Թուրքիան ԵՄ–ին մեղադրել է կրկնակի չափորոշիչներ կիրառելու մեջ

Թուրքիայի Եվրամիության նախարար Օմեր Չելիքը հանդիպել է երկրում ԵՄ անդամ երկրների դեսպանների հետ` խոսելու Թուրքիայում վերջին զարգացումների մասին: Այս մասին տեղեկացնում է թուրքական Anadolu գործակալությունը:

Հանդիպումից հետո լրագրողների հետ զրույցում Չելիքը խոսել է Ժողովուրդների դեմոկրատական կուսակցության պատգամավորների ձերբակալման ու կալանավորման մասին` ասելով, թե վերջիններս ահաբեկչական խմբավորման օգտին քարոզչություն են իրականացրել: Նա հայտարարել է, որ իրենք կուսակցությունը փակելու նպատակ չեն հետապնդում:

Չելիքը միաժամանակ մեղադրել է Եվրամիությանը Քրդական բանվորական կուսակցության (PKK) հարցում կրկնակի չափորոշիչներ կիրառելու մեջ: