Իրանում միջուկային ռումբի ստեղծման համար բավական նյութ կա. Ջուբեյր

Սաուդյան Արաբիան բավարարված չէ Իրանի միջուկային համաձայանգրի վերաբերյալ Գործողությունների համատեղ համապարփակ ծրագրի մի շարք դրույթներով; Այս մասին CNBC-ին տված հարցազրույցում ասել է թագավորության արտգործնախարար Ադել ալ Ջուբեյրը:

«ԳՀՀԾ-ի ստորագրումից 12 տարի անց ցենտրիֆուգի քանակի վերաբերյալ սահմանափակումները հանվում են, որոնք Իրանը կարող է օգտագործել: Իրանում կարող են ունենալ 50 100 հազար ցենտրիֆուգ: Նրանք մեկ շաբաթում կարող են միջուկային ռումբի ստեղծման համար բավական հարստացված նյութ արտադրել եւ դա շատ վտանգավոր է», - պնդում է նա:

Բացի այդ, նա նշել է, որ Ատոմային էներգիայի Միջազգային գործակալությունը պետք է ավելի ակտիվ գործի համաձայանագրի այն կետերի ուղղման ժամանակ, որոնք վերաբերում են միջուկային օբյեկտների ստուգմանը եւ դրանց մեջ ներառել չհայտարարված ռազմական օբյեկտների ստուգումը: