Նոր մանրամասներ են հայտնի դարձել Ստամբուլում ՀՀ քաղաքացու ձերբակալության մասին

Ստամբուլի պետական համալսարանի բժշկական ֆակուլտետում սովորող հայաստանցի 24–ամյա Մ.Մ–ի ձերբակալության հետ նոր մանրամասներ են հայտնի դարձել։ Հայաստանի ԱԳՆ-ն պարզում է Թուրքիայում Հայաստանի քաղաքացու մասնակցությամբ միջադեպի մանրամասները:

Թուրքական Sozcu պարբերականի փոխանցմամբ՝ Ամերիկյան «կորած եւ շահագործման ենթարկված երեխաների ազգային կենտրոնը» (NCMEC) ֆիքսել էր, որ Ստամբուլում գտնվող համակարգիչներից մեկը անչափահաասներ մասնակցությամբ պոռնոֆիլմ է ներբեռնում։ NCMEC–ի մասնագետները հետեւել են IP–ի հասցեին եւ հայտնաբերել, որ այն գտնվում է Ստամբուլում, որից հետո տվյալները փոխանցել են թուրքական ոստիկանությանը։

Այնւոհետ թուրքական ոստիկանությունը գտել է կասկածյալի հասցեն եւ գործողության ժամանակ հենց պոռնոֆիլմ ներբեռնելու ժամանակ ձերբակալել 24–ամյա Մ.Մ.–ին։ Քանի որ կասկածյալի համակարգիչը եւ կոշտ սկավառակը եղել են գաղտնաբառով, դատարանը ապացույցների բացակայության պատճառով ազատ է արձակել Մ.Մ.–ին։

Ավելի ուշ, կիբեր հարձագործությունների դեմ պայքարի ոստիկաններին հաջողվում է կոտրել Մ.Մ.–ի համակարգչի եւ կոշտ սկավառակի գաղտնաբառերը եւ հայտնաբերել մեծ թվով մանկական պոռնոգրաֆիկ տեսանյութեր։

Դատախազության հրահանգով Մ.Մ.–ն կրկին ձերբակալվել է մանկական պոռնոգրաֆիկ արգելված կայքեր մտնելու, տեսանյութեր ներբեռնելու եւ տարածելու մեղադրանքով։

Մ.Մ.–ն Հայաստանի քաղաքացի է, սովորում է Ստամբուլի պետական համալսարանի բժշկական ֆակուլտետի 6–րդ կուրսում։

Միեւնույն ժամանակ, հայկական կողմը պարզում է Թուրքիայում ենթադրաբար ՀՀ քաղաքացու մասնակցությամբ միջադեպի մանրամասները: Այս մասին հայտնել էր ՀՀ ԱԳՆ մամուլի քարտուղար Տիգրան Բալայանը:

Ավելի վաղ թուրքական ԶԼՄ-ները տեղեկություն էին տարածել այն մասին, որ ՀՀ 24-ամյա քաղաքացի Մ.Մ.-ն, ով Ստամբուլի համալսարանի բժշկական ֆակուլտետի ուսանող է, լքված երեխաների մասնակցությամբ պոռնոգրաֆիկ ֆիլմեր է տարածել: