ՌԴ-ն կոչ է անում Բաքվին և Երևանին կառուցողական մոտեցում ցուցաբերել. Զախարովա

Ռուսաստանը ողջունում է Հայաստանի և Ադրբեջանի պատրաստակամությունը շարունակել ղարաբաղյան հակամարտության կարգավորմանն ուղղված բանակցային գործընթացը: Այս մասին  ճեպազրույցի ժամանակ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան:

Նրա խոսքով, Ռուսաստանը ողջունում է կողմերի պատրաստակամությունը ակտիվացնել բանակցային գործընթացը և ձեռնարկել հավելյալ քայլեր , որոնք միտված կլինեն շփման գծում լարվածության նվազմանը:  

«Մենք աջակցում ենք ԵԱՀԿ Մինսկի խմբի համանախագահների ջանքերը, որոնք ներկայումս քննարկում են կազմակերպչական հարցեր՝ ՀՀ և Ադրբեջանի արտգործնախարարների հերթական հանդիպման համար»,- նշել է նա:

Զախարովան նաև ափսոսանք է հայտնել, որ հակամարտության գոտում իրավիճակը շարունակում է բարդ մնալ.

«Կոչ ենք անում Բաքվին և Երևանին կառուցողական մոտեցում ցուցաբերել չլուծված հարցերի կարգավորման համար»,- հավելել է ՌԴ ԱԳՆ ներկայացուցիչը: