Activities calendar

25 November 2016

Ուրբ
25
Nov

Ադրբեջանի բանակը համալրված է աշխարհի ամենաարագ ուղղաթիռներից մեկը համարվող Ми-35М–ով

Շվեդական Expressen հանդեսի ռազմական փորձագետ Պետեր Տունբորգը կազմել է աշխարհի ամենաարագ ուղղաթիռների ցուցակը։

Խոսելով Ми-35М ուղղաթիռի մասին, որի առավելագույն արագությունը կազմում է 310 կմ ժամ, Տունբորգը նշել է, որ այդ ուղղաթիռները առաջին անգամ կիրառվել են Եթովպիայի ու Սոմալիի միջև պատերազմում, փոխանցում է Vesti.az–ը։

Ըստ նրա, ուղղաթիռը կարող է տեղափոխել վեց պարաշյուտիստ`ամբողջ հանդերձանքվ։ Ми-35М–ը անընդհատ արդիականացվում է ու այժմ ունի աէրոնավտիկայի ու նավիգացիայի ժամանակակից միջոցներ։

Ուրբ
25
Nov

Փորձագետներ. Մոսկվան հետաքրքրված չէ Սիրիայի ու Թուրքիայի պատերազմով

Թուրքիան ու Սիրիան հայտնվել են պատերազմի շեմին այն բանից հետո, երբ սիրիական օդուժն Էլ–Բաբի մոտ հարվածել է թուրքական զինվորներին։ Անկարան հայտարարել է, որ Դամասկոսին կպատասխանի ու դա կարող է այդ հակամարտության մեջ ներքաշել նաև ռուսական զինուժը։

Պետդումայի պատգամավոր, քաղաքագետ Կոնստանտին Զատուլինը հայտարարել է, որ Մոսկվան հետաքրքրված չէ Անկարայի հետ հարաբերությունների սրացմամբ։ Նա նշել է, որ իրենք փորձելու է կանխել այդպիսի բախումները, փոխանցում է ВЗГЛЯД–ը։

Ուրբ
25
Nov

Քաղաքագետ. Վրաստանն ԱՄՆ–ի համար պլացդարմ է ՌԴ–ի դեմ

Պենտագոնի նախկին ղեկավար Դոնալդ Ռամսֆելդը կոչ է արել ԱՄՆ–ին արագացնել Վրաստանի`ՆԱՏՕ–ին անդամակցելու գործընթացը։ Քաղաքագետ Սեմյոն Ուրալովը Sputnik–ի եթերում Վրաստանը համարել է հետխորհրդային տարածքում ամերիկյան հաջող նածագծի օրինակ։

"Однако. Евразия"–ի խմբագիր, քաղաքագետ Սեմյոն Ուրալովը հայտարարել է, որ Վրաստանը հետաքրքրում է ԱՄՆ–ին, որպես հակառուսական նախագիծ հետխորհրդային տարածաշրջանում։

Ուրբ
25
Nov

Ավստրիայի խորհրդարանն ընդունել է զենքի արտահանումը Թուրքիա կասեցնելու նախաձեռնությունը

Ավստրիայի խորհրդարանն ընդունել է 6 քաղաքական կուսակցությունների նախաձեռնությունը զենքի արտահանումը Թուրքիա կասեցնելու մասին: Պատգամավորները կոչ են անում երկրի իշխանություններին դադարեցնել զենքի և զինամթերքի արտահանման թույլտվությունների տրամադրումն այն երկրներ, որտեղ ռազմական դրություն է կամ որտեղ կա զինված հակամարտության վտանգ, հայտնում է Ռոսբալտը:

Նշվում է, որ փաստաթղթում հատուկ շեշտադրված է Թուրքիան, որտեղ «խախտվում են մարդու իրավունքները, իսկ ներկրված զենքը կարող է կիրառվել ընդդիմության դեմ», ասվում է փաստաթղթում:

Ուրբ
25
Nov

Ադրբեջանն Իրանին վարկ կտրամադրի՝ «Հյուսիս–Հարավի» մի հատվածի շինարարության համար

Ադրբեջանը բանակցում է Իրանի հետ վերջինիս վարկ տրամադրելու շուրջ, որով նախատեսվում է կառուցել Ռեշտ-Աստարա երկաթուղին, որը պետք է միացնի Ռուսաստանի, Ադրբեջանի և Իրանի գործող երկաթուղիները: Այդ մասին հայտարարել է «Ադրբեջանական երկաթուղիներ» ՓԲԸ նախագահ Ջավիդ Գուրբանովը «Ռազմավարական գործընկերութուն 1520. Կովկասի տարածաշրջան» գործարար համաժողովում ունեցած ելույթում, հայտնում է Haqqin.az-ը:

Ուրբ
25
Nov

Սպառողները «Գազպրոմ Արմենիային» 13 մլրդ 400 մլն դրամ քիչ կվճարեն սպառած գազի դիմաց

Գազի սակագնի նվազման արդյունքում սպառողները շուրջ 13 մլրդ 400 մլն դրամ քիչ կվճարեն սպառած գազի դիմաց: Այս մասին լրագրողների հետ զրույցում ասել է «Գազպրոմ Արմենիա» ընկերության տնօրեն Հրանտ Թադևոսյանը:

Հիշեցնենք, այսօր ՀՀ Հանրային ծառայությունները կարգավորող հանձնաժողովը որոշում կայացրեց «Գազպրոմ Արմենիա» ՓԲԸ կողմից սպառողներին վաճառվող բնական գազի նոր սակագների շուրջ: Համաձայն դրա՝ գազի գինը կնվազի 2017 թվականի հունվարի 1-ից:

Ուրբ
25
Nov

ՄԻԵԴ-ը Հայաստանի դեմ 2 նոր վճիռ է կայացրել

Մարդու իրավունքների եվրոպական դատարանը հինգշաբթի երկու նոր վճիռ է կայացրել Հայաստանի դեմ:

Ուրբ
25
Nov

Մամուլի տեսություն. ՀՀ ընդդիմությունն ընտրություններից առաջ մոբիլիզացման փորձ է անում

VERELQ-ը ներկայացնում է հայաստանյան մամուլի ամենաուշագրավ հապարակումները:

Ուրբ
25
Nov

Ադրբեջանն ավելացրել է գազի մատակարարումները դեպի Թուրքիա

Ադրբեջանը 2016 թվականի հունվար–սեպտեմբեր ամիսներին Թուրքիա է առաքել 4,84 միլիարդ խմ գազ`նախորդ տարվա 4,4 միլիարդի փոխարեն։ Այդ մասին նշված է Թուրքիայի էներգետիկ շուկայի կարգավորման վարչության կայքում։

2015թ.–ին Ադրբեջանը Թուրքիա է առաքել 6,17 միլիարդ խմ գազ, իսկ 2014թ.–ին`6,07 միլիարդ։

Թուրքիայի գազի ներկրման ընդհանուր ծավալում Ադրբեջանի մասնաբաժինը 2016թ.–ի հունվար–սեպտեմբերին կազմել է 14,7 տոկոս։ Թուրքիան Ադրբեջանից գազ է ներկրում Բաքու–Թբիլիսի–Էրզրում գազամուղով։

Ուրբ
25
Nov

Լուկաշենկո. Ղարաբաղի խնդիրը կարող է լուվել բացառապես բանակցություններով

Ինչպես բելառուսները անտարբեր չմնացին այն ամենին, ինչ կատարվում է Դոնբասում, այնպես էլ մեր մարդկանց սրտերը ցավում է Ղարաբաղի համար: Եվ դա պատահական չէ: Մենք բոլորս՝ ուկրաինացիները, ռուսները, բելառուսները, հայերն ու ադրբեջանցիները, ինչպես և մյուս ժողովուրդների ներկայացուցիչները մեկ մեծ երկրից ենք՝ ԽՍՀՄ-ից: Այդ իսկ պատճառով մենք գործադրելու ենք բոլորը ջանքեր խաղաղության հաստատման, մարդկանց բնականոն ու խաղաղ կյանքի համար՝ որտեղ էլ դա լինի: Այս մասին ադրբեջանական Trend գործակալությանը տված հարցազրույցում հայտարարել է Բելառուսի նախագահ Ալեքսանդր Լուկաշենկոն:

