Վրացագետ. Հայաստանցիները կրկին առաջատարն են Վրաստան այցելածների թվով

2016 թվականի հոկտեմբեր ամսին Վրաստան այցելած օտարերկրացիների թվով Հայաստանցիներն առաջատար են: Այս մասին հայտարարել է վրացագետ Ալիկ Էրոյանցը՝ հղում կատարելով Վրաստանի ՆԳՆ տվյալներին:

Ըստ նշված տվյալների, հոկտեմբեր ամսին Հայաստանից Վրաստան են այցելել 125665 քաղաքացիներ (2.1%-ով ավելի քիչ նախորդ տարվա հոկտեմբերի հետ համեմատ): Երկրորդ տեղում Ադրբեջանն է`119967(10.1% աճ), ապա Թուրքիան՝ 101.621 այցելուներով (16.6% աճ): Ի դեպ, զգալի աճել է Իրանից այցելողների թիվը՝ 344.3% (հոկտեմբերի տվյալներով՝ 10854 մարդ):

Վերոնշյալ թվերը վերաբերում են Վրաստան կատարած ընդհանուր այցելություններին՝ 527157 (4.5% աճ), որոնցից 215.620-ը զբոսաշրջային նպատակով ժամանածներն են (20.9% աճ):

2016 հունվար-հոկտեմբեր ամիսներին Վրաստան է այցելել 5 մլն 406 հազար 188 մարդ, որից 2մլն 372 հազար 351 հոգի՝ բոսաշրջային նպատակով:
2015 թվականին Վրաստան՝ օտարերկրացի այցելուների ընդհանուր թիվը կազմել է 5 մլն 901 հազ 94: