Էրդողանը կրկին հայտնել է, որ չեն սահմանափակվելու միայն Աֆրինի գործողությամբ

Թուրքիայի նախագահ Ռեջեփ Թայիփ Էրդողանը Աֆրինի գործողության հետ կապված հայտարարությամբ է հանդես եկել։

Թուրքական Milliyet–ի փոխանցմամբ՝ Թուրքիայի նախագահը կրկնել է նախկին խոսքերը, որ իրենք չեն սահմանափակվելու միայն Աֆրինի գործողությամբ, եւ Սիրիայի հետ իրենց սահմանը մաքրելու են «ահաբեկչներից»։

«Մենք Աֆրինում մարդկության թշնամու դեմ ենք պայքարում։ Մենք պայքարելու ենք մինչեւ վերջին ահաբեկիչը չեզոքացվի»,– ասել է Էրդողանը։