Ռուս սահմանապահները Իրանի քաղաքացու են ձերբակալել, որի մոտ նռնականետի նշանառու է եղել

«Ագարակ» անցակետում Մեղրիի սահմանապահ ջոկատի զինծառայողները Իրանի քաղաքացուն պատկանող տրանսպոտային միջոցի զննման ընթացքում հայտնաբերել են օպտիկական ՊԳՕ-7 նշանառու, որն օգտագործվում է ձեռքի ՌՊԳ-7 հակատանկային նռնականետից կրակելու համար: Այս մասին տեղեկանում ենք ՀՀ-ում ՌԴ ԱԴԾ Սահմանապահ վարչության մամուլի ծառայությունից:

Ըստ հաղորդագրության, իրավախախտն ասել է, որ այն ընկերոջ խնդրանքով ձեռք է բերել Երևանի շուկաներից մեկում:

Նշվում է, որ ձերբակալվածն ու նշանառուն հանձնել են Հայաստանի իրավասու մարմիններին: