ՊԲ հարավային և արևելյան ուղղությամբ ադրբեջանական զինուժը կիրառել է ԴՇԿ տիպի խոշոր տրամաչափի գնդացիր

Օհանյան. Ռուսական զենքի ձեռք բերման մասով պլանային բոլոր միջոցառումներն իրականացվում են

10.09.2016

ՀՀ ԶՈՒ սպառազինության ու ռազմական տեխնիկայի ձեռքբերումները արդիականացումը գտնվում են ՀՀ ռազմաքաղաքական ուշադրության ներքո: Անկասկած, քառօրյա պատերազմից հետո համապատասխան հետևություններ արել ենք ու թափն ավելացել է: Այս մասին այսօր հայտարարել է ՀՀ պաշտպանության նախարար Սեյրան Օհանյանը` անդրադառնալով հարցին, թե ինչ փուլում է գտնվում 200 մլն դոլարի ռուսական վարկով ռուսական զենքի ներկրման գործընթացը:

Նախարարի խոսքով, պլանային բոլոր միջոցառումներն իրականացվում են միջազգային վարկի շրջանակներում: Օհանյանը հավաստիացրել է, որ այդ ուղղությամբ հետևողական աշխատանք է տարվում, և պրոֆեսիոնալներն են զբաղվում, թե ինչ ձեռք կբերվի և ինչ ժամկետներում:

Սեյրան Օհանյանը նաև նշել է, որ որոշ զինտեխնիկա արդեն ձեռք է բերվել: