ՀՀ-ում Չեխիայի դեսպանի հայտարարությունը զայրացրել է Ադրբեջանի ԱԳՆ-ին

Չեխիայում Ադրբեջանի դեսպանը պատրաստվում է դիմել այդ երկրի Արտաքին գործերի նախարարություն պարզաբանելու, թե ՀՀ-ում Չեխիայի դեսպանը իսկապես նման հայտարարություն է արել, որը հրապարակել են հայաստանյան ԶԼՄ-ները: 

Հիշեցնենք, ՀՀ-ում Չեխիայի արտակարգ ու լիազոր դեսպան Պետր Միկիսկան, անդրադառնալով Լեռնային Ղարաբաղ կատարած այցելության համար Եվրախորհրդարանի մի շարք պատգամավորների (Ֆրանկ Էնգել (Լյուքսեմբուրգ), Էլենի Տեոխարուս (Կիպրոս) ու Յարոմիր Շտետին (Չեխիա) նկատմամբ Ադրբեջանի կողմից միջազգային հետախուզում հայտարարելուն, նաեւ բլոգեր Ալեքսանդր Լապշինին Մինսկից արտահանձնելուն ու Բաքվում կալանավորելուն, նախօրեին հայտարարել էր, որ Ադրբեջանը արտահանձնման իրավաբանական ինստիտուտը քաղաքական քարոզչության նպատակներով է գործածում։

Ադրրբեջանի ԱԳՆ-ից հայտարարել են, որ բացի այդ, Ադրբեջանում Չեխիայի դեսպանը հրավիրվելու է ԱԳՆ այս հարցի շրջանակում և եթե ՀՀ-ում Չեխիայի դեսպանը իսկապես նման հայտարարություն է արել, ապա դա հակասում է օրենքին, միջազգային նորմերին ու սկզբունքներին:

 Հակառակը, նման հայտարարություններով Չեխիայի դեսպանը քաղաքականացնում է իրավական հարցերը, որոնք ունեն նաև քրեական բաղադրիչ»,- ասված է Ադրբեջանի ԱԳՆ հայտարարության մեջ: