Սուդանի իշխանությունները ժամանակավորապես Թուրքիային են «փոխանցել» Սուակին կղզին

Սուդանի իշխանությունները համաձայնել են Սուակին կղզին վարձակալության տալ Թուրքիային։ Թուրքիան պատրաստվում է ռազմանավերի համար առաջիկայում նոր նավահանգիստ կառուցել կղզում։

Լուրի մասին առաջինը հայտարարել է Թուրքիայի նախագահ Ռեջեփ Թայիփ Էրդողանը, այնուհետև այն հաստատել է Սուդանի արտաքին գործերի նախարարությունը:

Նախկինում Օսմանյան տիրապետության տակ գտնված կղզին թուրքերը պատրաստվում են վերակառուցել և բացել տուրիզմի համար:

Հիշեցնենք, որ օրեր առաջ Էրդողանը Սուդան այցի ժամանակ տեղի իշխանություններին առաջարկել էր «իրենց տալ» Սուակին կղզին, որտեղ գտնվում է երկրի խոշոր նավահանգիստը: