություն չի նախատեսվում:

Հարևան Վրաստանը Միացյալ Նահանագներից $105 մլն-ի ֆինանսական աջակցություն կստանա: Ուկրաինային տրվող օգնությունը կկազմի $421 մլն, հայտնում է PanARMENIAN.Net-ը:

Նշվում է , որ փաստաթուղթը միտված է աջակցելու ԵՄ-ի հետ ասոցացման համաձայնագիրը ստորագրած արևելաեվրոպական երկրներին՝ «նվազեցնելու համար դրանց խոցելիությունը ՌԴ-ի քաղաքական և տնտեսական ճնշումների նկատմամբ»:

Ավելի վաղ, ԱՄՆ ներկայացուցիչների պալատի 36 անդամ միացել էր Կոնգրեսի հայկական հարցերով հանձնախմբի համանախագահ Ֆրենկ Փալոնի՝ 2019 թվականին Արցախին և ՀՀ -ին $70 մլն-ի օգնության փաթեթ տրամադրելու կոչին:

Հանձնախումբը կոչ էր արել նաև ռազմական օգնություն չտրամադրել Ադրբեջանին, և պատժամիջոցներ կիրառել երկրի նկատմամբ: