Թրամփը չի բացառել Պուտինի հետ հանդիպումը

ԱՄՆ նախագահ Դոնալդ Թրամփը հայտարարել է, որ ռուս գործընկեր Վլադիմիր Պուտինի հետ, հավանաբար, կհանդիպի Վիետնամում Ասիա-Խաղաղօվկիանոսյան տնտեսական համագործակցության գագաթնաժողովի շրջանակում, հայտնում է Fox News-ը:

«Սա շատ կարեւոր ուղեւորություն է: Հնարավոր է հանդիպում Պուտինի հետ…դա շատ կարեւոր է: Նրանք կարող են մեզ օգնել Հյուսիսային Կորեայի, Սիրիայի հարցերում: Մենք պետք է խոսենք Ուկրաինայի մասին»,- ասել է նա հեռուստաալիքի հետ զրույցում:

ԱԽՏՀ գագաթնաժողովը տեղի է ունենալու նոյեմբերի 6-ից 11-ը Վիետնամի Դանանհե քաղաքում:

Ավելի վաղ Սպիտակ տան ղեկավարի ազգային անվտանգության հարցերով խորհրդական Հերբերթ Մակմասթերը նշել էր, որ Պուտինի հետ Թրամփի հանդիպման հարցը դեռեւս լուծված չէ: ՌԴ նախագահի մամուլի քարտուղար Դմիտրի Պեսկովը եւս հայտնել էր, որ ԱԽՏՀ գագաթնաժողովում երկրների նախագահների բանակցութունների վերաբերյալ հստակություն չկա:

Հիշեցնենք, որ Թրամփը եւ Պուտինը հանդիպել են հուլիսին Գերմանիայում G20 գագաթնաժողովի շրջանակում: