ԱՄՆ-ն Իսրայելի մայրաքաղաք ճանաչեց Երուսաղեմը. դեսպանատունը կտեղափոխվի. Թրամփ

ԱՄՆ նախագահ Դոնալդ Թրամփը քիչ առաջ հանդես եկավ հայտարարությամբ՝ Երուսաղեմը ճանաչելով Իսրայելի մայրաքաղաք և հաստատելով ԱՄՆ դեսպանատունն այնտեղ տեղափոխելու ծրագիրը: Այս մասին հաղորդում է CNN-ը:


Այս հայտարարությամբ ԱՄՆ ղեկավարը հանդես է եկել Սպիտակ տան ընդունելության սրահում ելույթ ունենալիս:


«Ես որոշել եմ, որ ժամանակն է Երուսաղեմը պաշտոնապես Իսրայելի մայրաքաղաք ճանաչելու համար: Ավելի քան երկու տասնամյակ հրաժարվելուց հետո մենք չենք մոտեցել Իսրայելի և Պաղեստինի միջև խաղաղության համաձայնագիր կնքելուն», - ասել է Թրամփը՝ նշելով, որ կատարում է նախընտրական քարոզարշավի ժամանակ տված խոստումը:


ԱՄՆ Կոնգրեսը 1995-ին որոշում կայացրել էր Իսրայելի մայրաքաղաքը Թել Ավիվից Երուսաղեմ տեղափոխելու վերաբերյալ, սակայն ԱՄՆ նախագահները վեց ամիսը մեկ հետաձգում էին այս որոշման իրագործումը՝ արաբական և մահմեդական աշխարհի միջև լարվածությունը չսրելու համար:

Տպել

Թեմայի այլ նորություններ