Թբիլիսիում այրել են Ջորջ Սորոսի խրտվիլակը

«Վրացական մարշի» մասնակիցները Բաց հասարակության հիմնադրամ Վրաստանի գրասենյակի մոտ այրել են հիմնադրամի հիմնադիր Ջորջ Սորոսի խրտվիլակը: Այս մասին հայտնում է Грузия Online-ը:

«Փառք ժողովրդին, մահ թշնամուն»,- վանկարկելով ակցիայի մասնակիցները շարժվել են դեպի հիմնադրամի գրասենյակ: Ակտիվիստները պահանջել են փակել Սորոսի հիմնադրամի գրասենյակը և արգելել բոլոր արտերկրից ֆինանսավորվող կազմակերպությունների գործունեությունը: Նրանց խոսքով՝ պայքարելով հիմնադրամի դեմ նրանք պաշտպանում են վրաց երիտասարդությանը: 

Վերջերս «Վրացական մարշը» հայտարարել էր, որ կստեղծեն հատուկ ժողովրդական պահակախումբ, որը վերջ կդնի Վրաստանում օտարերկրացիների ամբարտավանությանը: