Activities calendar

14 September 2016

Չոր
14
Sep

Տնտեսության զարգացումը չունի այլ բանաձև, քան ստվերի դեմ պայքարը. Կարեն Կարապետյան

Պատրաստ եմ լինել պարզ, բաց և անկեղծ հասարակության հետ. տնտեսության զարգացումը չունի այլ բանաձև, քան ստվերի դեմ պայքարելու ճանապարհը: Այս մասին ԱԺ-Կառավարություն հարց ու պատասխանի ժամանակ այսօր հայտարարեց ՀՀ նորանշանակ վարչապետ Կարեն Կարապետյանը:

«Մենք դա փորձելու ենք անել: Կհաջողվի, թե՞ ոչ՝ վճռական ենք տրամադրված, որովհետև տնտեսության զարգացման ուրիշ ձև գոյություն չունի»,- շեշտեց նա:

Չոր
14
Sep

Վարչապետ. Հայաստանի տնտեսությունը չափազանց ծանր վիճակում է

Հայաստանի տնտեսությունը չափազանց ծանր վիճակում է: Այս մասին Ազգային Ժողովում հայտարարեց ՀՀ նորանշանակ վարչապետ Կարեն Կարապետյանը:

Չոր
14
Sep

Իրանը կարող է վարձակալել տարածաշրջանային գազատարները`գազը ԵՄ երկրներ արտահանելու համար

Իրանական Mehr լրատվական գործակալության փոխանցմամբ՝ Իրանը կարող է վարձակալել տարածաշրջանային գազատարները և փոխարենը չկառուցել նոր երթուղիներ՝ գազը ԵՄ երկրներ արտահանելու համար:

Այդ մասին հայտարարել է Իրանական ազգային գազային ընկերության ղեկավար Ալիռեզա Քամելին: Նրա խոսքով՝ ԵՄ իրանական գազ հասցնելու հնարավոր ուղիներից մեկը Իրանում գազի հեղուկացման գործարանների կառուցումն է:

Չոր
14
Sep

Իրանի նախկին դեսպան. Կրեմլը կարող է «կանաչ լույս» տալ Թեհրանին՝ ղարաբաղյան հարցում միջնորդական առաքելության համար

Հաշվի առնելով ԱՄՆ-ի ո ՌԴ-ի սառը հարաբերություններն ու սերտ համագործակցությունն Իրանի ու ՌԴ-ի միջև՝ Կրեմլը կարող է «կանաչ լույս» տալ Թեհրանին ղարաբաղյան հարցում միջնորդական առաքելություն ստանձնելու համար: Այս մասին հայտարարել է Ադրբեջանում Իրանի նախկին դեսպան Աֆշար Սուլեյմանին:

Չոր
14
Sep

Դավթյան. Հայաստանում անպատժելի մարդիկ չկան

Հայաստանում անպատժելի մարդիկ չկան, նման որակմանը արժանի մարդկանց ես չեմ ճանաչում: Այս մասին Ազգային Ժողովում լրագրողների հետ ճեպազրույցում ասաց ՀՀ գլխավոր դատախազի թեկնածու Արթուր Դավթյանը՝ պատասխանելով հարցին, թե կարող է վստահեցնել, որ իր նշանակվելուց հետո Հայաստանում անպատժելի մարդիկ այլևս կդատապարտվեն օրենքի ողջ խստությամբ.

«Նման մարդիկ չկան և չեն լինի. դուք կտեսնեք»,- հավաստիացրեց թեկնածուն:

Նրա խոսքով՝ իր համար գործելու է խաղի մեկ կանոն՝ Հայաստանի Հանրապետության օրենսդրությունը:

Չոր
14
Sep

Զոհրաբյան. Կոռուպցիան կարծես անորսալի Ջո լինի՝ բոլորը տեսնում եմ, բռնել ոչ ոք չի կարողանում

Ոչ մի գլխավոր դատախազ չի կարող փոխել այն խայտառակ իրավիճակը, որը գոյություն ունի Հայաստանի դատա-իրավական համակարգում: Դատախազի ոչ մի թեկնածու չի կարող գալ այստեղ ու ասել, որ վերացնելու է այդ համակարգում տիրող բարդակը, կոռուպցիան և չի ասի, որ մարդիկ վախենում են դիմել դատարան ամենակենցաղային խնդիրներով: Այս մասին Ազգային Ժողովում հայտարարեց «Բարգավաճ Հայաստան» խմբակցության ղեկավար Նաիրա Զոհրաբյանը՝ ՀՀ գլխավոր դատախազի թեկնածու Արթուր Դավթյանի մասնակցությամբ քննարկման ժամանակ:

Չոր
14
Sep

ՀՀ վարչապետը հեռախոսազրույց է ունեցել Դմիտրի Մեդվեդևի հետ

ՀՀ վարչապետ Կարեն Կարապետյանն այսօր հեռախոսազրույց է ունեցել ՌԴ կառավարության ղեկավար Դմիտրի Մեդվեդևի հետ: Վարչապետը շնորհավորել և բարեմաղթանքներ է հղել Ռուսաստանի իր գործընկերոջը ծննդյան օրվա առթիվ:

Չոր
14
Sep

Վատիկան. ՀՀ-ն և Ադրբեջանը պետք է լուծեն ղարաբաղյան խնդիրը խաղաղ ճանապարհով

Վատիկանը կարծում է, որ Հայաստանն ու Ադրբեջանը պետք է լուծեն ղարաբաղյան խնդիրը խաղաղ, բանակցային ճանապարհով: Այդ մասին հայտարարել է Ադրբեջանում Կաթոլիկ եկեղեցու ներկայացուցիչ Վլադիմիր Ֆեկետեն:

Նա նշել է, որ ղարաբաղյան հակամարտության լուծումը Կաթոլիկ եկեղեցու գործը չէ, այն պետք է լուծեն քաղաքական գործիչները: Ըստ նրա, Հռոմի պապ Ֆրանցիսկոսը կողմ է աշխարհում բոլոր հակամարտությունների խաղաղ լուծմանը, փոխանցում է haqqin.az-ը:

Չոր
14
Sep

Յոհաննես Հան. ԵՄ-ն չպետք է Թուրքիայի հետ հարաբերություններն ընկալի՝ Էրդողանի գործողությունները գնահատելով

Եվրամիությունը չպետք է Թուրքիայի հետ հարաբերություններն ընկալի՝ գնահատելով բացառապես երկրի նախագահ Էրդողանի գործողությունները: Ըստ ՌԻԱ Նովոստիի՝ այս մասին հայտարարել է ընդլայնման և հարևանության քաղաքականության հարցերով եվրահանձնակատար Յոհաննես Հանը:

«Մենք պետք է ընդլայնենք մեր տեսլականը: Հարկավոր է այդ երկրին նայել ամբողջությամբ, այլ ոչ թե կենտրոնանալ նախագահի ուղղությամբ»,- Ստրասբուրգում Եվրախորհրդարանի լիագումար նիստում ԵՄ-Թուրքիա հարաբերություններին վերաբերող քննարկումների ժամանակ ունեցած ելույթում նշել է նա:

Չոր
14
Sep

ԵՄ-ն ողջունում է իշխանությունների և ընդդիմության համաձայնությունը Ընտրական օրենսգրքի շուրջ

«4+4+4» ձևաչափով աշխատանքային խումբը՝ ԱԺ ՀՀԿ, ԲՀԿ, ՀԱԿ, ՕԵԿ և ՀՅԴ խմբակցությունների ներկայացուցիչները նախօրեին ստորագրել են հայտարարություն, որը քաղաքական ուժերի ներկայացուցիչները որակել են պատմական իրադարձություն: Ըստ նրանց՝ այն կարող է շրջադարձային լինել և բարձրացնել ընտրական գործընթացների նկատմամբ հանրության վստահությունը:

Ի թիվս այլ դրույթների, ուժերը համաձայնության են եկել ընտրություններից հետո ստորագրված ընտրական ցուցակները հրապարակելու, ինչպես նաև բոլոր ընտրատեղամասերում տեսախցիկներ տեղադրելու և ընտրական ողջ գործընթացը տեսանկարահանելու վերաբերյալ:

Չոր
14
Sep

Բրիտանացի խորհրդատուները ՊՆ-ում քննարկել են օրենսդրական բարեփոխումները

ՀՀ պաշտպանական ոլորտի օրենսդրության բարեփոխումների վերաբերյալ փորձագիտական օժանդակություն ցուցաբերելու նպատակով Հայաստան է այցելել Մեծ Բրիտանիայի իրավական ոլորտի խորհրդատվական խումբը:

ՀՀ ՊՆ մամուլի ծառայությունից տեղեկացնում են, որ հանդիպման ընթացքում Հայաստանի պաշտպանական գերատեսչության ներկայացուցիչների հետ քննարկվել են ՀՀ պաշտպանության ռազմավարական վերանայման արդյունքները, սահմանադրական փոփոխությունների իրագործման շրջանակներում պաշտպանական ոլորտը կանոնակարգող օրենսդրական բարեփոխումներն ու Մեծ Բրիտանիայի փորձին վերաբերող մի շարք այլ հարցեր:

Չոր
14
Sep

Քաղաքագետ. Սիրիայի հակամարտությունը՝ տարածաշրջանային ու գլոբալ հակասությունների էպիկենտրոն

Սիրիան տանջվում է շատ բաներից ու ես կարծում եմ, Մոսկվայի ու Վաշինգտոնի հարաբերություններն այստեղ առաջնային դեր ունեն: Նրանք չունեն հնարավորություններ լուծել տարածաշրջանային խնդիրները, ինչպես սառը պատերազմի ժամանակ: Այդ մասին հայտարարել է ֆրանսիացի քաղաքագետ Պիեր Գրոսսեն:

Չոր
14
Sep

Հայ դիրքապահների ուղղությամբ արձակվել է ավելի քան 450 կրակոց

Սեպտեմբերի 13-ի լույս 14-ի գիշերը ղարաբաղա-ադրբեջանական հակամարտ զորքերի շփման գծում հակառակորդի կողմից հրադադարի պահպանման ռեժիմը խախտվել է շուրջ 40 անգամ:

ԼՂՀ ՊՆ-ից տեղեկացնում են, որ այդ ընթացքում, տարբեր տրամաչափի հրաձգային զինատեսակներից, հայ դիրքապահների ուղղությամբ արձակվել է ավելի քան 450 կրակոց:

ՊԲ առաջապահ զորամասերը պահպանել են հրադադարի ռեժիմը և շարունակել վստահորեն իրականացնել իրենց առջև դրված մարտական խնդիրը: