ԵԽԽՎ-ն ընդունեց ադրբեջանական զեկույցը` առանց հակահայկական ձևակերպումների. Հովհաննիսյան

Անհրաժեշտ է բարձրացնել ԼՂ հակամարտության կարգավորման արդյունավետությունը. Զախարովա

26.01.2018

Ռուսաստանի արտաքին գործերի նախարարության պաշտոնական ներկայացուցիչ Մարիա Զախարովան հայտարարել է, որ անհրաժեշտ է Լեռնային Ղարաբաղի հակամարտության կարգավորման գործընթացում բարձրացնել արդյունավետությունը:

Այդ մասին նա նշել է ամենշաբաթյա իր բրիֆինգի ընթացքում՝ պատասխանելով հարցին, թե արդյոք ռուսական կողմը պատրաստվո՞ւմ է ակտիվացնել ջանքերը ԼՂ հիմնախնդրի կարգավորման ուղղությամբ:

«Իմ կարծիքով, անհրաժեշտ է բարձրացնել ոչ թե ակտիվությունը, այլ արդյունավետությունը: Կարծում եմ, որ դրանով բոլորը կզբաղվեն»,- ասել է Զախարովան:

Ավելի վաղ հայտարարվել էր, որ ԼՂ հակամարտության կարգավորման հարցը փետրվարի 1-ին լինելու է նաեւ ՌԴ արտգործնախարար Սերգեյ Լավրովի և ԵԱՀԿ գործող նախագահ, Իտալիայի ԱԳ նախարար Անջելինո Ալֆանոյի քննարկման առարկա: