28.03.2024
Ասոցիացիայի համաձայնագրի շատ դրույթներ տեղ կգտնեն Հայաստան-ԵՄ նոր պայմանագրում
prev Նախորդ նորություն

Նորություններ գործընկերներից

Գերմանիայի դեսպան. Հայաստան-ԵՄ տնտեսական համագործակցության հնարավորությունները սպառված չեն

Հայաստանի և Եվրամիության տնտեսական համագործակցության հնարավորությունները սպառված չեն, չնայած այն հանգամանքին, որ Հայաստանը հանդիսանում է Եվրասիական տնտեսական միության անդամ: Այդ մասին այսօր մամուլի ասուլիսի ընթացքում հայտարարել է Հայաստանում Գերմանիայի դեսպան Ռայներ Մորելը:

Դեսպանը նշել է, որ Հայաստանի և ԵՄ-ի առաջատար երկրներից մեկի՝ Գերմանիայի միջև առևտրաշրջանառությունը նախորդ տարվա ընթացքում ավելացել է 18%-ով՝ հասնելով 235 միլիոն եվրո: Դիվանագետի խոսքով, այդ ցուցանիշը ցույց է տալիս կողմերի մոտ ցանկության և հնարավորության առկայությունն ավելացնել համագործակցությունը: Դեսպանը, սակայն դժվարացել է որևէ կանախատեսումներ անել այն կոնկրետ ոլորտների ու ուղղությունների մասով, որոնք ներառվելու են Երևանի և Բրյուսելի միջև ստորագրվելիք փաստաթղթում:

Մորելը դժվարացել է պատասխանել լրագրողի այն հարցին, թե ինչու Ռուսաստանի և Արևմուտքի միջև ընտրություն կատարելիս Հայաստանը կարողացավ զերծ մնալ արյունահեղությունից, իսկ Ուկրաինան՝ ոչ: «Չեմ կարծում, որ ես այն մարդն եմ, ով կարող է ամենալավ կերպով պատասխանել այդ հարցին», - նշել է նա և խորհուրդ է տվել այդ հարցով դիմել Հայաստանում ՌԴ դեսպանին՝ դրանով հասկացնել տալով, որ Արևելյան գործընկերության ապագան մեծամասամբ կախված է Մոսկվայից:

Նա նաև կրկնել է եվրոպացի դիվանագետների կողմից բազմաթիվ անգամ հնչեցված այն միտքը, որ ԵՄ-ի և արևելյան գործընկերների միջև հարաբերությունները պետք է տարբերակված լինեն: «Վիլնյուսի 2013թ.-ի գագաթաժողովից Բրյուսելը անհրաժեշտ դասեր է քաղել», - նշել է դեսպանը:

Նրա խոսքով, եթե Ադրբեջանի սպասելիքները ԵՄ-ից սահմանափակվում են տնտեսական արդիականացմամբ, ապա Հայաստանը դիտարկում է Եվրոպական Միության հետ հարաբերությունները որպես ժողովրդավարական բարեփոխումների շարունակական իրականացման հնարավորություն:

Հիշեցնենք, որ չնայած 2013թ.-ի Արևելյան գործընկերության Վիլնյուսի գագաթաժողովի ընթացքում Հայաստանը չստորագրեց ԵՄ-ի հետ Ասոցացման համաձայնագիրը՝ ԵԱՏՄ-ին անդամակցելու որոշման պատճառով, երկու տարի անց Երևանը և Բրյուսելը պատրաստվում են նոր պայմանագիր ստորագրել: Այն հիմնված է լինելու Ասոցացման համաձայնագրի վրա, սակայն հաշվի առնելով նոր իրողությունները՝ ԵԱՏՄ-ին Հայաստանի անդամակցության հետ կապված:

Ինչպես մինչ այդ հայտնել էր Հայաստանի էկոնոմիկայի փոխնախարար Գարեգին Մելքոնյանը քննարկումների արդյունքում որոշում է կայացվել սկսել Հայաստանի հետ բանակցություններ՝ նոր պայմանագիր ստորագրելու համար:

«Բրյուսելը արդեն դիմել է Եվրոպական հանձնաժողովին Հայաստանի հետ բանակցությունների մանդատ ստանալու համար: Արևելյան գործընկերության Ռիգայի գագաթաժողովի եզրափակիչ հռչակագրում նախանշվել են այն ոլորտները, որոնց շրջանակներում էլ երկխոսելու են ՀՀ և ԵՄ: Խոսքը գնում է վիզային ռեժիմի դյուրացման, քաղավիացիայի ոլորտում համագործակցության, տնտեսական մրցակցության, թափանցիկության, ներդրումների, ծառայությունների, առևտրի և այլն», - նշել է Մելքոնյանը և հավելել, որ նոր համաձայնագիրն իր մեջ չի ներառելու մաքսային կարգավորման և ԵՄ-ի հետ ազատ առևտրի ստեղծման կետերը:
Մամուլի տեսություն. ՀՀ իշխանությունները որոշել են գազալցակայանների ոլորտում ևս մենաշնորհներ սահմանել
Հաջորդ նորություն next
 Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար
25.03.2024
Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար