Թրամփի հայտարարություններն Իրանի դեմ կարող են ազդել ընտրությունների ելքի վրա

Իրանում նախընտրական քարոզարշավը մեկնարկում է։ Ընտրություններին մասնակցում է վեց թեկնածու` գործող նախագահ Հասան Ռոհանին, փոխնախագահ` Էսհագ Ջահանգիրին, արդյունաբերության նախկին նախարար Մոստաֆա Հաշեմին, մշակույթի նախկին նախարար Մոստաֆա Միրսալիմը, Թեհրանի քաղաքապետ Մոհամեդ Բաղեր Գալիբաֆը և նախկին գլխավոր դատախազ Էբրահիմ Ռաիզին, փոխանցում է utro.ru կայքը։

Իրանում ընտրապայքարն ընթանալու է լիբերալների ու պահպանողականների միջև։ Առաջինը խումբը գլխավորում է Ռոհանին։ Արևմուտքի հետ մերձեցման նրա ուղենիշը պոպուլյար է երիտասարների և միջին ձեռներեցներ շրջանում։ Մյուս խումբը գլխավորում է Ջահանգիրին, ով վայելում է Իրանի հոգևոր առաջնոդ Ալի Խամենեի աջակցությունը, սակայն Ջահանգիրին կարող է վերջին պահին հանել իր թեկնածությունը հօգուտ Ռոհանիի։

Լիբերալների գլխավոր մրցակիցը`պահպանողական Արևմուտքի հետ կոշտ գծի կողմնակից Ռաիզին է։ Նրա կողմնակիցները կարծում են, որ այսօրվա կառավարությունն անատամ է և չի կարող դիմակայել ԱՄՆ–ին։

Իրանցիներն այժմ պետք է ընտրություն կատարեն` նրանք ցանկանում են, որ Թեհրանի հետ ավելի շատ հաշվի նստեն, թե երկխոսություն սկսեն Արևմուտքի հետ ու զարգացնեն տնտեսությունը։ Դոնալդ Թրամփի հայտարարություններն Իրանի դեմ կարող են ազդել ընտրությունների ելքի վրա։