Activities calendar

13 September 2016

Երք
13
Sep

Երևանում ՀԱՊԿ գագաթնաժողովին կքննարկվի մինչև 2025 թվականը հավաքական անվտանգության ռազմավարությունը

ՀԱՊԿ գագաթնաժողովին, որը հոկտեմբերի 14-ին տեղի կունենա Երևանում, կքննարկվի մինչև 2025 թվականը հավաքական անվտանգության ռազմավարությունը: Այս մասին այսօր Բելառուսի նախագահ Ալեքսանդր Լուկաշենկոյի հետ հանդիպումից հետո լրագրողներին հայտնել է ՀԱՊԿ գլխավոր քարտուղար Նիկոլայ Բորդյուժան, փոխանցում է «ԲԵԼՏԱ»-ն:

«Ես նախագահին ներկայացրեցի մեր կատարած աշխատանքը հավաքական անվտանգության ռազմավարության մշակումն ավարտելու ուղղությամբ: Մենք փաստաթուղթը գործնականում համաձայնեցրել ենք եւ նախագահներին կներկայացնենք հոկտեմբերի 14-ին Երեւանում»,- ասել է Նիկոլայ Բորդյուժան:

Երք
13
Sep

ՀՔԾ-ն ևս մեկ անձի մեղադրանք առաջադրեց Սարի թաղի դեպքերի վերաբերյալ քրեական գործով

2016թ. հուլիսի 29-ի լույս 30-ի գիշերը Երևան քաղաքի Սարի թաղում տեղի ունեցած դեպքերի վերաբերյալ քրեական գործի նախաքննության ընթացքում ձեռք բերված փաստական տվյալների հիման վրա մեղադրանք է առաջադրվել ևս մեկ անձի: Այս մասին տեղեկացնում է ՀՀ հատուկ քննչական ծառայությունը:

Երք
13
Sep

ՊՆ խոսնակը՝ Սեյրան Օհանյանի ՀԱՊԿ գլխավոր քարտուղար նշանակվելու մասին

Հովիկ Աբրահամյանի հրաարականից հետո, նոր ձևավորվելիք կառավարությանն ընդառաջ կանխատեսումների պակաս, թե նախարարներից ով հրաժեշտ կտա իր պաշտոնին, իսկ ով կպահպանի այն չի զգացվում: Դրանց թվում քննարկվում էր նաև Պաշտպանության նախարար Սեյրան Օհանյանի՝ պաշտոնին հրաժեշտ տալու հավանականությունը, սակայն մինչ այն պահը, երբ ռուսական լրատվամիջոցը գրեց, որ Օհանյանը ՀԱՊԿ գլխավոր քարտուղարի հավանական թեկնածուն է:

Երք
13
Sep

Աժդար Կուրտով.Կարեն Կարապետյանը պետք է ներդրումներ բերի Հայաստան

Կարեն Կարապետյանը պետք է ներդրումներ բերի Հայաստան և սկսի լուծել բնակչության զբաղվածության հետ կապված խնդիրները: Այս մասին «Экономика сегодня»-ին հայտնել է Ազգային ռազմավարության խնդիրները հանդեսի գլխավոր խմբագիր Աժդար Կուրտովը՝ անդրադառնալով ՀՀ-ում նոր վարչապետի նշանակմանը:

Երք
13
Sep

Բաղդասարյանը համաձայն չէ Ուորլիքի հետ. «Հայկական կողմն ունի լուծման իր առաջարկները»

ԵԱՀԿ Մինսկի խմբի յուրաքանչյուր համանախագահ հայտնում է իր կարծիքը, ներկայացնում ղարաբաղյան հակամարտության կարգավորման իրենց տարբերակը: Սակայն հայկական կողմը ունի իր կարծիքը և հայտնել է այն: Այս մասին Ազգային ժողովում լրագրողների հետ ճեպազրույցում հայտարարեց ՀՀԿ խմբակցության ղեկավար Վահրամ Բաղդասարյանը՝ անդրադառնալով Մինսկի խմբի ամերիկացի համանախագահ Ջեյմս Ուորլիքի այն հայտարարությանը, թե գոյություն ունի կարգավորման մի տարբերակ՝ տարածքների մի մասի վերադարձ Լեռնային Ղարաբաղի կարգավիճակի դիմաց:

Երք
13
Sep

Փամուք. Թուրքիան դեպի տեռորի ռեժիմ է շարժվում

Թուրքիան դեպի տեռորի ռեժիմ է շարժվում: Այս մասին հայտարարել է նոբելյան մրցանակակիր, թուրք գրող Օրհան Փամուքը՝ խստորեն դատապարտելով հայտնի գրող եւ լրագրող Ահմեդ Ալթանի եւ նրա եղբոր՝ ակադեմիկոս Մեհմեդ Ալթանի ձերբակալությունը:

«Թուրքիայում ակտիվորեն ճաղերից այն կողմ ենք նետում մարդկանց, ովքեր համարձակվում են դույզն-ինչ քննադատել իշխանություններին: Մտքի ազատություն այլեւս գոյություն չունի: Մենք ինքներս մեզ հեռացրել ենք իրավական պետությունից եւ արագորեն դեպի տեռորի ռեժիմ ենք շարժվում»,- ասել է Փամուքը:

Երք
13
Sep

Փորձագետ. Նավթ ու զենք՝ Նեթանյահուի Բաքու կատարելիք այցի օրակարգը

Իսրայելի վարչապետ Բենյամին Նեթանյահուի հոկտեմբերյան այցը Ադրբեջան առաջին հերթին քաղաքական իրադարձություն է: Աշխարհաքաղաքական առումով Երուսաղեմից մինչև Բաքու ընկած տարածությունը հրդեհի մեջ է և չի կարելի ասել, որ մոտակա ժամանակներս այդ հակամարտությունները կդադարեն: Այդ մասին հայտարարել է փորձագետ Զեև Ֆրայմանը:

Երք
13
Sep

ԵԱՀԿ-ն դիտարկում կանցկացնի Ֆիզուլիի Կարախանբեյլի բնակավայրի ուղղությամբ

Սեպտեմբերի 14-ին Լեռնային Ղարաբաղի Հանրապետության իշխանությունների հետ ձեռք բերված պայմանավորվածության համաձայն` ԵԱՀԿ առաքելությունը Լեռնային Ղարաբաղի և Ադրբեջանի զինված ուժերի շփման գծի պլանային դիտարկում է անցկացնելու Ֆիզուլիի շրջանի Կարախանբեյլի բնակավայրի արեւելյան ուղղությամբ:

Երք
13
Sep

EurasiaNet. Ադրբեջանական տնտեսությունը կազմաքանդվում է

«Ընդամենը մի քանի ամիս առաջ Ադրբեջանի իշխանությունները տասնյակ միլիոնավոր դոլարներ ծախսեցին Եվրոպայի Գրան պրին Բաքվում կազմակերպելու համար, որը, քննադատների կարծիքով, ժողովրդին ոչ մի բան չտվեց, բացի ադրբեջանական ղեկավարության փառասիրական ձգտումներին բավարարում տալուց, ովքեր արժանացան միջազգային ուշադրության»,- այսպիսի կարծիք է հայտնում ամերիկյան հեղինակավոր EurasiaNet-ը՝ անդրադառնալով ադրբեջանական տնտեսության ներկա վիճակին:

Երք
13
Sep

«Tempi». Հայկական կողմի համար Ղարաբաղի ինքնորոշման հարցը փակված է

Հայկական կողմը պատրաստ է քննարկել փախստականների եւ հողերի հարցը, բայց ինքնորոշման հարցը նրա համար քննարկման առարկա չէ: Այդ մասին գրում է լրագրող Ռոդոլֆո Կազադեին իտալական «Tempi» թերթում հրապարակված հոդվածում:

Հոդվածում, մասնավորապես, նշված է. «Ավերածությունների հիմնական վայրերը վերականգնված են, բայց նրանք, որոնք առաջնագծին մոտ են, մնացել են որպես ավերակների եւ չմշակված դաշտերի հերթագայություն:

Երք
13
Sep

Թուրքիան մտադիր է ծանր հարվածային անօդաչուներ արտադրել

Թուրքիան մտադիր է ծանր հարվածային անօդաչուներ արտադրել: Այդ մասին հայտարարել է Թուրքիայի գիտության, արդյունաբերության ու տեխնոլոգիաների նախարար Ֆարուկ Օզլյուն, փոխանցում է Anadolu-ն:

Նրա խոսքով, նախատեսվում է արտադրել 3,5-4 տոննայանոց հարվածային անօդաչուներ, որոնք զինված կլինեն բարձրորակ զենքերով ու դիտարկման միջոցներով: Ըստ նրա, թուրքական Аnka անօդաչուները շուտով կսկսվեն կառավարվել TURKSAT արբանյակի միջոցով:

Նա հավելել է, որ այդ 560-600 կգ-ոց անօդաչուները կօգնեն ընդդիմադիր Սիրիայի ազատ բանակին:

Երք
13
Sep

CRRC. ՀՀ բնակիչների վստահությունը նախագահի հանդեպ նվազում է

Հայաստանի ժողովրդի վստահության վարկանիշը ՀՀ նախագահի հանդեպ կտրուկ նվազել է` 2011-ին 36%-ից մինչև 2015-ին 16 %: Նման տվյալներ է հրապարակել Հետազոտական ռեսուրսների կովկասյան կենտրոնը (CRRC):

Բացի այդ, CRRC-ը կազմել է նաև ՀՀ բնակիչների վստահության վարկանիշը իշխանության այլ մարմինների, ինչպես նաև բանակի, առողջապահության ոլորտի և կրթության հանդեպ:
Այսպիսով` ամենալավ ցուցանիշն ունի բանակը, որի հանդեպ քաղաքացիների վստահությունը միայն աճել է: Եթե 2011-ին այդ ցուցանիշը 66% էր, ապա 2015-ին` այն արդեն 78% էր:

Երք
13
Sep

Կարեն Կարապետյանը նշանակվեց ՀՀ վարչապետ

ՀՀ նախագահ Սերժ Սարգսյանը հրամանագիր է ստորագրել` Կարեն Կարապետյանին ՀՀ վարչապետ նշանակելու մասին։

Այս մասին տեղեկանում ենք երկրի ղեկավարի պաշտոնական կայքից։

Հիշեցնենք, ՀՀ նախկին վարչապետ Հովիկ Աբրահամյանը իր հրաժարականի մասին հայտարարեց անցած հինգշաբթի` կառավարության հերթական նիստի ավարտին։

Երք
13
Sep

Դմիտրի Մեդվեդևը նամակ է հղել Հովիկ Աբրահամյանին

Ռուսաստանի Դաշնության վարչապետ Դմիտրի Մեդվ։եդևը նամակ է հղել Հովիկ Աբահամյանին, որում մասնավորապես ասված է.

Հարգելի պարոն Աբրահամյան
ՀՀ վարչապետի պաշտոնում աշխատանքային գործունեության ավարտի կապակցությամբ ցանկանում եմ երաշտագիտությունս հայտնել Ձեզ արդյունավետ համագործակցության համար:

Որպես կառավարության ղեկավար, Դուք շատ մեծ ներդրում եք ունեցել Հայաստան-Ռուսաստան դաշնակցային հարաբերությունների հետագա ամրապնդման համար:

Երք
13
Sep

Օջալանը խոստացել է դադարեցնել հակամարտությունը Թուրքիայում

Թուրքիայում արգելված Քրդստանի աշխատավորական կուսակցության (ՔԱԿ) առաջնորդ Աբդուլլահ Օջալանը, որը ցմահ պատիժ է կրում, խոստացել է 6 ամսում դադարեցնել իր կուսակցության զինված հակամարտությունը Թուրքիայի իշխանությունների հետ: Այդ մասին հայտարարել է նրա եղբայր Մեհմեդը, որին թույլ էին տվել այցելել Օջալանին, հայտնում է ՌԻԱ Նովոստին:

Թուրքիայի իշխանությունները վերջին 1,5 տարում առաջին անգամ թույլատրել էին Աբդուլլահ Օջալանին հանդիպել եղբոր հետ մահմեդական Ղուրբան բայրամ տոնի կապակցությամբ:

Երք
13
Sep

Ադրբեջանական զինուժը շարունակել է խախտել հրադադարի պահպանման ռեժիմը

Սեպտեմբերի 12-ի լույս 13-ի գիշերը ղարաբաղա-ադրբեջանական հակամարտ զորքերի շփման գծում հակառակորդի կողմից հրադադարի պահպանման ռեժիմը խախտվել է ավելի քան 45 անգամ:

ԼՂՀ ՊՆ-ից տեղեկանում ենք, որ այդ ընթացքում, տարբեր տրամաչափի հրաձգային զինատեսակներից, հայ դիրքապահների ուղղությամբ արձակվել է շուրջ 750 կրակոց:

ՊԲ առաջապահ զորամասերը տիրապետում են օպերատիվ-մարտավարական իրադրությանը և շարունակում իրականացնել մարտական դիրքերի հուսալի պահպանություն:

Երք
13
Sep

Ալյանսն ակնկալում է Հայաստանի մասնակցությունը ՆԱՏՕ-Վրաստան զորավարժություններին

Հյուսիսատլանտյան դաշինքը Հայաստանի հետ կապված մի շարք ծրագրեր ունի և, մասնավորապես, ակնկալում ենք, որ ընթացիկ տարվա նոյեմբերին Հայաստանը կմասնակցի ՆԱՏՕ-Վրաստան զորավարժություններին: Այս մասին Երևանում հայտարարել է Հարավային Կովկասում ՆԱՏՕ-ի գրասենյակի ղեկավար Ուիլյամ Լահյուն:

Բացի այս, նա նշել է, որ ՆԱՏՕ-ն աշխատում է Հայաստանի պաշտպանության նախարարության հետ՝ կոռուպցիոն ռիսկերը վերացնելու նպատակով:

«Հայաստանն ինքնիշխան պետություն է, եւ ՆԱՏՕ-ն հարգում է նրա՝ որպես ՀԱՊԿ անդամի ընտրությունը»,-ընդգծել է Լահյուն: