Առաջին կիսամյակում Հայաստանից արտահանման ծավալը կազմել է մոտ 994 մլն դոլար

2017 թվականի առաջին կիսամյակում Հայաստանից արտահանման ծավալը կազմել է մոտ 994 մլն դոլար, ինչը 21 տոկոսի աճ է արձանագրել նախորդ տարվա հաշվետու ժամանակահատվածի համեմատ։ Այս մասին տեղեկանում ենք ՀՀ Ազգային վիճակագրական ծառայությունից:

Նշվում է, որ արտահամնան մեջ առաջատարները հանքահումքային արտադրանքն է՝ 297 մլն դոլար ընդհանուր ծավալով, պատրաստի սնունդը՝ 240 մլն դոլար, թանկարժեք ու կիսաթանկարժեք քարերն ու դրանցից պատրաստված արտադրանքը՝ 145 մլն դոլար, ոչ թանկարժեք մետաղները՝ 132 մլն դոլար և այլն: 

Արտահանման հիմնական ուղղություններն են Ռուսաստանի Դաշնությունը, Եվրամիությունը, Իրանը, Իրաքը, ԱՄԷ-ն, Վրաստանը, Շվեյցարիան։

Հիշեցնենք, համաձայն վիճակագրության՝ ՀՀ-ից 2016 թվականին արտահանումը կազմել է 1.782 մլրդ դոլար կամ 855.9 մլրդ դրամ: Այս ցուցանիշը ռեկորդային է: Արտահանման ամենացածր ցուցանիշը վերջին տասը տարվա ընթացքում գրանցվել է 2009 թվականին՝ ընդամենը $697 մլն, ամենաբարձրը՝ 2014-ին՝ $1.547 մլրդ: Եթե արտահանման տեմպերը պահպանվեն նաև ընթացիկ տարվա երկրորդ կիսամյակում, ապա հնարավոր է, որ Հայաստանից արտահանումը գերազանցի անցած տարվա ցուցանիշը: