29.03.2024
Մոլդովան ԵԱՏՄ-ում դիտորդ երկրի կարգավիճակ ստացավ
prev Նախորդ նորություն

Նորություններ գործընկերներից

Յուրի Խաչատուրովը՝ ՀԱՊԿ գլխավոր քարտուղար

Մայիսի 2-ից ՀԱՊԿ գլխավոր քարտուղարի պաշտոնը կզբաղեցնի Յուրի Խաչատուրովը: Այս մասին այսօր հայտարարել է ՀԱՊԿ գլխավոր քարտուղարի ժամանակավոր պաշտոնակատար Վալերի Սեմերիկովը:

«Յուրի Խաչատուրովի նշանակման որոշումն ընդունվել է միաձայն»,- հայտարարել է նա Բիշքեկում Հավաքական անվտանգության պայմանագրի կազմակերպության (ՀԱՊԿ) անդամ պետությունների ղեկավարների ոչ պաշտոնական ձևաչափով հանդիպման արդյունքներով:

Սեմերիկովը նաև տեղեկացրել է, որ ՀԱՊԿ անդամ պետությունների նախագահների որոշմամբ կազմակերպության նախկին գլխավոր քարտուղար Նիկոլայ Բորդյուժան կպարգևատրվի I աստիճանի շքանշանով:

Նշենք, որ 2016 թվականի հոկտեմբերի 3-ին, Հայաստանի նախագահի հրամանագրով Յուրի Խաչատուրովը նշանակվել էր ՀՀ ազգային անվտանգության խորհրդի քարտուղար: Գեներալ-գնդապետ Խաչատուրովը մինչ այդ զբաղեցնում էր ՀՀ զինված ուժերի գլխավոր շտաբի պետի պաշտոնը:

Հիշեցնենք, որ թեև ըստ ռուսական այբուբենի և ռոտացիոն կարգի Հայաստանի ներկայացուցիչը պետք է փոխարիներ Բորդյուժային այդ պաշտոնում դեռ անցած տարի, բայց երկու անգամ ՀՀ ներկայացուցչի նշանակումը հետաձգվում էր: Անգամ երբ ՀԱՊԿ-ի գագաթնաժողովը անցկացվեց Հայաստանում պետությունների ղեկավարները կոնսեսուսի չհանգեցին և ժամանակ պահանջեցին այդ հարցին անդրադառնալու համար։

ԵվրԱզԷՍ-ի ընդհանուր շուկան` անվտանգության բարձիկ Միության երկրների համար. Պուտին
Հաջորդ նորություն next
 Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար
25.03.2024
Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար