ԵԽԽվ-ում կոռուպցիոն իրադարձությունները հետաքննող մարմնի գործունեությունը երկարաձգվեց

Երեկ Կոպենհագենում՝ ԵԽԽՎ բյուրոյի նիստում, որոշում կայացվեց երկարաձգել ԵԽԽվ-ում կոռուպցիոն վերջին իրադարձությունները հետաքննող անկախ մարմնի գործունեությունը մինչև 2018 թվականի ապրիլի 15-ը։ Այս մասին տեղեկացնում է ԵԽԽՎ-ում հայկական պատվիրակության ղեկավար Արփինե Հովհաննիսյանը:

Նրա խոսքով, մինչ այդ ժամանակահատվածի ավարտը անկախ մարմինը բյուրոյին, այնուհետ՝ Վեհաժողովին կներկայացնի իր զեկույցը։

«Հիշեցնեմ,որ անկախ մարմինը ստեղծվել էր ամիսներ առաջ ԵԽԽվ որոշմամբ, և նախատեսվում էր, որ զեկույցը պետք է ներկայացվեր Վեհաժողովին մինչև 2018 թվականի հունվարը»,- հավելել էպատվիրակության ղեկավարը: