Activities calendar

28 November 2016

Երկ
28
Nov

Ադրբեջանը ցանկանում է կործանիչներ գնել Պակիստանից

Ռազմա–օդային ուժերի փորձագետ, Պակիստանի օդուժի հարցերով մասնագետ Ալան Վարնեսը հայտարարել է, որ Ադրբեջանը բանակցություններ է վարում Պակիստանի հետ JF-17 Thunder կործանիչների գնման շուրջ։

Երկ
28
Nov

Քաղաքագետ. Լուկաշենկոն Բաքու է մեկնում ադրբեջանական նավթի համար

Բաքու Լուկաշենկոյի այցի հիմնական նպատակը կայանում է նրանում, որ Բելառուսը հնարավորություն ստանա ներկրել ադրբեջանական նավթ սեփական նավթավերամշակման գործարանների համար։ Այդ մասին Sputnik Азербайджан–ին հայտնել է Եվրոպական ինտեգրացիայի կենտրոնի տնօրեն, քաղաքագետ Յուրի Շեվցովը։

Ըստ քաղաքագետի, Լուկաշենկոն նաև ցանկություն է հայտնել մինսկյան հարթակը տրամադրել Ղարաբաղի շուրջ բանակցությունների համար։ Այդ հարցը նույնպես քննարկվելու է այցի շրջանակներում։

Երկ
28
Nov

Սիրիայի կառավարական ուժերը և նրանց դաշնակիցները Հալեպում մեծ արվարձան ու փոքր շրջաններ են գրավել

Սիրիայի կառավարական ուժերը և նրանց դաշնակիցներն այսօր Հալեպի արևելքում գրավել են Սախուր մեծ արվարձանը և մի քանի ավելի փոքր շրջաններ: Այսպիսով ապստամբների կողմից վերահսկվող հյուսիսային հատվածի մեծ մասը անցել է կառավարության վերահսկողության տակ: Այս մասին գրում է Associated Press գործակալությունը:

Ռուսաստանի պաշտպանության նախարարության փոխանցմամբ՝ Սիրիայի կառավարական ուժերի գրաված շրջաններն ընդգրկում են 10 արվարձան և ավելի քան 3 հազար շենք: Նշվում է, որ հարյուրից ավելի ապստամբներ վայր են դրել զենքը և լքել Հալեպի արևելյան հատվածը:

Երկ
28
Nov

Ադրբեջանի քաղբանտարկյալների թարմացված ցուցակում 119 անձ կա

Ադրբեջանի քաղհասարակության աշխատանքային խումբը հրապարակել է քաղբանտարկյալների թարմացված ցուցակը, որտեղ 119 անձ կա: Մինչդեռ հոկտեմբերի 17-ին հրապարակված ցուցակում 94 մարդ կար:

25 նոր քաղբանտարկյալներից 24-ը Նարդարանի գործով ձերբակալված հավատացյալներ են, մեկը` կրոնական ակտիվիստ Գյանջայից, հայտնում է Contact.az-ը:

Երկ
28
Nov

ՌԴ զորքերը համալրվել են նորագույն «Բուկ» համակարգերով

«Ալմազ-Անթեյ» ռուսաստանյան կոնցեռնը ՌԴ պաշտպանության նախարարությանն է հանձնել «Բուկ-Մ3» զենիթահրթիռային համալիրների բրիգադային հավաքածուն։ Այս մասին հայտնում է ТАСС վկայակոչելով կոնցեռնի մամուլի ծառայությանը։

Նշվում է, որ նոր համակարգը հաջողությամբ անցել է փորձարկումները, որոնք տեղի են ունեցել այս ամռանը։

«Կարճ ժամանակահատվածում կոնցեռնի աշխատանքային կոլեկտիվին հաջողվել է ստեղծել սարք, որի առանցքային ցուցանիշները մեկուկես անգամ բարձր են, քան նախորդ սերնդինը»,- հայտարարել է կոնցեռնի գլխավոր տնօրեն Յան Նովիկովը։

Երկ
28
Nov

Աճեմօղլու. Թուրքիայի տնտեսությունը կարող է փլուզվել

Մասաչուսեթսի տեխնոլոգիական համալսարանի պրոֆեսոր Տարոն Աճեմօղլու

Թուրքիայի տնտեսությունը առաջիկա երկու տարիների ընթացքում կարող է փլուզվել, եթե քաղաքական գործիչները Արևմուտքին չապացուցեն, որ թուրքական տնտեսական մոդելը վստահություն է ներշնչում: Այս մասին Hurriyet-ին տված հարցազրույցում ասել է Մասաչուսեթսի տեխնոլոգիական համալսարանի պրոֆեսոր Տարոն Աճեմօղլուն:

Հայազգի տնտեսագետի պնդմամբ` «Թուրքիան իր արտաքին քաղաքականությունը ձևավորում է ներքաղաքական իրողություններից ելնելով, ինչը լավ չէ նաև տնտեսության համար»:

Երկ
28
Nov

Հայաստանն եւ Իրանը քննարկել են Արաքս գետի աղտոտվածության խնդիրը

ՀՀ բնապահպանության նախարար Արծվիկ Մինասյանն այսօր ընդունել է ՀՀ-ում ԻԻՀ արտակարգ եւ լիազոր դեսպան Սեյեդ Քազեմ Սաջադին եւ ԻԻՀ նանոտեխնոլոգիաների գլխավոր շտաբի ղեկավար պրոֆեսոր Սայեդ Սարքարի գլխավորած պատվիրակությանը:

Երկ
28
Nov

Ֆրանսիան պատրաստ է աջակցել ժողովրդավարության նույն արժեքներին ձգտող Արցախին

Արցախի Ազգային ժողովի նախագահ Աշոտ Ղուլյանն այսօր ընդունել է Ֆրանսիա-Ղարաբաղ բարեկամության շրջանակի անդամներ Էրվան Բինեին եւ Ժակ Ռեմիլյեին: Խորհրդարանի ղեկավարը նշել է, որ շրջանակի ստեղծումից ի վեր նոր հնարավորություններ են ի հայտ եկել երկու երկրների խորհրդարանների պատգամավորների միջեւ՝ հարաբերությունները բարեկամական մակարդակի բարձրացնելու համար եւ այդ հանգամանքը թույլ կտա ավելի շատ սպասումներ ունենալ Ֆրանսիա-Ղարաբաղ բարեկամության շրջանակի ծրագրերից:

Երկ
28
Nov

Դամասկոսը ներխուժում է որակել Թուրքիայի գործողությունը Սիրիայում

Անկարան ու Վաշինգտոնը չեն համաձայնեցնում Դամասկոսի հետ իրենց ռազմական գործողությունները Սիրիայի տարածքում, նրանց ներկայությունը երկրում ոչ այլ ինչ է, քան ներխուժում: Այդ մասին հայտարարել է սիրիական բանակի քաղաքական վարչության տեղեկատվության բաժնի պետ, բրիգադի գեներալ Սամիր Սուլեյմանը, հայտնում է ՌԻԱ Նովոստին:

«Գործողությունները Սիրիայի հյուսիսում մենք միջամտություն ենք համարում մեր ներքին գործերին, ագրեսիա ու ներխուժում, որին մենք հակազդում ենք`պայքարելով գրոհայինների դեմ»,-ասել է գեներալը:

Երկ
28
Nov

Նախարար. Այլևս պետության գործը չէ գնահատել կուսակցության ինչպիսին լինելը

Ազգային Ժողովն արտահերթ նիստում քննարկում է «Կուսակցությունների մասին» օրենքի նախագիծը, որը նոր պահանջներ է դնում քաղաքական ուժերի առջև:

Նշենք, որ այսօր Հայաստանում գրանցված է 79 կուսակցություն: Ներկայումս կուսակցության համար պարտադիր է համարվում 200 անդամ ունենալը, որը վեց ամսում պետք է դառնա 2000: Նոր նախագծով առաջարկվում է հիմնադիր համագումարի ժամանակ ունենալ 100 անդամ, իսկ կուսակցության գրանցման պահին՝ 1000 անդամ:

Երկ
28
Nov

Վրաստանը կարող է մասնակի վաճառել Հայաստանին ՌԴ-ից գազ մատակարարող գազամուղը

Հյուսիս-Հարավ գազամուղը, որով ռուսական գազը Վրաստանի տարածքով հասցվում է Հայաստան, կարող է վաճառքի հանվել: Վրաստանի վարչապետ Գեորգի Կվիրիկաշվիլին հայտարարել է, որ կառավարությունը քննարկում է պետությանը պատկանող «Վրաստանի երկաթուղու», ինչպես նաև ֆոնդային բորսայում «Նավթի և գազի կորպորացիայի» բաժնետոմսերի 25 տոկոսի առաջնային տեղաբաշխման հարցը:

Մանրամասներ չհայտնելով նա նշել է, որ քննարկումներ են եղել ներդրումային բանկերի հետ:

Երկ
28
Nov

«Իսրայելի հետ հարաբերությունների կարգավորումը կարևոր է ողջ տարածաշրջանի համար». Էրդողան

Թուրքիայի և Իսրայելի նախագահներ Ռեջեփ Էրդողանն ու Ռեուվեն Ռիվլինը հեռախոսազրույց են ունեցել, որի ընթացքում քննարկել են օրինագիծը, որն արգելում է ազանը բարձրախոսի միջոցով հնչեցնել Իսրայելում, հայտնում է «Անադոլու» գործակալությունը։

Իսրայելի կառավարության մամուլի ծառայության հաղորդագրության համաձայն՝ զրույցի ընթացքում Էրդողանը հետաքրքրվել է օրինագծով։ Իսրայելի նախագահը հայտարարել է, որ Իսրայելում ապահովվելու է դավանանքի ազատությունը բոլոր կրոնների ներկայացուցիչների, այդ թվում՝ մուսուլմանների, քրիստոնյաների ու հուդայականության հետևորդների համար։

Երկ
28
Nov

Ռազմական փորձագետներ. Ադրբեջանն ու ՀՀ–ն պատրաստվում են Ղարաբաղում պատերազմի

Ռազմական փորձագետ Դմիտրի Լիտովկինը հայտարարել է, որ այսօր Ադրբեջանն ու ՀՀ–ն պատրաստվում են ղարաբաղյան հակամարտության հանգուցալուծման ռազմական տարբերակին, եթե բանակցությունները մոտակա ժամանակներս ոչ մի բանի չհանգեցնեն։

Նա նշել է, որ ռազմական տեխնիկայի գնումը, բյուջեի ուղղվածությունը դեպի պաշտպանություն խոսում են այն մասին, որ կողմերը փաստացի չեն հավատում խնդրի խաղաղ կարգավորմանը, փոխանցում է moscow-baku.ru կայքը։

Երկ
28
Nov

WP. Քերրին կփորձի պայմանավորվել ՌԴ հետ Սիրիայի հարցում

ԱՄՆ պետքարտուղար Ջոն Քերրին կշարունակի ջանքեր գործադրել Մոսկվայի հետ համաձայնության հասնելու համար սիրիական Հալեպի հիմնախնդրում, չնայած որ շուտով լքում է պաշտոնը, հայտնում է ՌԻԱ Նովոստին Washington Post-ի վրա հղումով:

«Հեռացող պետքարտուղար Ջոն Քերրին աննկարագրելի դիվանագիտական ջանքեր է գործադրում Հալեպի պաշարումը վերացնելու հարցում Ռուսաստանի հետ համաձայնության հասնելու համար»,-գրում է թերթը:

Երկ
28
Nov

Աշոտյանը՝ Սերժ Սարգսյանի վարչապետ դառնալու մասին. Եթե մի բան կարելի է՝ բոլորին է կարելի

«Սերժ Սարգսյանը ղեկավարում է Հանրապետական կուսակցությունը 2007 թվականից, Անգելա Մերկելը ղեկավարում է Գերմանիայի Քրիստոնեա-դեմոկրատական միությունը 2000 թվականից: Եվ որևէ խնդիր չկա, երբ միևնույն մարդը, եթե վայելում է իր կուսակիցների վստահությունը, շարունակում է երկար պաշտոնավարել»: Այս մասին լրագրողների հետ հանդիպմանը հայտարարեց իշխող ՀՀԿ փոխնախագահ Արմեն Աշոտյանը՝ անդրադառնալով հարցին, թե արդյո՞ք ներքին ժողովրդավարության վկայություն է այն, որ Սերժ Սարգսյանին կուսակցությունում տարիներ շարունակ այլընտրանք չի գտնվում: Եվ արդյոք նույն ՀՀԿ-ն մարդ-կուսակցություն չէ, որոնք, ըստ Սերժ Սարգսյա

Երկ
28
Nov

Իրանը կարող է կրկին Համադանի ավիաբազան ՌԴ-ին տրամադրել

Իրանի իշխանությունները դիտարկում են Համադանի ավիաբազան կրկին Ռուսաստանին տրամադրելու հնարավորությունը: Այդ մասին հայտարարել է Իրանի պշատպանության նախարար Հոսեյն Դեհգանը, գրում է ՏԱՍՍ-ը:

Ըստ գերատեսչության ղեկավարի, եթե իրավիճակը Սիրիայում պահանջի ռուսական օդային ուժի կիրառումն այդ երկրում, նման հնարավորություն կտրամադրվի:

Երկ
28
Nov

Թրամփը Քլինթոնի օգտին տրված միլիոնավոր ձայներն ապօրինի է որակել

ԱՄՆ նորընտիր նախագահ Դոնալդ Թրամփը հայտարարել է, որ միլիոնավոր ընտրողներ իր մրցակից Հիլարի Քլինթոնի օգտին ապօրինաբար են քվեարկել: Այս մասին գրում է ՌԻԱ Նովոստին:

Հանրապետական Թրամփն ընտրություններին հաղթել է դեմոկրատ Հիլարի Քլինթոնին՝ հավաքելով ընտրիչների 306 ձայն, ընտրվելու համար անհրաժեշտ 270-ի փոխարեն: Միաժամանակ, նա գրեթե 2 մլն քվեաթերթիկով զիջել է Քլինթոնին: Թրամփի հաղթանակը հնարավոր է դարձել քվեարկության ոչ ուղղակի համակարգի շնորհիվ, որի ընթացքում կարեւորը ընտրիչների ձայների մեծամասնությունը ստանալն է:

Երկ
28
Nov

Ֆրանկոֆոնիայի գագաթաժողովն աջակցություն հայտնեց ղարաբաղյան հիմնախնդրի խաղաղ կարգավորմանը

Անտանանարիվուում ընթացող Ֆրանկոֆոնիայի միջազգային կազմակերպության XVI-րդ գագաթաժողովը նոյեմբերի 27-ին ընդունեց Ճգնաժամային իրավիճակների հանգուցալուծման և խաղաղության ամրապնդման վերաբերյալ եզրափակիչ բանաձևը, որտեղ Հայաստանի առաջարկությամբ ամրագրվեց Ֆրանկոֆոնիայի միջազգային կազմակերպության անդամ պետությունների լիակատար աջակցությունը ղարաբաղյան հակամարտության կարգավորման ուղղությամբ ԵԱՀԿ Մինսկի խմբի համանախագահների կողմից գործադրվող ջանքերին։ Այս մասին տեղեկանում ենք ՀՀ ԱԳՆ-ից:

Երկ
28
Nov

ԼՂՀ ՊՆ. Հանգստյան օրերին հայ դիրքապահների ուղղությամբ արձակվել է շուրջ 2500 կրակոց

Հանգստյան օրերին ղարաբաղա-ադրբեջանական հակամարտ զորքերի շփման գծում հակառակորդի կողմից հրադադարի պահպանման ռեժիմը խախտվել է ավելի քան 110 անգամ, որի ընթացքում, տարբեր տրամաչափի հրաձգային զինատեսակներից, հայ դիրքապահների ուղղությամբ արձակվել է շուրջ 2500 կրակոց:

ԼՂՀ ՊՆ-ից հայտնում են, որ շփման գծի արևելյան ուղղությամբ ադրբեջանական զինուժը կիրառել է նաև 60 միլիմետրանոց ականանետ (1 արկ), ձեռքի հակատանկային (2 արկ) ու հաստոցավոր ավտոմատ (5 արկ) նռնականետեր: