29.03.2024
Կիեւում ձերբակալված Սահակաշվիլին մեկուսարանում անժամկետ հացադուլ է հայտարարել
prev Նախորդ նորություն

Նորություններ գործընկերներից

Բարոյական պարտավորություն ենք զգում` նպաստելու ցեղասպանությունների կանխարգելմանը. ԱԳՆ

Որպես ցեղասպանության սարսափի միջով անցած ժողովուրդ` հայերը բարոյական պարտավորություն են զգում` նպաստելու ցեղասպանությունների, մարդկության դեմ հանցագործությունների կանխարգելման միջազգային ջանքերին:


Այս մասին, այսօր՝ դեկտեմբերի 9-ին, Ցեղասպանության հանցագործության զոհերի հիշատակի ու արժանապատվության եւ այդ հանցագործության կանխարգելման միջազգային օրվա կապակցությամբ իր հայտարարության մեջ նշել է Հայաստանի ԱԳ նախարար Էդվարդ Նալբանդյանը:


Հայաստանի ԱԳՆ-ից հայտնում են, որ Նալբանդյանն իր հայտարարությունում, մասնավորապես, նշել է. «Այսօր, նշելով Ցեղասպանության զոհերի հիշատակի միջազգային օրը, մենք միանում ենք բոլոր նրանց, ովքեր ջանք չեն խնայում երաշխավորելու, որ «այլեւս երբեք»-ը դա համամարդկային խոստում է, որը հարգվում եւ պահպանվում է բոլորի կողմից:


Որպես ցեղասպանության սարսափի միջով անցած ժողովուրդ` հայերը բարոյական պարտավորություն են զգում` նպաստելու ցեղասպանությունների, մարդկության դեմ հանցագործությունների կանխարգելման միջազգային ջանքերին: 2015 թվականին Հայաստանի նախաձեռնությամբ Միավորված ազգերի կազմակերպության Մարդու իրավունքների խորհուրդը միաձայն ընդունեց Ցեղասպանության կանխարգելման բանաձեւ, իսկ ՄԱԿ-ի Գլխավոր ասամբլեան մեր ջանքերով դեկտեմբերի 9-ը հռչակեց «Ցեղասպանության հանցագործության զոհերի հիշատակի եւ արժանապատվության միջազգային օր»:


2015 թվականից ի վեր դեկտեմբերի 9-ը մարդկության դեմ հանցագործությունների կրկնության դեմ համատեղ պայքարի կարեւոր հարթակ է դարձել: Այն նաեւ կարեւոր առաքելություն է կրում` կրթելով եւ բարձրացնելով մարդկության դեմ հանցագործությունների մասին իրազեկվածությունը:


Հաջորդ տարվա դեկտեմբերի 9-ին Հիշատակման միջազգային օրն առավել մեծ նշանակություն է ձեռք բերելու, քանի որ այն համընկնելու է «Ցեղասպանության հանցագործությունը կանխարգելելու եւ պատժելու մասին» կոնվենցիայի ընդունման 70-ամյակի հետ: Դա հնարավորություն կընձեռի եւս մեկ անգամ վերահաստատելու Ցեղասպանության կոնվենցիայի կարեւորությունը:


Սակայն, 70 տարի անց էլ աշխարհը զերծ չէ այս «նողկալի արհավիրքից»: Չափազանց կարեւոր է կրկնապատկել կանխարգելման օրակարգի ամրապնդմանն ուղղված միջազգային ջանքերը:


Մենք հուսով ենք, որ Կոնվենցիայի 70-ամյակը նոր լիցք կհաղորդի այս ուղղությամբ ձեռնարկվող միջազգային ջանքերին»:

Տաղանդը աչք կծակե. Գյումրին առանձին լոգո եւ բրենդ ունեցավ
Հաջորդ նորություն next
 Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար
25.03.2024
Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար