Activities calendar

10 November 2016

Հնգ
10
Nov

ՌԴ քաղաքացիներին կթույլատրվի Հայաստան այցելել ներքին անձնագրերով

Հայաստանն ու Ռուսաստանը ունեն մեծ ներուժ էլ ավելի ընդլայնելու և խորացնելու համագործակցությունը բոլոր ուղղություններով, այդ թվում՝ միջխորհրդարանական, միջկառավարական և միջտարածաշրջանային հարթակներում: Այս մասին կառավարությունում ՀՀ Ազգային ժողովի և ՌԴ Դաշնային ժողովի միջև համագործակցության միջխորհրդարանական հանձնաժողովի համանախագահ Նիկոլայ Ռիժկովի հետ հանդիպմանը հայտարարել է ՀՀ վարչապետ Կարեն Կարապետյանը:

Հնգ
10
Nov

Ադրբեջանն ԱՄՆ–ից ակնկալում է ղարաբաղյան հակամարտության կարգավորման հարցում մեծ ջանքեր

Президент Азербайджана Ильхам Алиев

Թրամփին ուղղված նամակում Ադրբեջանի նախագահ Իլհամ Ալիևը հույս է հայտնել, որ նոր վարչակազմի օրոք Միացյալ Նահանգները իրենց ներդրումը կբերեն ղարաբաղյան հակամարտության արդար կարգավորման գործում`միջազգային իրավունքի նորմերի ու «Ադրբեջանի տարածքային ամբողջականության» շրջանակներում։ Այդ մասին Trend–ին հայտարարել է Ադրբեջանի ԱԳՆ–ի պաշտոնական ներկայացուցիչ Հիքմեթ Գաջիևը։

Նա նշել է, որ ղարաբաղյան հակամարտությունը պետք է կարգավորվի միջազգային նորմերին համահունչ, «Ադրբեջանի տարածքային ամբողջականության ու միջազգայնորեն ճանաչված սահմանների շրջանակներում»։

Հնգ
10
Nov

Հայաստանը 15 երկրներում գործող ՀՀ դեսպանատներում կունենա ՏՏ ոլորտի ներկայացուցիչներ

Այսուհետ Հայաստանը 15 երկրներում գործող ՀՀ դեսպանատներում կունենա ՏՏ ոլորտի ներկայացուցիչներ: Այս մասին Կառավարության այսօրվա նիստի ժամանակ հայտարարեց ՀՀ վարչապետ Կարեն Կարապետյանը՝ նշելով, որ պետք է այդ հարթակն օգտագործել և հնարավորություն տալ ՏՏ ոլորտի ներկայացուցիչներին ներկայանալ պետության անունից:

Կարեն Կարապետյանի խոսքով՝ ՀՀ արտաքին գործերի նախարարի հետ ձեռք է բերվել պայմանավորածություն, որը նախարարության համար լրացուցիչ ծախս չի լինելու, քանի որ ծախսերը հոգալու են ՏՏ ոլորտի բիզնեսի ներկայացուցիչները:

Հնգ
10
Nov

LA Times. Թրամփը Վաշինգթոնը փոխելու շանս ունի

Դոնալդ Թրամփի հաղթանակից հետո Վաշինգթոնում բախվել են առօրյա մի խնդրի. ինչպե՞ս իրեն կպահի նոր վարչակազմը, գրում է Los Angeles Times-ը:

Թերթը նշում է, որ շատ պաշտոնյաներ ուղղակի չգիտեն, թե ինչպես արձագանքեն նորընտիր նախագահի երբեմն կոշտ դիրքորոշմանը որոշ հարցերում: Կապիտոլիումի բլր վրա միգրացիայի հարցերում աշխատանքի փորձ ունեցողները վստահ են, որ ԱՄՆ-ի եւ Մեքսիկայի միջեւ պատը, որը խոստացել էր Թրամփը, իրականում երբեք էլ չի հայտնվի: Նույն սկեպտիցիզմն է նաեւ ԱՄՆ-ից միգրանտներին արտաքսելու հարցում:

Հնգ
10
Nov

Սերժ Սարգսյան. ՀՀ-ն կարևորում է Ծոցի երկրների հետ առևտրատնտեսական և ներդրումային համագործակցությունը

Նախագահ Սերժ Սարգսյանը Արաբական Միացյալ Էմիրություններ կատարած պաշտոնական այցի շրջանակներում այսօր հանդիպում է ունեցել Արաբական Միացյալ Էմիրությունների փոխնախագահ, վարչապետ, Դուբայի կառավարիչ շեյխ Մուհամմադ բին Ռաշիդ ալ Մաքթումի հետ:

Հանրապետության Նախագահը վստահություն է հայտնել, որ այցը հնարավորություն կընձեռի գործնական քննարկումներ ծավալել և փոխշահավետ պայմանավորվածություններ ձեռք բերել, որոնք նոր մակարդակի կբարձրացնեն հայ-էմիրաթական բազմոլորտ բարեկամական հարաբերություններն ու իրենց լուրջ ներդրումը կունենան երկկողմ համագործակցության հետագա զարգացման գործում:

Հնգ
10
Nov

Իրանն ու Ադրբեջանը կավելացնեն փոխադարձ ներդրումները

Իրանի ներդրումներն Ադրբեջանի տնտեսության մեջ հասել են 1,2 միլիադ դոլարի, որցի 145 միլիոն դոլարը բաժին է ընկնում ոչ նավթային հատվածին։ Այդ մասին հայտարարել է AZPROMO–ի ղեկավար Ռուֆատ Մամեդովը, փոխանցում է Day.az–ը։

Նրա խոսքով, այս պահին Ադրբեջանում գործում է իրանական կապիտալով 450 ընկերություններ։ Ըստ Մամեդովի, Իրանն ու Ադրբեջանը ստեղծում են մեքենաներ և դեղորայք արտադրող համատեղ գործարաններ։

Հնգ
10
Nov

ՀՀ ԱԳՆ-ն պարզաբանում է՝ տեղյա՞կ է Թրամփը ղարաբաղյան խնդրից, թե ոչ

Դոնալդ Թրամփի ընտրվելուց հետո պետք չէ անհանգստանալ Արցախի հարցով ԱՄՆ պետքարտուղարության քաղաքականության փոփոխության շուրջ: Այս մասին Կառավարության նիստից հետո լրագրողների հետ զրույցում ասաց ԱԳ փոխնախարար Շավարշ Քոչարյանը:

«Հազիվ թե պետք է նախագահի թեկնածուից առանց բացառության բոլոր հարցերի շուրջ նման տեղեկություններ պահանջենք: Տեսնենք, թե ինչ քաղաքականություն նա կվարի, երբ ստանձնի պաշտոնը: Անհանգստանալ պետք չէ, ԱՄՆ պետքարտուղարությունը կայուն կառույց է, բայց հարկավոր է միշտ աշխատել»,- ընդգծեց Քոչարյանը:

Հնգ
10
Nov

Ադրբեջանում ցանկանում են ռազմական գրաքննություն կիրառել․ ԶԼՄ-ներ

Ադրբեջանում նախատեսում են փոփոխություններ անել «Ռազմական դրության մասին» օրենքում և թույլ տալ ռազմական գրաքննություն կիրառել։ Այս մասին հաղորդում է APA գործակալությունը։

Գործակալության տվյալներով՝ հոդվածում ասվում է, որ ռազմական գրաքննություն կիրառվում է երկրում ռազմական դրություն սահմանելու ժամանակ։

Հնգ
10
Nov

Թբիլիսիի մերձակայքում մեկնարկել են Վրաստան–ՆԱՏՕ զորավարժությունները

Թբիլիսիի մերձակա Կրծանիսում ՆԱՏՕ-ի եւ Վրաստանի մարզման եւ գնահատման համատեղ կենտրոնի տարածքում նոյեմբերի 10-ից մինչեւ 20-ը կանցկացվեն «ՆԱՏՕ-Վրաստան-2016» հրամանատարաշտաբային վարժանքները: Այդ մասին հայտնում է Իմեդի–ն։

Վարժանքներին` Վրաստանի զինված ուժերի սպաների հետ միասին, կմասնակցեն ՆԱՏՕ-ի անդամ 11 երկրների (Բելգիա, Բուլղարիա, Մեծ Բրիտանիա, Հունգարիա, Լատվիա, Լիտվա, Նիդեռլանդներ, Սլովենիա, Ռումինիա, Թուրքիա, ԱՄՆ) եւ դաշինքի գործընկեր երկու պետությունների (Մակեդոնիա եւ Ուկրաինա)։

Հնգ
10
Nov

Ռիժկով. Կանցնեն դարեր, բայց երբեք չի մոռացվի Հայոց ցեղասպանությունը

ՀՀ Ազգային ժողովի նախագահ Գալուստ Սահակյանն այսօր ընդունել է ՀՀ Ազգային ժողովի և ՌԴ Դաշնային ժողովի միջև համագործակցության միջխորհրդարանական հանձնաժողովի համանախագահ Նիկոլայ Ռիժկովին և հանձնաժողովի անդամներին:

Գալուստ Սահակյանը գոհունակությամբ ընդգծել է, որ հայ-ռուսական բարեկամական հարաբերություններն ունեն բազմադարյա և հարուստ պատմություն, որոնք ամուր հիմք են հանդիսանում երկու երկրների ռազմավարական փոխգործակցության համար:

Հնգ
10
Nov

Կառավարությունը մտադիր է Ֆոնդային բորսան աշխուժացնել

Կառավարությունը մտադիր է Ֆոնդային բորսան աշխուժացնել:

Կառավարության այսօրվա նիստում ՀՀ վարչապետ Կարեն Կարապետյանը ՀՀ պետական գույքի կառավարման վարչության պետ Արման Սահակյանին հանձնարարեց երեքշաբաթյա ժամկետում առաջարկներ ներկայացնել մասնավորեցման ցուցակում չգտնվող պետական ընկերությունների և պետական մասնակցությամբ ընկերությունների բաժնեմասերի բաց և հրապարակային մրցույթով, այդ թվում՝ Ֆոնդային բորսայով հրապարակային առաջարկությունների միջոցով մասնավորեցման վերաբերյալ:

Հնգ
10
Nov

Ադրբեջանը գնացք է փորձարկել դեպի Իրանի սահման

Իրանցի ու ադրբեջանցի երկաթուղայիններն այսօր հանդիպել են Արաքս գետի վրա՝ սահմանին կառուցված կամրջի վրա։ Այս մասին հաղորդում է ադրբեջանական APA լրատվական գործակալությունը:

«Ադրբեջանի երկաթուղիներ» ընկերության մամլո ծառայության ղեկավար Նադիր Ազմամեդովը հայտարարել է, որ դիզելային գնացք են փորձարկել Աստարա կայարանից մինչև Իրանի սահման ընկած 8.3 կիլոմետրանոց հատվածում։

Հնգ
10
Nov

Մամուլի տեսություն. Գագիկ Բեգլարյանը Երևանի քաղաքապետի պաշտոնի հետ կապված հույսերը չի կորցնում

VERELQ-ը ներկայացնում է հայաստանյան մամուլի այսօրվա ամենաուշագրավ հրապարակումները:

Հնգ
10
Nov

Ծոցի երկրների հետ հարաբերությունների ամրապնդումը կարևոր է, քանզի Ադրբեջանն ավելի շահեկան դիրքերում է

Այս օրերին ՀՀ նախագահ Սերժ Սարգսյանը պաշտոնական այցով գտնվում է Արաբական Միացյալ Էմիրություններում : VERELQ-ի հետ հարցազրույցում արաբագետ Արաքս Փաշյանը նշեց, որ ԱՄԷ-ն բավականին ազդեցիկ դեր ունի տարածաշրջանային կազմակերպություններում, այն կշիռ ունի նաև համաշխարհային առևտրի, տարանցիկ առևտրի հետ կապված: Բացի այդ՝ ԱՄԷ-ն նաև ռեսուրսային երկիր է , և Հայաստանի համար իսկապես կարևոր է նման երկրի հետ հարաբերությունների խորացումն ու զարգացումը:

Հնգ
10
Nov

Փորձագետներ. Թրամփի հաղթանակը ՌԴ–ԱՄՆ գործընկերային հարաբերություններ կառուցելու շանս է տալիս

Դոնալդ Թրամփի հաղթանակն ԱՄՆ–ի նախագահական ընտրություններում հնարավորությունների պատուհան է բացում ՌԴ–ի համար, սակայն հայտնի չէ, կկարողանա Մոսկվան դրանք օգտագործել։ Այդ մասին հայտարարել է Եվրոպական ու միջազգային հետազոտություններին կենտրոնի փոխտնօրեն Դմիտրի Սուսլովը։

Նա նշել է, որ Թրամփի հաղթանակը ՌԴ–ի ու ԱՄՆ–ի միջև գործընկերային հարաբերություններ կառուցելու շանս է տալիս, որը հաստատ չէր լինի Հիլարի Քլինթոնի հաղթանակի դեպքում։

Հնգ
10
Nov

Անհրաժեշտ աջակցություն կցուցաբերվի ՀՀ տնտեսության տարբեր ոլորտներում Էմիրությունների ներդրողներին

Նախագահ Սերժ Սարգսյանը Արաբական Միացյալ Էմիրություններ կատարած պաշտոնական այցի շրջանակներում հանդիպում է ունեցել ԱՄԷ ներդրումային և զարգացման մի շարք ընկերությունների ղեկավարների հետ:

Հնգ
10
Nov

ԵՄ-ն արձանագրել է Թուրքիայի հետընթացն իրավական համակարգում ու խոսքի ազատության ոլորտում

Եվրամիությունը արձանագրել է Թուրքիայի հետընթացը իրավական համակարգի ու խոսքի ազատության ոլորտում։ Հուլիսյան ապստամբությունից հետո այդ երկրում իրավիճակը լրջորեն վատացել է, ասվում է ԵՄ-ին անդամակցությանը Թուրքիայի պատրաստվածության մասին Եվրահանձնաժողովի զեկույցում, որը հրապարակվել է նոյեմբերի 9-ին, փոխանցում է DW–ն։

Փաստաթղթում նշվում է, որ Թուրքիայում գործող մի շարք օրենքներ եվրոպական չափորոշիչներին չեն համապատասխանում։ ԵՄ-ն հատուկ մտահոգություն է հայտնում Թուրքիայում մարդու իրավունքների ու անցած շաբաթ քուրդ պատգամավորների ձերբակալությունների իրավիճակով։

Հնգ
10
Nov

Ամերիկյան մամուլ. Թրամփի հաղթանակը նշանավորում է status quo–ի խլացուցիչ խորտակում

«Դոնալդ Թրամփի հաղթանակը նշանավորում է status quo–ի խլացուցիչ խորտակում։ Աշխարհի ամենահզոր երկիրն ընտրել է ղեկավարի, որը կառավարությունում աշխատանքի փորձ չունի, ինքնաշեն բռնապետի, որը քամահրում է իր դաշնակիցներին, քաղաքավարի խոսելաոճը ու ժողովրդավարական ավանդույթները։ Եթե նա չփոխի իր անձը, Պրոթեյի նման, նրա հաղթանակը թերեւս մարտահրավեր կդառնա արեւմտյան ժողովրդավարական մոդելի համար: 2016-ին ամերիկացիները նախընտրեցին «Նորից հզորացնենք Ամերիկան» հասարակ կարգախոսով քաղաքական նեոֆիտին, քան կին թեկնածուին, որը եղել է առաջին լեդի, Նյու Յորքի սենատոր ու պետքարտուղար: Այս մասին գրում է The F

Հնգ
10
Nov

Ֆրանսիայի ԱԳՆ. Փարիզը չի ճանաչում Լեռնային Ղարաբաղի անկախությունը

Ֆրանսիան չի ճանաչում Լեռնային Ղարաբաղի անկախությունը։ Այդ մասին APA–ին հայտնել են Ֆրանսիայի ԱԳՆ–ի մամուլի ծառայությունից։

«Ֆրանսիան չի ճանաչում Լեռնային Ղարաբաղի անկախությունը։ Մենք շարունակում ենք ջանքեր գործադրել հակամարտության քաղաքական կարգավորման ուղղությամբ`ԵԱՀԿ Մինսկի խմբի համանախագահների միջնորդական առաքելության շրջանակներում», –նշել են Ֆրանսիայի ԱԳՆ–ում։

Հնգ
10
Nov

Հայ դիրքապահների ուղղությամբ արձակվել է ավելի քան 570 կրակոց

Նոյեմբերի 9-ի լույս 10-ի գիշերը ղարաբաղա-ադրբեջանական հակամարտ զորքերի շփման գծում հակառակորդի կողմից հրադադարի պահպանման ռեժիմը խախտվել է շուրջ 55 անգամ:

ԼՂՀ ՊՆ-ից հաղորդում են, որ այդ ընթացքում, տարբեր տրամաչափի հրաձգային զինատեսակներից, հայ դիրքապահների ուղղությամբ արձակվել է ավելի քան 570 կրակոց:

ՊԲ առաջապահ զորամասերը տիրապետում են օպերատիվ-մարտավարական իրադրությանը և շարունակում վստահորեն իրականացնել մարտական հերթապահություն:

Հնգ
10
Nov

ԵԱՀԿ-ն դիտարկում կանցկացնի Թալիշի ուղղությամբ

Լեռնային Ղարաբաղի Հանրապետության իշխանությունների հետ ձեռք բերված պայմանավորվածության համաձայն` ԵԱՀԿ առաքելությունն այսօր Լեռնային Ղարաբաղի և Ադրբեջանի զինված ուժերի շփման գծի պլանային դիտարկում է անցկացնելու ԼՂՀ Մարտակերտի շրջանի Թալիշ գյուղի արևելյան ուղղությամբ։

ԼՂՀ պաշտպանության բանակի դիրքերից դիտարկումն իրականացնելու են ԵԱՀԿ գործող նախագահի անձնական ներկայացուցչի դաշտային օգնականներ Խրիստո Խրիստովը /Բուլղարիա/ և Իրժի Աբերլեն /Չեխիա/։