Էրդողանի չորս թիկնապահների նկատմամբ ԱՄՆ-ում առաջադրված մեղադրնքներն ուժի մեջ են մնում

ԱՄՆ-ի իրավապահներն ուժի մեջ է թողել անցյալ տարի Վաշինգտոն այցի ժամանակ Թուրքիայի նախագահ ցուցարների նկատմամբ կիրառած բռնության առնչությամբ Ռեջեփ Էրդողանի անվտանգության աշխատակիցների նկատմամբ առաջադրված մեղադրանքները:

Ինչպես հայտնում է РИА Новости-ին, այս մասին հայտարարել է Կոլումբիայի դաշնային դատախազության ներկայացուցիչը:

Հիշեցնենք, ավելի վաղ The Wall Street Journal-ը հայտնել էր, որ ԱՄՆ-ի դաշնային դատախազությունը չեղարկել է Թուրքիայի նախագահ Ռեջեփ Թայիփ Էրդողանի թիկնազորի 15 անդամից 11-ի դեմ ներկայացված մեղադրանքները, որոնք անցյալ տարվա մայիսին Վաշինգտոնում ծեծի էին ենթարկել Էրդողանի այցի դեմ խաղաղ ցույց անող հայերին և քրդերին:

«Թուրքիայի նախագահ Էրդողանի անվտանգության ծառայության չորս աշխատակիցների դեմ մեղադրանքները մնում են ուժի մեջ»,- հայտնել է գործակալության զրուցակիցը ու հավելել, որ այդ գործի շրջանակում Կանադայի երկու քաղաքացու դեմ առաջադրված մեղադրանքները նույնպես ուժի մեջ են մնում:

Ավելի վաղ, Թուրքիայի նախագահը խստիվ դատապարտել ու լուրջ սկանդալ էր որակել իր թիկնազորին մեղադրանք առաջադրելու՝ ամերիկյան դատարանի որոշումը:

Դիվանագիտական սկանդալը ծագել էր անցած տարվա մայիսին, Ռեջեփ Էրդողանի Վաշինգտոն այցի ժամանակ, երբ նրա թիկնազորի անդամները հարձակվել էին այցի դեմ բողոքող ցուցարարների՝ հայերի, քրդերի, հույների վրա եւ դաժան ծեծի ենթարկել նրանց:

Ռեջեփ Էրդողանի թիկնապահների նկատմամբ որոշվել է հետախուզում հայտարարել մայիսի 16-ին Վաշինգտոնում Թուրքիայի դեսպանի առանձնատան առջեւ նրանց կողմից խաղաղ ցուցարարների վրա հարձակվելու կապակցությամբ: Քրեական գործի կապակցությամբ արդեն ձերբակալվել է չորս անձ, երկուսը միջադեպի օրը, մայիսի 16-ին, եւս երկուսն՝ այս շաբաթ:

Ինչ վերաբերում է Թուրքիայի նախագահի թիկնապահներին, ապա նրանք կձերբակալվեն ԱՄՆ-ի տարածքում հայտնվելուն պես: «Վաշինգտոնն այն տեղն է, որտեղ մենք ողջունում ենք խաղաղ ցուցարարներին», - նշում էին ամերիկյան իրավապահները: