Activities calendar

07 November 2016

Երկ
07
Nov

ՊՆ-ում քննարկել են ԵԱՀԿ հետ համատեղ ծրագրերը

ՀՀ պաշտպանության նախարար Վիգեն Սարգսյանն այսօր ընդունել է ԵԱՀԿ երեւանյան գրասենյակի ղեկավար, դեսպան Արգո Ավակովին:

Հանդիպման ժամանակ քննարկվել են ՀՀ պաշտպանության նախարարության եւ ԵԱՀԿ երեւանյան գրասենյակի համագործակցության օրակարգը եւ համատեղ իրականացվող ծրագրերը: Զրուցակիցները բարձր են գնահատել երկկողմ համագործակցության շրջանակներում փոխգործակցության ոլորտների շարունակական ընդլայնումը եւ մի շարք նախագծերի իրացումը:

Երկ
07
Nov

Թուրքիան ԵՄ–ին մեղադրել է կրկնակի չափորոշիչներ կիրառելու մեջ

Թուրքիայի Եվրամիության նախարար Օմեր Չելիքը հանդիպել է երկրում ԵՄ անդամ երկրների դեսպանների հետ` խոսելու Թուրքիայում վերջին զարգացումների մասին: Այս մասին տեղեկացնում է թուրքական Anadolu գործակալությունը:

Հանդիպումից հետո լրագրողների հետ զրույցում Չելիքը խոսել է Ժողովուրդների դեմոկրատական կուսակցության պատգամավորների ձերբակալման ու կալանավորման մասին` ասելով, թե վերջիններս ահաբեկչական խմբավորման օգտին քարոզչություն են իրականացրել: Նա հայտարարել է, որ իրենք կուսակցությունը փակելու նպատակ չեն հետապնդում:

Երկ
07
Nov

Բաքուն ու Թբիլիսին քննարկում են՝ ինչպե՞ս օգտագործեն Մետաքսի ճանապարհի հնարավորությունները

Վրաստանի վարչապետ Գեորգի Կվիրիկաշվիլին հայտարարել է, որ Ադրբեջանի հետ երկկողմ հարաբերությունները շարունակում են զարգանալ:

Նա նշել է, որ իրենք համագործակցում են անվտանգության և այլ ոլորտներում։ Նոր Մետաքսի ճանապարհի վերականգնումը իրենց համար շատ կարևոր է և ունի մեծ նշանակություն ոչ միայն Ադրբեջանի ու Վրաստանի, այլ նաև տարածաշրջանի համար։ Ըստ նրա, Ադրբեջանը Վրաստանի համար շատ կարևոր ռազմավարական գործընկեր է։

Վարչապետը հավելել է, որ երկրներն արդիականացնում են իրենց ենթակառուցվածքները հնարավորությունների ավելի արդյունավետ օգտագործման համար։

Երկ
07
Nov

Աղքատության մակարդակը Հայաստանում 29.8 տոկոս է կազմում

Հայաստանի Ազգային վիճակագրական ծառայություն-Համաշխարհային բանկ համագործակցությամբ կազմվել է «Հայաստանի սոցիալական պատկերը և աղքատությունը» զեկույցը, համաձայն որի՝ 2015 թվականին Հայաստանում աղքատության մակարդակը կազմել է 29.8 տոկոս: Սա նշանակում է, որ երկրի յուրաքանչյուր 10 բնակչից 3-ը ամսական 41698 դրամ վերին աղքատության շեմից ցածր եկամուտներ է ունեցել:

Երկ
07
Nov

Թեհրանը պատրաստվում է աջակցել Սիրիային՝ մինչև ահաբեկչությունն ամբողջովին ջախջախվի

Председатель парламента Ирана Али Лариджани

Թեհրանը կշարունակի Դամասկոսին ցուցաբերել անհրաժեշտ ռազմական, քաղաքական և տնտեսական օգնություն՝ մինչև ահաբեկչության դեմ լիակատար հաղթանակ տանելը։ Ինչպես հաղորդում է РИА Новости–ն, այս մասին հայտարարել է Իրանի խորհրդարանի նախագահ Ալի Լարիջանին։

Գործակալության տվյալներով՝ Լարիջանին նման հայտարարությամբ հանդես է եկել Թեհրանում Սիրիայի ԱԳ նախարարի առաջին տեղակալի հետ հանդիպմանը։

Երկ
07
Nov

Վրաստանի ՊՆ-ն կվերականգնի պարտադիր զորակոչը

Վրաստանի ՊՆ-ն կվերականգնի պարտադիր զորակոչը բանակ: Այս մասին ասել է պաշտպանության նախարար Լեւան Իզորիան, փոխանցում է «Գրուզիա Օնլայն»-ը:

Նրա խոսքով՝ զորակոչը կվերականգնվի նոր ձեւով:

Երկ
07
Nov

Հայաստան կայցելի Իտալիայի արտաքին գործերի նախարարը

Նոյեմբերի 8-ին ՀՀ ԱԳ նախարար Էդվարդ Նալբանդյանի հրավերով Հայաստան պաշտոնական այց կկատարի Իտալիայի արտաքին գործերի և միջազգային համագործակցության նախարար Պաոլո Ջենտիլոնին:

Երկ
07
Nov

Էրդողանը թող հիշի, որ մեկ մոմն էլ բավական է խավարում լույս տալու համար․ Դեմիրթաշ

Օրեր առաջ Թուրքիայում ձերբակալված «Ժողովուրդների դեմոկրատական» կուսակցության (HDP) համանախագահ Սելահաթին Դեմիրթաշը բանտում փաստաբանների հետ հանդիպման ժամանակ ուղերձ է հղել։

Թուրքական Cumhuriyet-ի փոխանցմամբ՝ բանտում գտնվող Սելահաթին Դեմիրթաշը Էրդողանին հիշեցրել է, թե նույնիսկ մեկ մոմը խավարում լույս է տալիս։ «Ինչ պայմաններում էլ լինենք, մոմի պես վառվելու ենք, որ մեր ժողովուրդը խաղաղության ու ազատության մեջ ապրի։ Թող բոլորը լինեն հանուն ժողովրդավարության պայքարի մեջ»,-ասել է Դեմիրթաշը։

Երկ
07
Nov

Սահակաշվիլին հայտարարել է իր հրաժարականի մասին

Бывший президент Грузии Михаил Саакашвили

Վրաստանի նախկին նախագահ Միխայիլ Սահակաշվիլին, ով վերջին տարիներին զբաղեցնում է Օդեսայի նահանգապետի պաշտոնը, հայտարարել է իր հրաժարականի մասին։ Այդ մասին հայտնում է РБК–ն`հղում անելով «112 Украина»–ին։

Իր երկրում Սահակաշվիլիի նկատմամբ հետախուզում է հայտարարվել մի քանի քրեական գործերի շրջանակներում։ Ուկրաինայում Վրաստանի նախկին նախագահն ու նրա մերձավորները նշանակվել են բարձր պաշտոնների։

Երկ
07
Nov

Քուրդ պատգամավորների հետապնդումները` Էրդողանի սուլթանական նկրտումների դրսևորում

Евгений Сатановский

Թուրքիայում քրդամետ Ժողովուրդների կուսակցության առաջնորդների ձերբակալությունները խիստ բռնապետության հերթական դրսևորումներից են, որոնք հետևողականորեն սերմանում է Ռեջեփ Էրդողանը։

Քրդական բանվորական կուսակցության դեմ բացահայտ պատերազմի հայտարարումից հետո երկրի իշխանությունները սկսել են հետապնդել քրդամետ չափավոր գործիչներին։ Սահմանադրության փոփոխության ու իր լիազորությունների ընդլայնման ճանապարհին Թուրքիայի նախագահը ձերբազատվում է իր ընդդիմախոսներից։

Երկ
07
Nov

Եվրամիությունը Թուրքիային սպառնում է պատժամիջոցներ կիրառել

Լյուքսեմբուրգի ԱԳ նախարար Ժան Ասսելբորնը չի բացառել, որ Եվրամիությունը կարող է տնտեսական պատժամիջոցներ սահմանել Թուրքիայի դեմ՝ երկրի նախագահ Ռեջեփ Թայիփ Էրդողանի վարած քաղաքականության կապակցությամբ, հաղորդում է RIA Novosti-ն։

Նախարարը նշել է, որ Թուրքիայի արտահանման 50 տոկոսը բաժին է ընկնում ԵՄ երկրներին, իսկ երկրում ներդրումների 60 տոկոսը գալիս է ԵՄ-ից։

«Սա ճնշում գործադրելու անսահմանափակ միջոց է և որոշակի պահի մենք կարող ենք օգտվել այդ միջոցից»,-հայտարարել է Ասսելբորնը Deutschlandfunk ռադիոկայանին տված հարցազրույցի ժամանակ։

Երկ
07
Nov

Վարչապետ. ՀՀ-ն ու ԼՂՀ-ն կդիտարկեն էներգետիկ ընդհանուր դաշտ ստեղծելու հնարավորությունները

Հայաստանն ու Լեռնային Ղարաբաղը կդիտարկեն էներգետիկ ընդհանուր դաշտ ստեղծելու հնարավորությունները: Այս մասին Լեռնային Ղարաբաղի Հանրապետություն կատարած աշխատանքային այցի շրջանակում հայտարարել է ՀՀ վարչապետ Կարեն Կարապետյանը՝ կարևորելով էներգետիկայի ոլորտի ինտենսիվ զարգացումն ու Լեռնային Ղարաբաղի ինքնաբավ լինելը:

Նա նշել է, որ ՀՀ կառավարության անդամները որոշակի ոլորտներում կուսումնասիրեն Լեռնային Ղարաբաղում կատարված ծրագրերը, մասնավորապես, գյուղատնտեսության ոլորտում և պատրաստ են քննարկել մի շարք խնդիրներ, մասնավորապես, էներգետիկայի բնագավառում:

Երկ
07
Nov

Նախարար. Ներդրումների տեսանկյունից ՀՀ-ն կդառնա գրավիչ ԵՄ անդամ երկրների համար

Որպեսզի Հայաստանը ավելի գրավիչ դառնա ներդրումների տեսանկյունից օրենսդրությունը դառնալու է առավել պարզ ու մատչելի: Այս մասին Ազգային Ժողովում 2017 թվականի պետական բյուջեի նախագծի քննարկման ժամանակ հայտարարեց ՀՀ տնտեսական զարգացման և ներդրումների նախարար Սուրեն Կարայանը:

Վերջինիս խոսքով՝ այս պահին մշակվում է օժանդակող ֆինանսական և ոչ ֆինանսական գործիքակազմը, որը կխթանի լուրջ արտահանման պոտենցիալ ունեցող ոլորտները և որն էլ առաջիկայում կներկայացվի:

Երկ
07
Nov

Իրաքյան Քրդստանը ՌԴ-ից ռազմական և հումանիտար օգնություն է խնդրել

Фалах Бакир

Իրաքյան Քրդստանի ինքնավար շրջանի կառավարության միջազգային կապերի դեպարտամենտի ղեկավար Ֆալլահ Բաքիրը հայտարարել է, որ ՌԴ ԱԳ փոխնախարար Միխայիլ Բոգդանովի հետ հանդիպմանը խնդրել է ռազմական և հումանիտար օգնություն ցուցաբերել:

Անդրադառնալով այն հարցին, թե արդյոք Բաքիրը ռազմական օգնություն է խնդրել Ռուսաստանից, նա ասել է. «Այո, մենք նման աջակցություն ենք խնդրել, քանի որ այժմ հակազդեցությունն ահաբեկչությանը կրիտիկական կարևորություն է ստացել», հայտնում է ՌԻԱ Նովոստին:

Երկ
07
Nov

Ադրբեջանը մտադիր է գնել պակիստանյան հրթիռներ և իսրայելական ՀՕՊ համակարգեր

Ադրբեջանի պաշտպանության նախարարությունն աշխատում է 200, 300 և 500 կմ հեռահարության օպերատիվ-տակտիկական հրթիռային համալիրներ ձեռք բերելու ուղղությամբ, ինչի կապակցությամբ ինտենսիվ բանակցություններ են տարվում նաև Պակիստանի հետ, գրում է «Նեզավիսմայա գազետա»-ն։

Երկ
07
Nov

«Վրացական երազանքը» հայտնել է խորհրդարանի ղեկավար պաշտոնների թեկնածուների անունները

Վրաստանի խորհրդարանական ընտրություններում հաղթած «Վրացական երազանք» կուսակցությունը հայտնել է ղեկավար պաշտոնների թեկնածուների անունները:

Կուսակցության հայտարարության մեջ ասվում է, որ խորհրդարանի խոսնակի պաշտոնին հավակնում է Իրաքլի Կոբախիձեն, որը կուսակցության գործադիր քարտուղարն է: Փոխխոսնակի պաշտոնում առաջադրվել են Թամարա Չուգոշվիլին, Գեորգիա Վոլսկին, Զվիադ Ձիձիգուրին եւ Աջարիայի թեկնածու Իլյա Նակաշիձեն: Խորհրդարանական մեծամասնության ղեկավար կդառնա Արչիլ Թալաքվաձեն:

Երկ
07
Nov

Ջանջուղազյան. ՀՀ կառավարության պետական պարտք-ՀՆԱ հարաբերակցությունը կգերազանցի 50 տոկոսը

2016 թվականի ՀՀ կառավարության պետական պարտք-ՀՆԱ հարաբերակցությունը կգերազանցի 50 տոկոսը: Այս մասին Ազգային Ժողովում 2017 թվականի պետական բյուջեի նախագծի քննարկման ժամանակ հայտարարեց ՀՀ ֆինանսների նախարարի առաջին տեղակալ Ատոմ Ջանջուղազյանը:

Նշենք, որ օրերս ՀՀ ֆինանսների նախարար Վարդան Արամյանը հայտարարեց, որ 2017 թվականին Հայաստանի արտաքին պարտքը կհասնի 5 մլրդ 217 մլն դոլարի, ինչը կազմում է ակնկալվող ՀՆԱ-ի 45․8 տոկոսը։ Իսկ Հայաստանի պետական պարտքը 2017 թվականի արդյունքներով ակնկալվում է 6 մլրդ 277 մլն չափով:

Երկ
07
Nov

Էրդողան. Թուրքիան արդեն 53 տարի սպասում է Եվրամիության դռան առաջ

Էրդողանը Թուրքիայի համար ոչ մի լավ բան չի արել: Ի՞նչ պետք է սպասի Արեւմուտքից Թուրքիան, եթե արդեն 53 տարի սպասում է ԵՄ դռան առաջ: Այս մասին ասել է Թուրքիայի նախագահ Ռեջեփ Թայիփ էրդողանը՝ ելույթ ունենալով երկրի ԲՈՒՀ-երից մեկում, փոխանցում է Anadolu-ն:

Մենք ինքներս կլուծենք մեր խնդիրները, ասել է նա: «Մեր ջանքերի շնորհիվ եւ այսօրվա ուսանողների՝ մենք կարող ենք անցնել այդ փորձությունների միջով: Դրանում վստա՛հ եղեք»,- ասել է էրդողանը:

Երկ
07
Nov

Հանգստյան օրերին հայ դիրքապահների ուղղությամբ արձակվել է ավելի քան 1200 կրակոց

Հանգստյան օրերին ղարաբաղա-ադրբեջանական հակամարտ զորքերի շփման գծում հակառակորդի կողմից հրադադարի պահպանման ռեժիմը խախտվել է շուրջ 65 անգամ, որի ընթացքում, տարբեր տրամաչափի հրաձգային զինատեսակներից, հայ դիրքապահների ուղղությամբ արձակվել է ավելի քան 1200 կրակոց:

Նոյեմբերի լույս 7-ի գիշերը` ժամը 01:50-ի սահմաններում, շփման գծի հյուսիսարևելյան (Թալիշ) ուղղությամբ ադրբեջանական զինուժը կիրառել է նաև 60 միլիմետրանոց ականանետ (1 արկ):