Թուրքիայում քրդամետ Ժողովուրդների կուսակցության առաջնորդների ձերբակալությունները խիստ բռնապետության հերթական դրսևորումներից են, որոնք հետևողականորեն սերմանում է Ռեջեփ Էրդողանը։
Քրդական բանվորական կուսակցության դեմ բացահայտ պատերազմի հայտարարումից հետո երկրի իշխանությունները սկսել են հետապնդել քրդամետ չափավոր գործիչներին։ Սահմանադրության փոփոխության ու իր լիազորությունների ընդլայնման ճանապարհին Թուրքիայի նախագահը ձերբազատվում է իր ընդդիմախոսներից։
Հիշեցնենք, որ օրերս ձերբակալվել էին
Սելահեդդին Դեմիրթաշն ու նրա տեղակալ
Ֆիգեն Յուքսեքդաղը։
Այս տարվա հունիսին Թուրքիայի խորհրդարանն օրենք է ընդունել, որը թույլ է տալիս զրկել պատգամավորներին անձեռնմխելիությունից, եթե նրանց նկատմամբ ահաբեկչության հետ կապերի առնչությամբ գործ է հարուցվել։
Ռուսաստանցի փորձագետ, Մերձավոր Արևելքի ինստիտուտի նախագահ
Եվգենի Սատանովսկու կարծիքով, քրդամետ շարժման գործիչների նկատմամբ հետապնդումները պետք է դիտարկել Էրդողանի սուլթանական ամբիցիաների համատեքստում։
Նա նշել է, որ քրդերի հետ երկխոսության պլանները փոխվել են ու սկսվել է Էրդողանի անձնական խիստ բռնապետական իշխանության ձևավորման համար պայքարը։Նա վերջնական որոշել է, որ պետք դառնա օտտոմանյան նոր սուլթան ու այլ մտքեր այդ ուղղությամբ քննարկելն անիմաստ է, քանի որ նա ընդունել է իր որոշումն ու գնում է դրա իրականացմանը։
VERELQ–ի հետ զրույցում նշել է փորձագետը։
Փորձագետը դժվարացավ կանխատեսել, թե կկարողա արդյոք Էրդողանն ավարտին հասցնել սկսածը։ Նա նշել է, որ մինչ այս պահն Էրդողանի մոտ ամեն ինչ ստացվում էր ու թե դա ինչ կբերի Թուրքիային, ինչքան զոհեր ու դա ինչքան կտևի`անիմաստ է կանխատեսումներ անել։
ՀՀ ԳԱԱ Արևելագիտության ինստիտուտի տնօրեն
Ռուբեն Սաֆրաստյանը նշել է, որ քուրդ առաջնորդների ձերբակալություններն անսպասելի չէին, հաշվի առնելով այն հանգամանքը, որ խորհրդարանն օրենք է ընդունել, որը թույլ է տալիս զրկել պատգամավորներին անձեռնմխելիությունից։
Նա նշել է, որ արդեն այն ժամանակ պարզ էր, որ իշխանությունները նպատակ ունեն հարված հասցնելու քրդամետ Ժողովուրդների կուսակցությանը։ Էրդողանը փորձում է վերջնականապես վերջ դնել քրդական շարժմանը, ոչ միայն նրանց ամենածայրահեղական թևին`Քրդական բանվորական կուսակցությանը, այլ նաև ավելի չափավոր սեգմենտւ հետ, որը գործում է լեգալ մեթոդներով, օրենքի շրջանակներում պաշտպանելով ոչ միայն քրդերի, այլ նաև այլ ազգային փոքրամասնությունների իրավունքները։
Սաֆրաստյանը մեզ հետ զրույցում նշել է, որ բոլոր քաղաքական դիմադրողականության օջախների դեմ պայքարում
Էրդողանը դժվար թե խոչընդոտների հանդիպի`ոչ երկրի ներսում, ոչ նրա սահմաններից դուրս։
Նա հավելել է, որ համաշխարհային հանրության կողմից բողոքներ կլինեն, հնարավոր է նաև որոշակի ճնշում ԵՄ–ի կողմից, սակայն այդ գործոնները դժվար թե կարողանան կանգնեցնել Էրդողանին։Փորձը ցույց է տալիս, որ Թուրքիայի նախագահը կարողանում է հասնել իր նպատակներին։
