ԼՂ հակամարտության լուծումը ՌԴ հետ միավորվելն է. Ժիրինովսկի

Լեռնային Ղարաբաղի խնդիրը շատ կարևոր է, այս թեժ կետը չի հանգչում արդեն 30 տարի: Ցավոք, սա միակ տարածաշրջանը չէ հետխորհրդային տարածքում, որտեղ ազգամիջյան հակամարտությունը պատերազմի առիթ դարձավ. Ուկրաինայում, Միջին Ասիայում, Վրաստանում՝ ամենուր կան նման խնդիրներ: Այս մասին «Ռուսաստանը բոլորի համար» պորտալին տված հարցազրույցում հայտարարել է Ռուսաստանի Լիբերալ-դեմոկրատական կուսակցության նախագահ, ՌԴ նախագահի թեկնածու Վլադիմիր Ժիրինովսկին:  

«Լուծումը մեկն է՝ միավորվել Ռուսաստանի հետ ազգային սահմանների պահպանմամբ: Ես խոսում եմ նախկին ԽՍՀՄ բոլոր պետությունների մասին: Իհարկե, կամավոր հիմունքներով և հանրաքվեներով»,- ընդգծել է նա:

Ժիրինովսկին նաև ասել է, որ միայն մեկ պետության շրջանակում հնարավոր կլինի վերացնել նման հակասություններն ու չի լինի հիմք նեղանալու, թե ինչ-որ մեկը զբաղեցրել է ուրիշի տարածքը՝ այն կլինի ընդհանուր:

Նշենք, որ ԽՍՀՄ սահմանների խաղաղ վերականգնումը կուսակցության նախընտրական րդույթներից մեկն է: