ՀՀ կառավարության այսօրվա նիստում գործադիրի աշխատակազմի ղեկավար Վահե Ստեփանյանը ներկայացրեց որոշման մի նախագիծ, որով արձանագրվեց է, որ հակակոռուպցիոն ռազմավարությունն իրականացնելու համար 1 միլիարդ 384 միլիոն դրամ է անհրաժեշտ:
Ավելի վաղ Կարեն Կարապետյանը հանձնարարել էր նոր հակակոռուպցիոն ռազմավարություն մշակել: 2015 թվականին ընդունվել էր Հակոկոռուպցիոն ռազմավարությունը: «Կառավարության նախաձեռնությամբ այս ժամանակատվածում իրականացվել են մի շարք միջոցառումներ՝ ուղղված կոռուպցիայի դեմ պայքարին և կոռուպցիոն երևույթների կանխարգելմանը: Ռազմավարությունից բխող որոշ միջոցառումներ դեռևս ընթացքի մեջ են, սակայն հարկավոր է արդեն այս փուլում ձեռնարկել միջացառումներ՝ նոր հավակնոտ հակոկոռուպցիոն ռազմավարություն մշակելու ուղղությամբ՝ զուգահեռ ներդնելով նոր ռազմավարության կատարման մոնիթորինգի և արդյունքների գնահատման մեխանիզմները», - հայտարարել էր վարչապետը:
Ռազմավարությամբ առողջապահության, կրթության, պետական եկամուտների հավաքագրման, ոստիկանության կողմից քաղաքացիներին ծառայությունների մատուցման ոլորտները ճանաչվել են թիրախային: Գործող ռազմավարությամբ խնդիր է դրված մշակել միջոցառումների ծրագրեր, որոնց ուղղված կլինեն կոռուպցիոն ռիսկերի չեզոքացմանը և նվազեցմանը:
Այսօր ընդունված որոշմամբ փոփոխություն կատարվեց կառավարության 2015 թվականի սեպտեմբերի 25-ի «Հայաստանի Հանրապետության հակակոռուպցիոն ռազմավարությունը և դրա իրականացման 2015-2018 թվականների միջոցառումների ծրագիրը հաստատելու մասին» որոշման մեջ: Կոռուպցիայի դեմ պայքարը կծավալվի նաեւ պետական եկամուտների հավաքագրման, ոստիկանության կողմից քաղաքացիներին ծառայությունների մատուցման, առողջապահության եւ կրթության ոլորտներում:
Այժմ արդեն կառավարությունը կոռուպցիայի դեմ պայքարի բյուջե է ներկայացրել: Հակակոռուպցիոն միջոցառումներն իրականացնելու նպատակով անհրաժեշտ է 1 միլիարդ 384 միլիոն դրամ:
Հատկանշական է, որ չնայած մշակվող տարբեր ռազմավարությունների եւ գոծողությունների ծրագրերի, ըստ Թրանսփարենսի ինթերնեշնլի, կոռուպցիայի ընկալման համաթվերով ցուցանիշները բավականին ոչ հուսադրող են: Ինչպես նշում է կազմակերպության ծրագրերի ղեկավար Վարուժան Հոկտանյանը, կոռուպցիայի ընկալման համաթվով 2003-ից, հաշվի առնելով նվազագույնը երեք միջազգային հետազոտությունները, որեւէ լուրջ փոփոխություն տեղի չի ունեցել: Ավելին՝ կարելի է ասել՝ «լճացման իրավիճակ է»:
«2008-2011-ին որոշ փոփոխություն եղավ, նվազման առումով եւ որոշ լավացում եղավ մինչեւ 2013-ը, 2014-ից սկսել է նորից նույն տխուր իրավիճակը»: Նա նշեց, որ կոռուպցիայի ցուցանիշը ՀՀ-ում ամենավատերից չի՝ նախկին խորհրդային հանրապետությունների համեմատ, բայց զբաղեցրած տեղով ավելի ներքեւի հորիզոնականներ է իջնում», - վերջերս հայտարարել էր Հոկտանյանը՝ հավելելով, որ այլլ երկրներում նոր քայլեր են ձեռնարկում, ընկալման ցուցանիշը բարելավվում է, «ՀՀ-ում այդ բարելավումը չկա»:
Նա ասաց, որ «Ֆրիդմ Հաուսի» ցուցանիշը չի փոխվում: Ինչպես հիշեցնում է «Առավոտը», 70 տոկոս երկրներում ավելի լավ է իրավիճակը, քան ՀՀ-ում: Այս ցուցանիշի պատճառով նոյեմբերի 20-ին հրապարակվեց հազարամյակի մարտահրավերների գնահատման երկրների ցանկը եւ միայն կոռուպցիայի պատճառով Հայաստանը դուրս մնաց Հազարամյակի մարտահրավերների կողմից ֆինանսավորվող երկրների ցանկից:
Հայաստանը հայտնվել է նաեւ ԵՄ ֆինանսների նախարարի խորհրդի մոխրագույն ցուցակում: Սա ցույց է տալիս, թե որքանով է հարկային օրենսդրությունը թափանցիկ: Կա 17 երկրների սեւ ցուցակը եւ կա 47 երկրների մոխրագույն ցուցակ, որի մեջ է նաեւ Հայաստանը: Հոկտանյանի խոսքով՝ դեռռւ մոխրագույն ցուցակ են գցել, ոչ թե սեւ, որովհետեւ Ֆիննախի կողմից կարծիք է եղել, որ կուղղվեն: «Հուսանք, ապագայում սեւ ցուցակում չի հայտնվի Հայաստանը», - եզրափակում է նա:
