Լավրովը դատապարտել է Սիրիայում ռեժիմը փոխելու գաղափարը

235

Քիմիական զենքի արգելման կազմակերպությունում Ռուսաստանի ներկայացրած նախագծի արգելափակումը Սիրիայի Իդլիբ նահանգի միջադեպի և թունավոր նյութերի օգտագործման համար Դամասկոսին մեղադրելու մասին նման է Սիրիայում ռեժիմը փոխելու գաղափարով զբաղվելուն: ՏԱՍՍ-ի փոխանցմամբ՝ Աստանայում նման տեսակետ է հայտնել Ռուսաստանի ԱԳ նախարար Սերգեյ Լավրովը:

«Կարծում եմ, որ սա չափազանց լուրջ իրավիճակ է, որովհետեւ արդեն հիմա ակնհայտ է, որ կեղծ տեղեկությունը, թե քիմիական զենքն օգտագործվել է Սիրիայի կառավարության կողմից, կիրառվում է 2254 բանաձեւի կատարումից խուսափելու համար, որով քաղաքական կարգավորում է նախատեսվում սիրիական բոլոր կողմերի մասնակցությամբ, եւ զբաղվելու ռեժիմի փոփոխության վաղուց հասունացվող գաղափարով»,- նշել է նա: Լավրովը համոզված է, որ դա չի կարելի թույլ տալ:

Ապրիլի 20-ին Քիմիական զենքի արգելման կազմակերպությունում ձայների մեծամասնությամբ մերժվել է Ռուսաստանի եւ Իրանի թարմացված առաջարկը՝ Սիրիայի Հան-Շեյհուն քաղաքում տեղի ունեցած միջադեպի քննության մասին: Կազմակերպության 6 անդամներ քվեարկել են նախագծի օգտին, 21-ը՝ դեմ, 13-ը ձեռնպահ է մնացել:

Տպել

Թեմայի այլ նորություններ