Ֆրանսիան մտահոգված է ղարաբաղյան հակամարտության տևականությամբ

Ֆրանսիան մտահոգված է ղարաբաղյան հակամարտության տևականությամբ և մենք մշտապես հանդես ենք գալիս կոչով` գտնելու բանակցված որոշում:

Այս մասին լրագրողների հետ ճեպազրույցում հայտարարել է ՀՀ-ում Ֆրանսիայի դեսպան Ժոնաթան Լաքոտը` անդրադառնալով նախօրեին Կրակովում կայացած Էդվարդ Նալբանդյանի և ԵԱՀԿ Մինսկի խմբի համանախագահների հանդիպմանը:

Նրա խոսքով, Հայաստանի և Ադրբեջանի արտաքին գործերի նախարարների հանդիպումը, որը այսօր պետք է կայանա Կրակովում, սպասված է և ցանկալի:

Նշենք, որ ԵԱՀԿ Մինսկի խմբի համանախագահների նախաձեռնությամբ հունվարի 18-ին Կրակովում կկայանա Հայաստանի և Ադրբեջանի արտաքին գործերի նախարարներ Էդվարդ Նալբանդյանի և Էլմար Մամադյարովի հանդիպումը:

Ավելի վաղ, Կրակովում միջնորդների հետ հանդիպել էր Էդվարդ Նալբանդյանը եւ հանդես եկել ԼՂ հիմնահարցի կարգավորման հեռանկարի վերաբերյալ հայտարարությամբ: