Տարբեր «ծռախառն» «եղբայրությունների» «հայրենասիրության» միակ մոտիվը Փաշինյանի առաջիկա ռեպրեսիաները լեգիտիմացնելն է: Այս մասին կարծիք է հայտնել քաղաքագետ Սուրեն Սուրենյանցը:«Մի կերեք էդ «կտերը». մեզ քաղաքական լուծումներ են պետք, միայն այդ ճանապարհով է հնարավոր ազատվել Ազգակործան պատուհասից»,- գրել է Սուրենյանցը: Ավելի ուշ նա նաև հավելել է. «ՔՊ փոխնախագահ Վահագն Ալեքսանյանը ֆեյսբուքյան իր էջում գրել է. «Բոլոր տեռորիստները, դրանց հովանավորները, հովանավորների հովանավորները ու գաղափարական հայրերը պիտի րոպե առաջ պատժվեն»:Ես չէի սխալվում՝ այսօրվա «եղբայրա- ծռական» շոուներով նախապատրաստվում են իշխանության մեծածավալ ռեպրեսիաներ:Բնականաբար, թիրախում լինելու են ոչ թե այսօրվա «քամի անողները», այլ իրական ընդդիմադիրները»: VERELQ-ը հիշեցնում է, որ երեկ ժամը 17.00-ի սահմաններում երեք տղամարդ, զինված նռնակներով, փորձ էին արել գրավել Նոր Նորքի ոստիկանության բաժանմունքը: Նրանցից երկուսը նռնակ էին գործադրել, վիրավորվել ու տեղափոխվել հիվանդանոց: Երեք ժամ անց իրավապահներին հաջողվեց վնասազերծել երրորդ տղամարդուն, ով պարզվեց, որ "Սասնա ծռեր" խմբավորման կողմնակից է: Իսկ ավելի վաղ, ցերեկը, Մարտական եղբայրության անդամները բերման էին ենթարկվել Ոսկեպարում, ապա մի քանի ժամ անց ազատվել, քանի որ նրանց մոտ զենք և ռազմամթերք չի եղել։