Activities calendar

04 November 2016

Ուրբ
04
Nov

Նալբանդյան. Ադրբեջանը հրաժարվում է կատարել պայմանավորվածությունները և շարունակում սրել իրավիճակը

Նոյեմբերի 4-ին Բեռլինում արտգործնախարար Էդվարդ Նալբանդյանը Ֆրիդրիխ-Էբերթ հիմնադրամում հանդիպում է ունեցել Գերմանիայի Բունդեսթագի անդամների, առաջատար վերլուծաբանների և քաղաքագետների հետ: Հանդիպմանը ներկա է եղել Բունդեսթագի փոխնախագահ Էդելգարդ Բուլմանը: Այս մասին տեղեկացնում է ԱԳՆ մամուլի ծառայությունը:

Հայաստանի ԱԳՆ ղեկավարը, արժեվորելով Բունդեսթագի կողմից Հայոց ցեղասպանության ճանաչման բանաձևի ընդունումը, բարձր է գնահատել Գերմանիայի օրենսդիր մարմնի սկզբունքային դիրքորոշումը։

Ուրբ
04
Nov

Սթոլթենբերգ․ Մենք սառը պատերազմի վիճակում չենք

ՆԱՏՕ-ի գլխավոր քարտուղար Ենս Սթոլթենբերգը խոստովանել է, որ Եվրոպան հիմա դժվար վիճակում է անվտանգության ոլորտում, բայց հրաժարվել է այս վիճակը բնութագրել որպես սառը պատերազմ։ «Մենք սառը պատերազմի վիճակում չենք։ Մասամբ որովհետեւ մենք չունենք երկու բլոկ, որոնք դիմակայում են իրար․ Վարշավյան պայմանագիրն ու ՆԱՏՕ-ն։ Վարշավյան պայմանագիրն այլեւս գոյություն չունի, չկա նաեւ ԽՍՀՄ-ը։ Սակայն անվտանգության ոլորտում ներկա իրավիճակը ունի մարտահրավերներ, չկա գործընկերություն, որը փորձում էինք հարթել սառը պատերազմից հետո»,- ասել է Սթոլթենբերգը DW–ին տված հարցազրույցում։

Ուրբ
04
Nov

Թուրքիայի իշխանությունները քաղաքացիական պատերազմ են հրահրում

Տասնյակ քրդամետ պատգամավորների կալանավորումը Թուրքիայում իրավական հիմքեր չունի ու բացառապես քաղաքական բնույթ ունի։ Այս մասին հայտնել է Ժողովուրդների ժողովրդավարության կուսակցության մամուլի քարտուղար Այխան Բիլգլենը, փոխանցում է Reuters–ը։

Ուրբ
04
Nov

Մամուլի տեսություն. Կարեն Կարապետյանն առաջին անգամ աշխատանքային այցով կմեկնի Արցախ

VERELQ-ը ներկայացնում է հայաստանյան մամուլի այսօրվա ամենաուշագրավ հրապարակումները:

Ուրբ
04
Nov

Հիլարի Քլինթոնին մեղադրել են պետական դավաճանության մեջ

ԱՄՆ Կոնգրեսի ներկայացուցիչների պալատի ազգային անվտանգության հարցերով կոմիտեի նախագահ Մայքլ Մաքքոլը հայտարարել է, որ Հիլարի Քլինթոնի էլեկտրոնային փոստը պաշտպանված չի եղել տեղեկատվության հափշտակումից, այդ պատճառով նրա գործողությունները հավասարազոր են պետական դավաճանությանը։

Նա նշել է, որ Քլինթոնը, լինելով Պետդեպարտամենտի ղեկավար, ծառայողական նամակագրությունն իրականացրել է անձնական էլեկտրոնային փոստից, ինչի պատճառով մի շարք գաղտնի տվյալներ հասանելի են դարձել այլ երկրներին։

Ուրբ
04
Nov

ՀԾԿՀ սկսել է էլեկտրաէներգիայի սակագների վերանայման գործընթաց

ՀՀ հանրային ծառայությունները կարգավորող հանձնաժողովը իր նախաձեռնությամբ սկսում է էլեկտրաէներգետիկական համակարգի ընկերությունների կողմից էլեկտրական էներգիայի արտադրության և ծառայությունների մատուցման, ինչպես նաև վերջնական սպառողներին վաճառվող էլեկտրաէներգիայի սակագների վերանայման գործընթաց:

Ուրբ
04
Nov

Թուրքիայում 11 քրդամետ պատգամավոր է ձերբակալվել

Թուրքիայի ամբողջ տարածքում ձերբակալում են Ժողովուրդների դեմոկրատական կուսակցությունից քրդամետ ընդդիմադիր պատգամավորներին: ՏԱՍՍ-ի փոխանցմամբ՝ այս մասին ասված է երկրի ՆԳՆ-ի տարածած հայտարարությունում:

«Դատախազության հրահանգի համաձայն՝ ոստիկանությունը ձերբակալություններ է կատարում Դիարբեքիր, Վան, Շըրնաք, Հաքյարի և Բինգյոլ նահանգներում»,- ասված է հաղորդագրությունում:

Արդեն 11 պատգամավոր է ձերբակալվել, այդ թվում՝ կուսակցության համանախագահներ Ֆիգեն Յուքսեքդաղն ու Սելահեդդին Դեմիրթաշը:

Ուրբ
04
Nov

Աբաշիձե. Վրաստանի և Ռուսաստանի դիվանագիտական հարաբերությունների վերականգնման հարցը չի քննարկվում

Ռուսաստանի հետ դիվանագիտական հարաբերությունների վերականգնման հարցը չի քննարկվում, բայց եթե Աբխազիայի եւ Հարավային Օսիայի հետ կապված հարցերում զգալի որակյալ տեղաշարժ արձանագրվի, ինչ-որ փուլում այդ հարցը կարող է բարձրացվել:

Գրուզիա Օնլայնի փոխանցմամբ՝ Ռուսաստանի հետ կապերի հարցով Վրաստանի վարչապետի հատուկ ներկայացուցիչ Զուրաբ Աբաշիձեն այսպես է մեկնաբանել ՌԴ Ագ փոխնախարար Գրիգորի Կարասինի հարցազրույցը, որում նա խոսել է ռուս-վրացական դիվանագիտական հարաբերությունների մասին:

Ուրբ
04
Nov

Շարմազանով. Չկա առանձին Ղարաբաղի հարց, կա ընդհանուր հայկական հարց

Օրերս աշխատանքային այցով Արցախում էր ՀՀ Ազգային Ժողովի փոխնախագահ Էդուարդ Շարմազանովը: Վերադառնալուց հետո նա հայտարարեց պատգամավորների կողմից ստեղծվելիք ֆոնդի մասին, որի նվիրատվությունները կուղղվեն Թալիշ գյուղի վերաբնակեցման ծրագրին: VERELQ-ը զրուցեց ԱԺ փոխնախագահի հետ արդեն իսկ մեկնարկած գործընթացի, ինչպես նաև ղարաբաղյան հակամարտության կարգավորման գործընթացում առկա զագրացումների շուրջ:

Ուրբ
04
Nov

Ադրբեջանն առաջնագծում իրականացնում է տանկային զորավարժություններ

Ադրբեջանն առաջնագծում իրականացնում է տանկային զորավարժություններ։ Այդ մասին փոխանցում է այդ երկրի ՊՆ–ի մամուլի ծառայությունը։

Զորավարժությունների հիմնական նպատակն է տանկերի և այլ զրահատեխնիկայի մարտունակության բարձրացումը, տանկերի անձնակազմի մարտունակության բարձրացումը և այլն։

Ցերեկային և գիշերային ժամերին անցկացվող պարապմունքներն առավելագույն կերպով մոտեցված են մարտական իրավիճակին։

Ուրբ
04
Nov

ԱՄՆ ընտրությունների արդյունքները ազդեցություն կունենան ՀՀ նկատմամբ Վաշինգտոնի քաղաքականության վրա

Միացյալ Նահանգների քաղաքական վերլուծաբանների կարծիքով նոյեմբերի 8-ին կայանալիք ԱՄՆ-ի նախագահի ընտրությունների արդյունքները որոշակի ազդեցություն կունենան Հայաստանի և Հարավային Կովկասի նկատմամբ Վաշինգտոնի քաղաքականության վրա: «Ամերիկայի ձայնը» հաղորդում է, որ նախկին դեսպան, Ատլանտյան Խորհրդի վերլուծաբան Ջոն Հերբսթի խոսքով, Հիլարի Քլինթոնը նախագահ դառնալու դեպքում կարող է նոր շունչ հաղորդել Հայաստանի հետ հարաբերություններին.

Ուրբ
04
Nov

Freedom House-ը մտահոգված է Ադրբեջանում փաստաբանների նկատմամբ ճնշումներով

Freedom House միջազգային իրավապաշտպան կազմակերպությունը մտահոգություն է հայտնել Ադրբեջանում փաստաբանների նկատմամբ ճնշումների վերջին դեպքերի առնչությամբ:

Contact.az-ը գրում է, որ Freedom House-ի միջազգային ծրագրերի հարցերով փոխնախագահ Ռոբերտ Գերմանն ասել է, թե իշխանությունները պետք է դադարեցնեն փաստաբանների նկատմամբ խիստ ճնշումները՝ նրանց մասնագիտական գործունեության հետ կապված.

Ուրբ
04
Nov

Շոյգուն կոչ է արել ՀԱՊԿ դաշնակիցներին մասնակցել Սիրիայի մարդասիրական գործողություններին

Ռուսաստանը հրավիրել է ՀԱՊԿ-ի իր դաշնակիցներին, ինչպես նաև այլ պետություններին մասնակցել Սիրիայի մարդասիրական գործողություններին, նախօրեին հայտարարել է ՌԴ պաշտպանության նախարար Սերգեյ Շոյգուն ՌԴ-ի և Բելառուսի պաշտպանության նախարարությունների համատեղ կոլեգիայի նիստում։ Այս մասին հայտնում է Rusarminfo-ն։

«Ռուսաստանի ռազմատիեզերական ուժերի և Սիրիայի կառավարական զորքերի համատեղ գործողությունների արդյունքում ահաբեկիչներից ազատագրվել է ավելի քան 12 հազար կմ քառակուսի տարածք։ Գրեթե 900 բնակավայրի բնակիչներ միացել են խաղաղ գործընթացին։

Ուրբ
04
Nov

ՌԴ ԱԳՆ. Վրաստանը պատրաստ չէ վերականգնել հարաբերությունները Ռուսաստանի հետ

Замглавы МИД РФ Григорий Карасин

Վրաստանը նախկինի պես պատրաստ չէ վերականգնել հարաբերությունները Ռուսաստանի հետ, «ՌԻԱ Նովոստի»-ին ասել է ՌԴ փոխարտգործնախարար Գրիգորի Կարասինը:

Անդրադառնալով Մոսկվայի եւ Թբիլիսիի միջեւ հարաբերությունների ներկայիս մակարդակի մասին՝ նա նշել է, որ միանշանակ գնահատական տալ հնարավոր չէ: «Մի կողմից վերջին 4 տարում հաջողվել է բավականին առողջացնել երկկողմ հարաբերությունները, հանել դրանք փակուղուց, որում դրանք հայտնվել էին նախկին նախագահ Միխայիլ Սահակաշվիլիի ռեժիմի մեղքով:

Ուրբ
04
Nov

ԱԳՆ. Ղարաբաղյան հիմնախնդրի խաղաղ կարգավորումն այլընտրանք չունի

Հայաստանի արտգործնախարար Էդվարդ Նալբանդյանը նախօրեին հանդիպել է Գերմանիայի արտաքին գործերի նախարար Ֆրանկ-Վալտեր Շտայնմայերին: Հանդիպմանը քննարկվել է իրավիճակը Մերձավոր Արևելքում, մասնավորապես՝ Սիրիայում, մտքեր են փոխանակվել փախստականների հոսքի և նրանց ինտեգրման հետ կապված հարցերի շուրջ: Նաև Հայաստան-Եվրոպական միություն համագործակցությանն առնչվող հարցեր։

Ուրբ
04
Nov

Սիրիական ճգնաժամը չի կարգավորվի առանց Իրանի և Ռուսաստանի հետ երկխոսության․ Սարկոզի

Экс-президент Франции Николя Саркози

Անհնար է հասնել սիրիական հակամարտության կարգավորմանն առանց Ռուսաստանի և Իրանի ։ Նման կարծիք է հայտնել Ֆրանսիայի նախկին նախագահ Նիկոլա Սարկոզին, հաղորդում է BFM TV-ն։

«Նրանք, ովքեր ցանկանում են Մերձավոր Արևելքում հասնել հակամարտության կարգավորման՝ առանց գործընթացին ներգրավելու Իրանին և Ռուսաստանին, ուղակի ոչինչ չեն հասկանում միջազգային քաղաքականությունից»,-ասել է քաղաքական գործիչը և հավելել, որ Ֆրանսիան պետք է սիրիական հակամարտության կարգավորման թեմայով երկխոսություն սկսի Թեհրանի, Մոսկվայի և Սաուդյան Արաբիայի հետ։

Ուրբ
04
Nov

Թուրքիան Սիրիայի հետ սահմանին բետոնե պատի կառուցումը կավարտի 2017-ի ամռանը

Թուրքիան Սիրիայի հետ սահմանին բետոնե պատի կառուցումը կավարտի 2017-ի առաջին կիսամյակում, հայտնում է ՌԻԱ Նովոստին Թուրքիայի ՊՆ ղեկավար Ֆիքրի Իշիկի վրա հղումով:

Ըստ Իշիկի, արդեն ավարտվել է պատի 270 կմ կառուցումը և սկսվել է մնացած 520կմ-ից 200կմ կառուցումը: «Սահմանի 85 կմ գետերով է անցնում (Տիգրիս և Եփրատ), որտեղ այլ միջոցներ կկիրառվեն»,-ասել է թուրք նախարարը:

Ավելի վաղ հայտարարվել էր 239 կմ երկարությամբ մոդուլային պատի կառուցման ավարտի մասին: Ձեռնարկվել են նաև այլ միջոցներ` դիտակետեր են տեղադրվել, լրացուցիչ անձնակազմ, արագ արձագանքման ուժեր են տեղակայվել:

Ուրբ
04
Nov

ԱՄՆ-ը քննադատում ՌԴ-ին ԼՂ հակարամտության հարցում, սակայն չի առաջարկում այլընտրանք

ԱՄՆ-ն ու Ռուսաստանը ներկայում ունեն շատ բարդ հարաբերություններ: Մենք տարակարծություներ ունենք բազմաթիվ հարցերում, մեզ համար անընդունելի է Ռուսաստանի կողմից Ուկրաինայի ինքնիշխանության ոտնահարումը: Մենք համաձայն չենք Սիրիայում Ռուսաստանի ռազմական միջամտությանը և կարծում ենք, որ այն յուղ է լցնում Սիրիայի քաղաքացիական պատերազմի կրակի վրա: Այս մասին «Ազատությանը» տված հարցազրույցում հայտարարել է Հայաստան ժամանած ԱՄՆ պաշտպանության նախարարի փոխտեղակալ Մայքլ Քարփինթերը:

Ուրբ
04
Nov

ԼՂՀ ՊՆ. Հայ դիրքապահների ուղղությամբ արձակվել է շուրջ 530 կրակոց

Նոյեմբերի 3-ի լույս 4-ի գիշերը ղարաբաղա-ադրբեջանական հակամարտ զորքերի շփման գծում հակառակորդի կողմից հրադադարի պահպանման ռեժիմը խախտվել է ավելի քան 41 անգամ, որի ընթացքում, տարբեր տրամաչափի հրաձգային զինատեսակներից, հայ դիրքապահների ուղղությամբ արձակվել է շուրջ 530 կրակոց:

ԼՂՀ ՊՆ-ից տեղեկացնում են, որ շփման գծի արևելյան և հյուսիսային ուղղություններում ադրբեջանական զինուժը կիրառել է ԴՇԿ տիպի խոշոր տրամաչափի գնդացիր (16 կրակոց):