29.03.2024
Հայերը քանակով երկրորդն են 2016-ին Վրաստան այցելածների թվում
prev Նախորդ նորություն

Նորություններ գործընկերներից

Շարմազանով. ՀԱՊԿ գլխավոր քարտուղարի թեկնածու առաջադրելու հարցում ՀՀ-ն իր տեղը որևէ մեկին չի զիջի

ԱԺ փոխնախագահ Էդուարդ Շարմազանովը հավաստիացնում է՝ ՀԱՊԿ գլխավոր քարտուղարի պաշտոնում թեկնածու առաջադրելու հարցում Հայաստանը իր տեղը որևէ մեկին չի զիջի:

«ՀԱՊԿ գլխավոր քարտուղարությունը ստանձնելու հերթը Հայաստանինն է, եթե ռոտացիան լինի այբբենական կարգով: Հայաստանն իր հերթը ոչ մեկին չի տալու, ռոտացիոն կարգը դեռ չի սկսվել: Հայկական շահերը հայկական կողմը շատ լավ պաշտպանում է»,– Tert.am-ի հետ զրույցում ասել է նա։
Հիշեցնենք, ՀԱՊԿ գլխավոր քարտուղար Նիկոլայ Բորդյուժայի պաշտոնավարման ժամկետը լրացավ դեկտեմբերի 31-ին և հունվարի 1-ից նրան այդ պաշտոնում փոխարինել է Բորդյուժայի առաջին տեղակալը:

Շարմազանովը հիշեցրել է, որ ՀԱՊԿ գլխավոր քարտուղարին ընտրում են ՀԱՊԿ խորհրդի բոլոր նախագահները՝ կոնսենսուսի միջոցով: Հարցի քննարկումը տեղափոխվել է մինչև ապրիլյան գագաթաժողով:

Աղբյուրը հիշեցնում է, որ Սանկտ Պետերբուրգում Եվրասիական տնտեսական բարձրագույն խորհրդի նիստից հետո տեղի ունեցած Հավաքական անվտանգության պայմանագրի կազմակերպության (ՀԱՊԿ) Հավաքական անվտանգության խորհրդի նստաշրջանին Բելառուսի նախագահի բացակայության և դրանով պայմանավորված՝ քվորում չլինելու պատճառով ՀԱՊԿ գլխավոր քարտուղարի նշանակման հարցը հետաձգվել է մինչև հաջորդ տարվա ապրիլին կայանալիք Հավաքական անվտանգության խորհրդի հաջորդ նստաշրջան:

Անդրադառնալով Չինարի գյուղի պաշտպանական դիրքերի վրա ադրբեջանական զինուժի կատարած դիվերսիոն հարձակման վերաբերյալ Նիկոլայ Բորդյուժայի՝ դեկտեմբերի 29-ի հայտարարությանը, որտեղ նա օգտագործել էր «Լեռնային Ղարաբաղի Հանրապետություն» բառակապակցությունը՝ Էդուարդ Շարմազանովն ասել է, որ դա շատ կարևոր և եզակի հայտարարություն էր, որտեղ միջազգային կառույցը՝ ՀԱՊԿ-ը, հասցեական գնահատական է տալիս Ադրբեջանի գործողություններին՝ անվանելով դա սադրանք: Եվ երկրորդը՝ «Լեռնային Ղարաբաղի Հանրապետություն» ասում է ոչ միայն Բորդյուժան, այլ նաև ՀԱՊԿ-ի պաշտոնական կայքում տեղադրվում է այդ տեքստը.

«Բորդյուժան գնալուց առաջ շատ ճիշտ հայտարարություն արեց և գնաց»,- հավելել է ՀՀ ԱԺ փոխնախագահը:
Փորձագետ. Երևանը մինչև խորհրդարանական ընտրություններն ոչ մի լուրջ քայլ չի ձեռնարկի Ղարաբաղի հարցով
Հաջորդ նորություն next
 Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար
25.03.2024
Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար