Activities calendar

18 November 2016

Ուրբ
18
Nov

Պուտինի եւ Թրամփի միջեւ քաղաքական փոխըմբռնում կա. Սերգեյ Լավրով

ՌԴ նախագահ Վլադիմիր Պուտինի եւ ԱՄՆ նորընտիր նախագահ Դոնալդ Թրամփի միջեւ քաղաքական փոխըմբռնում կա, ասել է ՌԴ արտգործնախարար Սերգեյ Լավրովը։

Նա հիշեցրել է, որ Պուտինն ու Թրամփը հեռախոսազրույց են ունեցել։ Նրա խոսքով՝ դա գործնական, պրոֆեսիոնալ, տղամարդկային խոսակցություն է եղել։

«Ես ոչ մի նոր եզր չեմ հորինի եւ պիտակներ չեմ տա։ Նախագահները քննարկել են մեր հարաբերությունների վիճակը թե երկկողմ համագործակցության, թե գլոբալ եւ տարածաշրջանային խնդիրների լուծման առումով։ Նրանց մոտ միանշանակ կա քաղաքական տրամադրվածություն, քաղաքական փոխըմբռնում»,– ասել է Լավրովը։

Ուրբ
18
Nov

ՌԴ-ն մեկուսացնելու հնարավորություն չկա, անհրաժեշտ է նրա հետ երկխոսություն հաստատել. Սթոլթենբերգ

Ռուսաստանին մեկուսացնելու հնարավորություններ չկան, անհրաժեշտ Է նրա հետ հարաբերություններ հաստատել։ Ինչպես հաղորդում է TASS գործակալությունը, այս մասին հայտարարել է ՆԱՏՕ-ի գլխավոր քարտուղար Սթոլթենբերգը։

«Մենք չենք կարող մեկուսացնել Ռուսաստանին, ուստի մեզ անհրաժեշտ Է նրա հետ երկխոսություն հաստատել: Նախարար Լավրովի հետ իմ հանդիպումները հաստատում են, որ Ռուսաստանը պատրաստ Է դրան»,-ասել Է նա:

Ուրբ
18
Nov

Իրանը Հայաստանի հետ ազատ տնտեսական գոտով ձգտում է մտնել ԵԱՏՄ շուկա

 Կարեն Կարապետյանն ընդունել է Մասուդ Քարբասիանին

Վարչապետ Կարեն Կարապետյանն նոյեմբերի 18-ին ընդունել է Իրանի էկոնոմիկայի և ֆինանսների փոխնախարար, գլխավոր մաքսատան պետ Մասուդ Քարբասիանի գլխավորած պատվիրակությանը: Այս մասին հայտնում է ՀՀ կառավարության մամուլի ծառայությունը:

Ուրբ
18
Nov

ՀՔԾ. ՊՊԾ գնդի գրավման գործով 21 մեղադրյալի մեղադրանքները լրացվել են

Զինված խմբի կողմից 2016 թվականի հուլիսի 17-ին ՀՀ ոստիկանության Երևան քաղաքի վարչության պարեկապահակետային ծառայության (ՊՊԾ) գնդի վարչական շենքերն ու հարակից տարածքը զավթելու և պահելու դեպքի առթիվ ՀՀ քրեական օրենսգրքի 219-րդ և 235-րդ հոդվածներով հարուցված քրեական գործով ՀՀ հատուկ քննչական ծառայությունում կատարված նախաքննությամբ ձեռք բերված՝ հանցանքի կատարումը վկայող բավարար ապացույցների համակցության հիման վրա 21 մեղադրյալի նախկինում առաջադրված մեղադրանքները լրացվել, նրանց մեղադրանքներ են առաջադրվել քննությամբ հաստատված հանցավոր արարքների կատարման համար:

Ուրբ
18
Nov

Անկարան Մոսկվայի հետ քննարկում է Ս-400 համալիրներ գնելու հարցը

Անկարան Մոսկվայի հետ քննարկում է Ս-400 համալիրներ գնելու հարցը, ասել է Թուրքիայի ազգային պաշտպանության նախարար Ֆիքրի Իշիկը, փոխանցում է «ՌԻԱ Նովոստի»–ն։

«ՀՀՊ համակարգի հարցով աշխատանքը շարունակվում է։ Մենք Ս-400–ի մատակարարման հարցով բանակցում ենք ոչ միայն Ռուսաստանի, այլ նաեւ այլ երկրների հետ, որոնք համանման համակարգեր ունեն։ Հիմա այդ հարցում Ռուսաստանի դիրքորոշումը դրական է։ Հուսանք, որ ՆԱՏՕ–ի անդամ երկրները դրան լուրջ կվերաբերեն, եւ մեր համակարգը համատեղելի կլինի դաշինքի պահանջների հետ»,– ասել է նա։

Ուրբ
18
Nov

Մամուլի տեսություն. ԼՂՀ-ում աճել է անկախության կողմնակիցների եւ Հայաստանին միանալ ցանկացողների թիվը

VERELQ-ը ներկայացնում է հայաստանյան մամուլի ամենաուշագրավ հրապարակումները:

Ուրբ
18
Nov

Պետդումայի կոմիտեն պաշտպանեց ՀՕՊ-ի մասին Հայաստանի հետ համաձայնագրի վավերացումը

ՌԴ Պետդումայի կոմիտեն հանձնարարել է ընդունել հավաքական անվտանգության կովկասյան տարածաշրջանում հակաօդային պաշտպանության միացյալ տարածաշրջանային համակարգի ստեղծման վերաբերյալ Հայաստանի հետ համաձայնագրի վավերացման մասին օրինագիծը, տեղեկացնում է ՌԻԱ Նովոստին:

«Համաձայնագրով նախատեսվում է ստեղծել հակաօդային պաշտպանության միացյալ տարածաշրջանային համակարգ՝ որպես ԱՊՀ-ի մասնակից պետությունների հակաօդային պաշտպանության միավորված համակարգի բաղկացուցիչ մաս»,-ասված է օրինագծին կից բացատրական փաստաթղթերում:

Ուրբ
18
Nov

Stratfor. Ղարաբաղի շնորհիվ ՌԴ-ն կպահպանի գերակայությունը Կովկասում

Լեռնային Ղարաբաղի տարածքում չկա Ռուսաստանի ուղիղ ռազմական ներկայություն, սակայն այդ հակամարտության շնորհիվ ՌԴ–ն պահպանում է Կովկասում իր գերակայությունը։ Այս մասին նշվում է ամերիկյան Stratfor վերլուծական կենտրոնի հոդվածում։

ՀՀ–ն հետևում է Կրեմլի ուղենիշին, իսկ Ադրբեջանը վարում է ավելի բալասնավորված արտաքին քաղաքականություն։ Մոսկվան զենք է վաճառում երկու կողմերին էլ, որպեսզի նրանք այն ուղղեն միմյանց դեմ ու մեծացնեն անվտանգության ոլորտում իրենց կախվածությունը իրենից։

Ուրբ
18
Nov

Զինծառայողի դի է հայտնաբերվել

2016թվականի նոյեմբերի 17-ին` ժամը 21:50-ի սահմաններում, ՀՀ ՊՆ N զորամասի 1-ին հրաձգային գումարտակի հսկիչ-անցագրային կետի շինությունում հայտնաբերվել է 2016 թվականի նոյեմբերի 17-ից մինչև 18-ը գումարտակի արագ արձագանքման խմբում ծառայության ընդգրկված նույն գումարտակի գնդացրորդ, պայմանագրային զինծառայող Իվան Դավիթի Հայրապետյանի դիակը` բերանի աջ ստորին և գլխի ձախ գագաթային հատվածներում միջանցիկ հրազենային վնասվածքով:

Ուրբ
18
Nov

The Strategist. ԱՄՆ–ի ազդեցությունը թուլանում է, ՌԴ–ինը`ուժեղանում

ԱՄՆ-ն այլեւս չի կարող անտեսել աշխարհում ուժերի հավասարակշռության առումով տեղի ունեցող փոփոխությունները։ Առայժմ Ամերիկան մնում է ռազմական ու տնտեսական տեսակետից ուժեղագույն երկիր, սակայն ներկա ամերիկյան վերնախավի քաղաքականությունից զանգվածային հիասթափության ու դժհոգության տագնապահարույց նշանները, որոնք արտացոլվեցին նաեւ նախագահական ընտրությունների արդյունքների վրա, արդեն հնարավոր չէ անտեսել, գրում է The Strategist պարբերականը։

Ուրբ
18
Nov

Սերգեյ Լավրովը պատմել է, թե ինչու է ՌԴ–ն ռմբակոծում Իդլիբը եւ Հոմսը

ՌԴ արտգործնախարար Սերգեյ Լավրով

Ռուսաստանի եւ Սիրիայի օդուժը հարվածներ է հասցնում ահաբեկիչների դիրքերին բացառապես Իդլիբի եւ Հոմսի նահանգներում, որպեսզի կանխի Մոսուլից Սիրիա ԻՊ գրոհայինների ներթափանցումը, ասել է ՌԴ արտգործնախարար Սերգեյ Լավրովը, փոխանցում է «Ինտերֆաքս»–ը։

«Մեր ՕՏՈւ–ն եւ Սիրիայի ՌՕՈւ–ն աշխատում են միայն Իդլիբի եւ Հոմսի նահանգներում, որպեսզի կանխեն ԻՊ գրոհայինների ներթափանցումը, որոնք կարող են Մոսուլից մտնել Սիրիա»,– ասել է նա Լիմայում լրագրողներին՝ ԱՄՆ պետքարտուղար Ջոն Քերրիի հետ բանակցություններից հետո։

Ուրբ
18
Nov

Վարչապետ. Հայաստանը իրանական մեծ շուկայում ունի փոքր մասնաբաժին

ՀՀ վարչապետ Կարեն Կարապետյանը գործադիրի այսօրվա նիստում հանձնարարեց մի շարք նախարարների համատեղ քննարկել և հնգօրյա ժամկետում սահմանված կարգով ներկայացնել ՀՀ վարչապետի որոշման նախագիծ՝ ՀՀ-ից Իրան սննդամթերք և գյուղմթերք արտահանելու նպատակով աշխատանքային խումբ ձևավորելու վերաբերյալ:

Ուրբ
18
Nov

«ՆԱՏՕ-Վրաստան 2016» զորավարժություններն ուղղված չեն որևէ մեկի դեմ. Մարգվելաշվիլի

Վրաստանի նախագահ Գեորգի Մարգվելաշվիլին հայտարարել է, որ «ՆԱՏՕ-Վրաստան 2016» հրամանատարա-շտաբային զորավարժությունները ուղղված են երկրի պաշտպանունակության ամրապնդմանը։ Այս մասին գրում է Sputnik լրատվական գործակալությունը:

Ավելի վաղ ՌԴ ԱԳՆ-ն հայտարարել էր, որ ռուսական կողմը ՆԱՏՕ-Վրաստան զորավարժությունները դիտարկում է որպես տարածաշրջանի կայունության ու խաղաղության հանդեպ լուրջ սպառնալիք։

Մարգվելաշվիլին հայտարարել է.

Ուրբ
18
Nov

Թրամփը Միթ Ռոմնիին դիտարկում է որպես պետքարտուղարի թեկնածու

ԱՄՆ ապագա նախագահ Դոնալդ Թրամփը ԱՄՆ նախագահի նախկին թեկնածու հանրապետական Միթ Ռոմնիին դիտարկում է որպես պետքարտուղարի հնարավոր թեկնածու։ Թրամփի եւ Ռոմնիի հանդիպումը նախատեսված է նոյեմբերի 20-ին, փոխանցում է DW–ն։

Նշանակման դեպքում Ռոմնին կդառնա Հանրապետական կուսակցության այն թեւի ներկայացուցիչը, որը դեմ էր Թրամփի առաջադրմանը։ Նա արտաքին քաղաքականության, մասնավորապես` ռուս–ամերիկյան հարաբերություններում ավելի պահպանողական հանրապետական հայացքների ներկայացուցիչ է։

Ուրբ
18
Nov

Կառավարությունը «կանաչ լույս» տվեց ապօրինի հարստացման քրեականացման օրինագծին

ՀՀ կառավարությունը հավանություն տվեց ՀՀ Քրեական օրենսգրքում փոփոխություն կատարելու վերաբերյալ որոշման նախագիծը:

Համաձայն նախագծի՝ ապօրինի հարստացումը կքրեականացվի, ՀՀ քրեական օրենսգրքում կավելանա նոր՝ 310․1 հոդվածը՝ «Ապօրինի հարստանալը»: Կառավարությունն առաջարկում է ապօրինի հասրտացման համար սահմանել ազատազրկում` 3-ից 6 տարի ժամկետով:

Ուրբ
18
Nov

Սերգեյ Լավրովն ու Ժան-Մարկ Էյրոն քննարկել են ղարաբաղյան հակամարտությունը

ՌԴ արտգործնախարար Սերգեյ Լավրովը և Ֆրանսիայի արտաքին գործերի և միջազգային զարգացման նախարար Ժան-Մարկ Էյրոն ֆրանսիական կողմի նախաձեռնությամբ հեռախոսազրույց են ունեցել, որի շրջանակում քննարկվել է նաև Լեռնային Ղարաբաղի հիմնախնդիրը:

Ուրբ
18
Nov

ԱՄՆ Կոնգրեսն արգելեց Իրանին մարդատար ինքնաթիռներ վաճառել

ԱՄՆ Ներկայացուցիչների պալատը օրինագիծ է ընդունել, որով արգելվում է Boeing ընկերության արտադրած ինքնաթիռների վաճառքը Իրանին։

Երեկ ընդունված օրինագծով` կարգելվի բանկերին տրամադրել հավաստագիր, ինչը անհրաժեշտ է Իրանի հետ առևտրային գործարքների համար։ Նշենք, որ հեռացող նախագահ Բարք Օբամայի վարչակազմն ավելի վաղ այս ընկերություններին Իրանին օդանավեր վաճառելու արտոնագրեր էր տրամադրել:

Ուրբ
18
Nov

ԼՂՀ ՊՆ. Ադրբեջանական զինուժը կիրառել է հաստոցավոր ավտոմատ նռնականետ

Նոյեմբերի 17-ի լույս 18-ի գիշերը ղարաբաղա-ադրբեջանական հակամարտ զորքերի շփման գծում հակառակորդը հրադադարի պահպանման ռեժիմը խախտել է 100 անգամ, որի ընթացքում, տարբեր տրամաչափի հրաձգային զինատեսակներից, հայ դիրքապահների ուղղությամբ արձակվել է ավելի քան 2400 կրակոց:

ԼՂՀ ՊՆ-ից հայտնում են, որ շփման գծի հյուսիսարևելյան (Յարըմջա) ուղղությամբ ադրբեջանական զինուժը կիրառել է նաև հաստոցավոր ավտոմատ նռնականետ (5 արկ):

Ուրբ
18
Nov

Շարմազանով. Անկուսակցական քաղաքական գործիչների էպոպեան անցյալում է

Կարեն Կարապետյանը գտնվում է Մոսկվայում, նրա դիմում գրելու մասին այս պահին կուսակցությունում տեղեկություն չկա: Բայց պետք չէ բացառել ոչ այն, որ Կարեն Կարապետյանը կգրի դիմում, ոչ էլ այն, որ չի գրի` դաիր որոշելիքն է: Իսկ պաշտպանության նախարարի անդամակցության հարցը տեխնիկական է, քանի որ Վիգեն Սարգսյանն արդեն իսկ հայտարարել է իր այդ ցանկության մասին: Այս մասին ՀՀԿ ԳՄ նիստից հետո լրագրողներին ասաց ՀՀԿ խոսնակ, ԱԺ փոխնախագահ Էդուարդ Շարմազանովը:

ՀՀԿ-ական գործիչը համոզմունք է հայտնել, որ Վիգեն Սարգսյանը նոր լիցք կհաղորդի ՀՀԿ-ին: