Թրամփը դատապարտել է Թեհրանում տեղի ունեցած ահաբեկչությունները

ԱՄՆ նախագահ Դոնալդ Թրամփը դատապարտել է Թեհրանում տեղի ունեցած ահաբեկչությունները՝ միաժամանակ հայտնելով, որ ահաբեկչությունը հովանավորող պետությունները «կարող են դառնալ այն չարիքի զոհը, որը հենց իրենք են խրախուսում»։

«Մենք սգում ու աղոթում ենք ահաբեկչությունների անմեղ զոհերի ու իրանցի ժողովրդի համար, որը նման բարդ ժամանակներ է վերապրում»,- ասվում է Թրամփի հայտարարության մեջ։ «Մենք շեշտում ենք, որ ահաբեկչությունը հովանավորող պետություննները կարող են դառնալ այն չարիքի զոհը, որն իրենք են խրախուսում»։

Հիշեցնենք, որ Թեհրանում Հոմեյնիի դամբարանի ու խորհրդարանի շենքի վրա ահաբեկիչների երկու խմբերի հարձակումների հետեւանքով զոհվել է 13 մարդ, վիրավորվել եւս 42-ը։