29.03.2024
Թուրքիայում քրդական կուսակցության գրասենյակի վրա զինված հարձակում է տեղի ունեցել
prev Նախորդ նորություն

Նորություններ գործընկերներից

Լեռնային Ղարաբաղում իրավիճակը պայթյունավտանգ է և դա ակնհայտ է. Քոչարյան

Այն հանգամանքը, որ Լեռնային Ղարաբաղում իրավիճակը պայթյունավտանգ է՝ ակնհայտ է, և դրա վկայությունն են 2016 թվականի ապրիլյան դեպքերը: Այս մասին կառավարության նիստից հետո լրագրողների հետ ճեպազրույցում հայտարարեց ՀՀ արտաքին գործերի նախարարի տեղակալ Շավարշ Քոչարյանը:


Իր այս հայտարարությունը Քոչարյանն արեց անդրադառնալով ԱՄՆ հետախուզական ծառայությունների հրապարակած զեկույցին, որում նշված է, որ Ղարաբաղի շուրջ լարվածությունը կարող է վերածվել ռազմական լայնածավալ գործողությունների և նշվում, որ կողմերի միջև չկա պատրաստակամություն գնալ փոխզիջումների:


Ըստ փոխարտգործնախարարի, հայկական կողմերը միշտ պատրաստ են ցանկացած զարգացումների, հատկապես հաշվի առնելով այն հայտարարությունները, որ հնչեցնում է Ադրբեջանի ղեկավարությունը.


«Բավական է հիշատակել Ադրբեջանի նախագահի վերջին ելույթը, որը միանշանակ ցույց է տալիս, թե ով ինչի է պատրաստ և ով պատրաստ չէ բանակցային գործընթացում առաջ գնալուն: Այդպիսի ելույթով Ադրբեջանի նախագահը, նրանց համար, ովքեր դա չեն նկատել, փայլուն կերպով անհերքելի ապացուցեց, որ երբևիցե չի կարող Ղարաբաղը լինել Ադրբեջանի կազմում և որ Արցախի միջազգային ճանաչումն անխուսափելի է»,- շեշտեց Շավարշ Քոչարյանը: 


Ինչ վերաբերում է այն կանխատեսումներին, թե Ալիևի ձեռքերը ավելի են ազատվում Հայաստանում խորհրդարանական համակարգի ներդրմամբ, քանզի հայտնի չէ, թե ով է խաղաղ ժամանակ լինելու գերագույն հրամանատարը, փոխարտգործնախարարը կոչ արեց նման խոսակցություններին տուրք չտալ, քանզի դրանք որևէ հիմք չունեն: Եվ միջազգային փորձն էլ, ըստ նրա, ապացուցում է հակառակը. 


«Այն երկրների համար, որոնք չունեն ժողովրդավարական ավանդույթներ, կայացած հասարակարգեր, քաղաքացիական հասարակություն, պառլամենտական համակարգերն ավելի արդյունավետ են նաև անվտանգություն ապահովելու տեսակետից: Վառ օրինակ է Իսրայելը, որը թշնամական միջավայրում է, բայց խորհրդարանական երկիր է, իսկ հարևան երկրները նախագահական են»,- հավելեց նա:

Տագնապի 30 տարին Սև այգում. TA3 հեռուստատեսության եթերն Արցախի մասին
Հաջորդ նորություն next
 Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար
25.03.2024
Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար