Քաղաքագետ. Ընտրությունների արդյունքները չեն անդրադառնա ՀՀ–ի արտաքին քաղաքականության վրա

Խորհրդարանական ընտրությունների արդյունքները չեն անդրադառնա ՀՀ–ի արտաքին քաղաքականության վրա։ Այս մասին հայտարարել է քաղաքագետ Ռոստիսլավ Իշենկոն։

Նրա խոսքով, գրեթե բոլոր կուսակցությունները, որոնք մասնակցում էին այս ընտրապայքարին` բացառությամբ Ելքի ու Ազատ դեմոկրատների, որոնք կողմ էին Արևմուտքի հետ հարաբերությունների սերտացմանը, հանդես էին գալիս ՌԴ–ի հետ հարաբերությունների հետագա խորացման օգտին։ Ցանկացած պարագայում խորհրդարանում ներկայացված են լինելու այն ուժերը, որոնք կողմ են ՌԴ–ի հետ հարաբերությունների սերտացմանը։ 

ՌԴ–ն, ըստ նրա, հանդիսանում է ՀՀ–ի անվտանգության իրական ռեալ երաշխավոր։ Գյումրիում 102–րդ ռազմաբազայի առկայությունը ՀՀ–ի վրա ցանկացած հարձակում դարձնում է պոտենցիալ ագրեսորին մահապարտ։ Բացի այդ, տնտեսական բլոկադայից ՀՀ–ը դուրս բերելու առումով ՌԴ–ը միակ «պատուհաններից» է, փոխանցում է rusnewstoday24.ru–ը։

Իշենկոն նշել է, որ ՀՀ–ում առկա է երկու գործոն, որը զերծ է պահում երկիրը քաղաքացիական հակամարտություններից` գունավոր հեղափոխությունների սցենարով։

Քաղաքագետը նշել է, որ դա ՀՀ–ի ունիկալ աշխարհաքաղաքական դիրքն է, որը գրեթե անհնար է դարձնում այլ քաղաքական և տնտեսական քաղաքականության իրականացումը։ Այսինքն, իշխանափոխության դեպքում խոսքը ոչ թե նրա մասին է, թե ինչպիսի քաղաքականություն իրականացնել, այլ` ինչպես այն դարձնել ավելի արդյունավետ։ ՀՀ–ն ապրում է կիսապատերազմական վիճակում։ Այդպիսի իրավիճակում, այն քաղաքական գործիչը, ով քաղաքական պայքարը կփորձի վերածել քաղաքացիական հակամարտության, կդիտարկվի, որպես դավաճան։