29.03.2024
Երեւանը սովորելու շատ բան ունի Փարիզից. Սերժ Սարգսյանը՝ Ֆրանսիայի մայրաքաղաքում
prev Նախորդ նորություն

Նորություններ գործընկերներից

Փարիզում սեպտեմբերին Թումո կենտրոն կբացվի. քաղաքապետ

Փարիզում սեպտեմբերին Թումո կենտրոն կբացվի: Այս մասին այսօր՝ հունվարի 22-ին, Փարիզում Հայաստանի նախագահ Սերժ Սարգսյանի հետ հայ համայնքի հետ հանդիպմանն ասել է Փարիզի քաղաքապետ Անն Իդալգոն:


Քաղաքապետը պատմել է, որ ինքը 2016թ.-ին այցելելով Հայաստան տպավորվել է Թումո կենտրոնով եւ վերադառնալով Ֆրանսիա՝ նախաձեռնել նման կենտրոն բացել Փարիզում ապրող երիտասարդների համար:


«Այդ կապակցությամբ համագործակցում ենք Հայաստանում Ֆրանսիական համալսարանի եւ Թումոյի հետ Փարիզում նույնպես նման կենտրոն ունենալու համար»,- ասել է Փարիզի քաղաքապետը:


Հիշեցնենք, որ Անն Իդալգոն Հայաստան էր ժամանել 2016թ. հոկտեմբերի 7-9-ը՝ Էրեբունի-Երեւան տոնակատարությունների շրջանակներում: Փարիզի քաղաքապետն այցելել է Թումո ստեղծարար տեխնոլոգիաների կենտրոն եւ Կոմիտասի թանգարան-ինստիտուտ: Հետագայում նա նշել է, որ խորապես տպավորված է այցից եւ շեշտել, որ Փարիզը կարող է ոչ միայն տալ Հայաստանին եւ Երեւանին, այլ նաեւ սովորել եւ վերցնել նրանցից:


Թումո կենտրոնն այնքան է ոգեւորել քաղաքապետին, որ նա մտադրվել է Փարիզում եւս նման կենտրոն հիմնել եւ երիտասարդների փոխանակումներ իրականացնել:


2016թ. դեկտեմբերի 15-ին եւ 2017թ. հունվարի 26-ին Թումոյի տնօրեն Մարի Լու Փափազեանի գլխավորությամբ, կենտրոնը ներկայացնող թիմը քաղաքապետի հրավերով Փարիզում աշխատանքային հանդիպումներ է ունեցել փոխքաղաքապետ Պոլին Վերոնի եւ իր օգնականների հետ՝ քննարկելով ծրագրի բյուջեն, լոգիստիկան եւ կենտրոնի տեղակայումը՝ ներառյալ հնարավոր տարածքը Փարիզի «Գիտության եւ արդյունաբերության քաղաքում»:


Փարիզի քաղաքապետարանի հանձնառությամբ՝ Թումոյի թիմը տրամադրել է մանրամասն բյուջե եւ պրեզենտացիոն նյութեր, որոնք քաղաքապետարանին կօգնեն միջոցներ հատկացնել ծրագրի համար։ Ներկայումս նախագծի իրականացումը գտնվում է զարգացման փուլում՝ Փարիզի քաղաքապետարանում։

Ռասիզմը, ծայրահեղականությունն ու քսենոֆոբիան Եվրոպայում վտանգավոր աճ են արձանագրել
Հաջորդ նորություն next
 Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար
25.03.2024
Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար