ԱՄՆ-ը վճռականորեն աջակցում է ԼՂ հակամարտության խաղաղ կարգավորմանը. Թրամփը՝ Իլհամ Ալիևին

ԱՄՆ-ն վճռականորեն աջակցում է ԼՂ հակամարտության խաղաղ կարգավորմանը։ Այս մասին Ադրբեջանի անկախության օրվա կապակցությամբ Իլհամ Ալիևին ուղարկված նամակում գրել է ԱՄՆ նախագահ Դոնալդ Թրամփը։

«Ադրբեջանը ԱՄՆ արժեքավոր գործընկերն է։ Մեր ընդհանուր ջանքերը ուղղված են ահաբեկչության դեմ պայքարին և համաշխարհային անվտանգության ամրապնդմանը։ Մենք ադրբեջանական ժողովրդի կողքին ենք, հակված ենք հարաբերությունների ամրապնդմանը անվտանգության, տնտեսական համագործակցության և ժողովրդավարության ոլորտներում»,-նշել է Թրամփը։

«ԱՄՆ-ն նաև աջակցում է ղարաբաղյան հակամարտության խաղաղ կարգավորմանը»,-գրված է Թրամփի շնորհավորական ուղերձում։

Սպիտակ տան ղեկավարը նաև նշել է, որ Ադրբեջանը հանդիսանում է Եվրոպայի համար նոր էներգետիկ պաշարների աղբյուր։