Գերմանիայի հետախուզությունը տարիներով լրտեսել է Սպիտակ տանը

Գերմանիայի դաշնային հետախուզական ծառայությունը (BND) տարիներով լրտեսել է ամերիկյան կառավարական ու զինվորական հաստատություններին, նաեւ ԱՄՆ խոշորագույն ընկերություններին։ Նման տեղեկություններ է ներկայացված Spiegel Online ինտերնետային պարբերականում, փոխանցում է DW-ն։

Գերմանացի լրագրողները նշում են, որ 1998-2006 թթ․ ԱՄՆ տարածքում BND-ի ուշադրության կենտրոնում էին հայտնվել մոտ 4000 այսպես կոչված սելեկտորներ։ Այդ բառով հետախուզությունում հասկանում են օրինակ հեռախոսահամարները, էլեկտրոնային փոստի հասցեները, մետատվյալները, որոնք օգտագործվում են էլեկտրոնային տեղեկությունների նպատակային տարածման համար։ Գերմանական հետախուզությունը մուտք ուներ ԱՄՆ Ֆինանսների նախարարության, Պետդեպարտամենտի ու Սպիտակ տան ցանցեր։

Մյուս թիրախներից են եղել Lockheed Martin աէրոտիեզերական ֆիրման, ՆԱՍԱ գործակալությունը, ամերիկյան համալսարանները։, նաեւ ռազմաօդային ուժերը, հետախուզական գերատեսչությունները, հարյուրավոր օտարերկրյա դեսպանատներ ու միջազգային կազմակերպություներ, որոնք Վաշինգտոնում էին գտնվում։ Օրինակ ԱՄՀ, Արաբական պետությունների լիգայի վաշինգտոնյան բյուրոն կամ Human Rights Watch իրավապաշտպան կազմակերպությունը։