Ուրբ
25
Nov

ԱՄՆ ՀԴԲ-ն ձերբակալել է Ադրբեջանին ապօրինի զենք վաճառող անձանց

ԱՄՆ Հետաքննությունների դաշնային բյուրոն (ՀԴԲ) ձերբակալել է Իսրայելի և Բելառուսի երկու քաղաքացու, որոնք մեղադրվում են Ադրբեջանին ապօրինի զենք վաճառելու մեջ: Ըստ ԱՄՆ ԶԼՄ-ների, 39-ամյա Անրի Շուշանն ու 65-ամյա Վենիամին Գոլինկինը ձերբակալվել են Ֆլորիդայի նահանգի Պոմպանո Բիչ քաղաքում ՀԴԲ երկարատև հետաքննության արդյունքում, հայտնում է Haqqin.az-ը:

Ուրբ
25
Nov

Անկարան սպառնում է ԵՄ-ին միգրանտների հոսքով

Թուրքիան ընտրություն չի կատարում Շանհայի համագործակցության կազմակերպություն իր անդամակցության ու ԵՄ-ի լիիրավ անդամ դառնալու հեռանկարի միջեւ։ Այս մասին TRT հեռուստաալիքի եթերում հայտնել է Թուրքիայի վարչապետ Բինալի Յըլդըրըմը, հայտնում է ՏԱՍՍ-ը։

Յըլդըրըմը մեկնաբանել է ՇՀԿ-ին երկրի անդամակցության մասին Թուրքիայի նախագահ Ռեջեփ Թայիփ Էրդողանի վերջին հայտարարությունը, քանի որ ԵՄ-ի հետ հարաբերությունները մտել են լուրջ ճգնաժամ։

Ուրբ
25
Nov

Հաստատվեց. Գազի գինը հունվարից նվազում է

Հանրային ծառայությունները կարգավորող հանձնաժողովն այսօր որոշում կայացրեց «Գազպրոմ Արմենիա» ՓԲԸ կողմից սպառողներին վաճառվող բնական գազի նոր սակագների շուրջ: Համաձայն դրա՝ գազի գինը կնվազի 2017 թվականի հունվարի 1-ից:

Ըստ այդմ, տարեկան սոցիալապես անապահով ընտանիքների սպառողներին վաճառվող մինչև 600 խորանարդ մետր բնական գազի համար որոշվեց սահմանել 100 հազար դրամ վճար՝ ներառյալ ավելացված արժեքի հարկը: 600 խորանարդ մետրը գերազանցող բնական գազի համար տարեկան որոշվեց սահմանել 139 հազար դրամ: Նախկինում այն 146 հազար 700 դրամ էր կազմում:

Ուրբ
25
Nov

Վարչապետ. Հայաստանը կարող է չինական բիզնեսի համար կարևոր հարթակ դառնալ

Վարչապետ Կարեն Կարապետյանն ընդունել է Հայաստանում Չինաստանի արտակարգ և լիազոր դեսպան Թիան Էրլունին:

Վարչապետը կարևորել է Չինաստանի հետ հարաբերությունների շարունակական ընդլայնումն ու ակտիվացումը և նշել, որ անհրաժեշտ է հստակ քայլեր ձեռնարկել՝ տնտեսական համագործակցության հետագա զարգացմանն ուղղված առկա մեծ ներուժի իրացման ուղղությամբ: Կարեն Կարապետյանն ընդգծել է մեր երկրի ենթակառուցվածքային մի շարք ծրագրերում չինական բիզնեսին ներգրավելու հնարավորությունը և ավելացրել, որ կառավարությունը պատրաստ է մանրամասն քննարկման առարկա դարձնել բոլոր առաջարկները:

Ուրբ
25
Nov

Tagesspiegel. Թուրքիայի հետ բանակցություններից հրաժարվելը ոչ մի լավ արդյունք չի ունենա

ԵՄ-ն չպետք է դադարեցնի Թուրքիայի հետ բանակցությունները ԵՄ-ին անդամակցության շուրջ։ Նման տեսակետ է հայտնել գերմանական Tagesspiegel թերթի տեսաբան Գերդ Ապենցելերը։

Ուրբ
25
Nov

Զախարովա. Ողջունելի է ԼՂ խնդրի կարգավորման գործընթացում ԱՄՆ միջնորդական ջանքերի ակտիվացումը

ՌԴ–ն կարող է միայն ողջունել ԵԱՀԿ Մինսկի խմբի ամերիկացի համանախագահի միջնորդական ջանքերի ակտիվացումը ղարաբաղյան խնդրի կարգավորման համար։ Կարգավորման գործընթացն առաջ մղելու հարցում բոլոր ջանքերը միայն ողջունելի են: Նման հայտարարությամբ լրագրողների հետ հանդիպման ժամանակ հանդես է եկել ՌԴ արտաքին գործերի նախարարության պաշտոնական ներկայացուցիչ Մարիա Զախարովան` անդրադառնալով այն մեկնաբանություններին, որ ԱՄՆ նախագահի պաշտոնում Դոնալդ Թրամփի ընտրությունից հետո ԱՄՆ կարող է հավելյալ ջանքեր գործադրել ԼՂ խնդրի կարգավորման ուղղությամբ:

Ուրբ
25
Nov

Մելիքյան. Հայկական կողմերը պարտավոր են բանակցային գործընթացում սայլը տեղից շարժել

Լեռնային Ղարաբաղի արտաքին գործերի նախկին նախարար Արման Մելիքյանի կարծիքով՝ նոր բանակցային օրակարգը, որի ձևավորման գործում հայկական կողմերը պարտավոր են իրենց ծանրակշիռ ներդրումը կատարել, կարող է բանակցային գործընթացում սայլը տեղից շարժել:

VERELQ-ի հետ զրույցում Մելիքյանը նշեց, որ 2007 թվականի դեկտեմբեր ամսից սկսած համանախագահների նախորդ կազմերը համառորեն առաջ էին մղում Մադրիդյան սկզբունքների հիման վրա առաջարկվող կարգավորման տարբերակը և, փաստորեն, համարյա մեկ տասնամյակ տևած նրանց աշխատանքի պսակը դարձավ ապրիլյան պատերազմը:

Ուրբ
25
Nov

Արցախի բնակավայրերի վերականգնմանը նվիրված դրամահավաքին հանգանակվել է 15,4 մլն դոլար

«Հայաստան» համայկական հիմնադրամի կազմակերպած հեռուստամարաթոնի ժամանակ հանգանակվել է 15 մլն 428,777 միլիոն դոլար:

Ուրբ
25
Nov

ԼՂՀ ՊՆ. Շփման գծի հյուսիսարևելյան ուղղությամբ ադրբեջանական զինուժը կիրառել է 60 միլիմետրանոց ականանետ

Նոյեմբերի 24-ի լույս 25-ի գիշերը ղարաբաղա-ադրբեջանական հակամարտ զորքերի շփման գծում հակառակորդի կողմից հրադադարի պահպանման ռեժիմը խախտվել է շուրջ 60 անգամ, որի ընթացքում, տարբեր տրամաչափի հրաձգային զինատեսակներից, հայ դիրքապահների ուղղությամբ արձակվել է ավելի քան 900 կրակոց:

ԼՂՀ ՊՆ-ից հաղորդում են, որ շփման գծի հյուսիսարևելյան ուղղությամբ ադրբեջանական զինուժը կիրառել է նաև 60 միլիմետրանոց ականանետ (5 արկ):