28.03.2024
Հունվարից ուժի մեջ մտնող ԵԱՏՄ մաքսային օրենսգիրքը գնաճի չի բերի. ԿԲ
prev Նախորդ նորություն

Նորություններ գործընկերներից

Հայաստանը մասամբ ազատ համացանց ունեցող երկիր է. Freedom House

Freedom House միջազգային իրավապաշտպան կազմակերպությունը Հայաստանը դասել է մասամբ ազատ համացանց ունեցող երկրների շարքին: Այդ մասին հետևում է կազմակերպության «Համացանցի ազատությունը - 2017» զեկույցից: Հայաստանը հետընթաց է գրանցել նախորդ տարվա համաձայն, երբ այն ընդգրկված էր ազատ համացանց ունեցող երկրներին շարքում: Այս մասին գրում է tert.am-ը:


Հայաստանն այս տարի հավաքել է 32 միավոր՝ նախորդ տարվա 30-ի փոխարեն: Համացանցի հասանելիության խոչընդոտը գնահատվել է 25-ից 7 միավոր, բովանդակության սահմանափակումները՝ 35-ից 10 միավոր, օգտատերերի իրավունքների խախտումները՝ 40-ից 15 միավոր:


Վրաստանը հավաքել է 24 միավոր՝ կրկին ընդգրկվելով ազատ համացանց ունեցող երկրների շարքում, Ադրբեջանը՝ 58 միավոր՝ ընդգրկվելով մասամբ ազատ համացանց ունեցող երկրների ցանկում: Ռուսաստանը և Թուրքիան ստացել են 66 միավոր՝ ընդգրկվելով ոչ ազատ համացանց ունեցող երկրների ցանկում:


Զեկույցը նշվում է, որ Հայաստանի դիրքերի վատթարացումը կապված է ոստիկանության կողմից հակակառավարական ցույցերի ընթացքում ուղիղ հեռարձակում ապահովել փորձող քաղաքացիների և լրագրողների աշխատանքը խոչընդոտելու հետ: Զեկույցում նշվում է, որ 2016 թվականի հուլիսին տեղի ունեցած բազմահազարանոց ցույցերի ընթացքում իշխանությունները ժամանակավորապես սահմանափակել են Facebook-ի հասանելությունը:


Հետազոտությունն անցկացվել է 65 երկրում, այն ընդգրկում է 2016 թվականի հունիսից մինչև 2017 թվականի մայիս ընկած ժամանակահատվածը: Հետազոտության արդյունքների համաձայն՝ մեկ տարվա ընթացքում ամենանկատելի բացասական դինամիկան նկատվել է Ուկրաինայում, Եգիպտոսում և Թուրքիայում:


Համացանցի ազատության առաջատար հնգյակում են հայտնվել Էստոնիան, Իսլանդիան, Կանադան, Գերմանիան և Ավստրալիան: Վերջին հորիզոնականներն են զբաղեցրել Կուբան, Իրանը, Եթովպիան, Սիրիան և Չինաստանը:

Ընդհանուր առմամբ՝ կազմակերպությունում նշում են, որ համացանցի ազատությունը վատթարանում է ողջ աշխարհում, որոշ երկրների կառավարություններ արգելափակում են բջջային կապը, սահմանափակում են տեսահեռարձակումները և վարձում են իշխանամետ օգտատերերի կիբերբանակ:

ԱԺ-ն ընդունեց տարկետումը սահմանափակող աղմկահարույց օրենքը. դրսում ոստիկաններն անցան գործի
Հաջորդ նորություն next
 Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար
25.03.2024
Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար