ԱԺ. ԵԱՀԿ ՄԽ-ը հասցեական հայտարարությունը կարևոր է Բաքվի ապակառուցողական մոտեցման ֆոնին
ԱԺ նախագահ Արա Բաբլոյան
ԱԺ նախագահ Արա Բաբլոյանը խորհրդարանի նիստի ժամանակ անդրադարձավ Մինսկի խմբի համանախագահների մայիսի 18-ի հասցեկական հայտարարությանը, ըստ որի՝ սահմանին նախահարձակ Ադրբեջանը նախահարձակ գործողություն է կատարել, ինչին հետեւել է հայկական մողմի պատասխանը:
«ԵԱՀԿ Մինսկի խումբն առաջին անգամ հայտարարեց, որ Ադրբեջանի կողմից է սկսվել սահմանի լարվածությունը և մենք պետք է ճիշտ գնահատենք այդ քայլը»,-ասաց նա: Ըստ Բաբլոյանի՝ դա մեծ նշանակություն ունի Ադրբեջանի ոչ կառուցողական մոտեցման հարցի լուծման առումով:
ԱԺ նախագահը նշեց, որ նման արձագանքը նաև պայմանավորված է ՀՀ-ի՝ վերջին շրջանում արած հստակ քայլերով՝ աշխարհի, տարածաշրջանի երկրների և առավել ևս Եվրոպայի հետ բարեկամական կապերի խորացման և ժողովրդավարության ընդլայնման ուղղությամբ:
«Այս առումով դիվանագիտական քայլերը, կարծում եմ, հաջողված են: Մինսկի խումբը գնահատական է տալիս 2 կողմի, որոնցից մեկը խաղաղ ճանապարհով հարցի լուծման կողմնակից է, մյուս կողմն ագրեսիվ քայլերով է փորձում հարցը լուծել»,-ասաց նա և շեշտեց, որ ուրախ են նման հստակ գնահատականի համար:
Հիշեցնենք, ԵԱՀԿ Մինսկի խմբի համանախագահներ Իգոր Պոպովը (Ռուսաստան), Ստեֆան Վիսկոնտին (Ֆրանսիա) և Ռիչարդ Հոգլանդը (ԱՄՆ) մայիսի 18- ին հայտարարություն են տարածել Ադրբեջանի կողմից տարածաշրջանում իրադրության լարման վերաբերյալ: Ասված է, որ համաձայն տարբեր վստահելի աղբյուրներից ստացած տեղեկատվության՝ մայիսի 15- ին Ադրբեջանի զինված ուժերը շփման գծում հրթիռ է արձակել՝ խոցելով ռազմական տեխնիկա:
«Մայիսի 16ի երեկոյից մինչև մայիսի 17ը հայկական զինված ուժերը պատասխանել են տարբեր տրամաչափի ականանետային կրակահերթերով: Երկու կողմերի այդ գործողությունները հրադադարի ռեժիմի լուրջ խախտում են և անհանգստության պատճառ», - ասված է հայտարարության մեջ: