Activities calendar

09 September 2016

Ուրբ
09
Sep

ԱՄՆ մտահոգված է Ադրբեջանում իրականացվող կամայական ձերբակալություններով

Միացյալ Նահանգները մտահոգված է այն կամայական կալանքներով ու ձերբակալություններով , որոնք իրականացվել են Ադրբեջանում այն բանից հետո , երբ կառավարությունը հայտարարել է սեպտեմբերի 26-ին սահմանադրական հանրաքվե անցնացնելու մտադրության մասին: Այս մասին հայտնել է ԵԱՀԿ-ում ԱՄՆ առաքելության ղեկավար Դենիել Բայերը, ելույթ ունենալով ԵԱՀԿ Մշտական խորհրդի նիստի ժամանակ:

Ուրբ
09
Sep

Տնտեսագետներ. Ադրբեջանը կձերբազատվի նավթային կախվածությունից 10-20 տարուց

Ադրբեջանից առնվազն կպահանջվի տաս տարի, որպեսզի իրականացնի տնտեսական բարեփոխումներ և ձերբազատվել նավթային գների կախվածությունից: Այդ մասին հայտարարել է փորձագետ, տնտեսագետ Ազեր Մեհտիևը:

Նրա խոսքով, առկա տնտեսական ներուժն, աշխարհագրական դիրքն ու բնական և մարդկային ռեսուրսները թույլ են տալիս զարգացնել ոչ նավթային ոլորտը: Առաջին հերթին, գյուղատնտեսությունը, վերամշակող արդյունաբերությունը, կառուցել բարձր տեխնոլոգիանեի գծով արտադրություններ, փոխանցում է haqqin.az կայքը:

Ուրբ
09
Sep

Իրանը ծրագրում է երկաթուղի կառուցել Ռեշտից դեպի Թուրքիա

Իրանական ISNA լրատվական գործակալության փոխանցմամբ՝ Իրանի ճանապարհների և քաղաքային զարգացման նախարար Աբբաս Ախունդին հայտարարել է, որ իրենք փորձում են երկրի հյուսիսում գտնվող Ռեշտ քաղաքը երկաթուղային ճանապարհով կապել Թուրքիայի հետ:

«Մենք մշակում ենք Ռեշտից երկաթուղային բոլոր ուղիները դեպի Զենջան ու Թավրիզ: Այդ երկաթուղին միմյանց կկապի Թուրքիայի, Հայաստանի ու Նախիջևանի քաղաքները»,- ասել է նա:

Նրա խոսքով՝ նախագիծը հաշվարկվում է ինչպես գնացքների արագությունը մեծացնելու, այնպես էլ ծանրաբեռնվածությունը մեծացնելու տեսանկյուններից:

Ուրբ
09
Sep

Մամուլի տեսություն. Սերժ Սարգսյանը որոշել է փոխել իր թիմը և կրկին հենվում է «ղարաբաղյան կլանի» վրա

VERELQ-ը ներկայացնում է հայաստանյան տպագիր մամուլի տեսությունը, որում ներառված է կարևոր իրադարձությունների մասին ընդգրկուն տեղեկատվություն:

Ուրբ
09
Sep

Համաներումը կտարածվի՞ «Սասնա ծռերի» վրա. Հանրային խորհուրդը քննարկում է, գլխավոր դատախազի թեկնածուն՝ խուսափում

ՀՀ գլխավոր դատախազի թեկնածու Արթուր Դավթյանը, ով այսօր Ազգային Ժողովում հանդիպումներ է ունեցել ԱԺ խմբակցությունների ներկայացուցիչների հետ, չի շտապում մեկնաբանել Անկախության 25-ամյակի կապակցությամբ համաներում հայտարարելու մասին լուրերը ու առավել ևս կանխատեսում անել, թե արդյոք համաներման ակտի դեպքում այն կտարածվի «Սասնա ծռեր» զինված խմբի անդամների վրա, թե ոչ:

Ուրբ
09
Sep

Հովիկ Աբրահամյանի 2.5 տարիները. Երկրներ, որ դարձան ավելի մոտ, գործընթացներ, որ շարունակություն են պահանջում

Առաջիկա օրերին Հայաստանում կձևավորվի նոր կառավարություն. Նախօրեին ՀՀ վարչապետ Հովիկ Աբրահամյանը հրաժարական տվեց, իսկ երեկոյան արդեն երկրի ղեկավարը հնչեցրեց ապագա վարչապետի անունը: Թևակոխել ենք մի փուլ, երբ վերագնահատվում է անցածն ու դրանից ելնելով նախանշվում ապագան:

Ուրբ
09
Sep

Քաղաքագետ. Աբրահամյանի հրաժարականը՝ մեսիջ է հասարակությանը ռեժիմի նորացման մասին

ՀՀ-ում ներքաղաքական ճգնաժամը տեղի է ունենում հասարակությունում աճող դժգոհության պատճառով: Այդ մասին Sputnik-ին հայտարարել է քաղաքագետ Վալերի Դիմովը՝ մեկնաբանելով ՀՀ կառավարության ղեկավարի հրաժարականը:

Ըստ նրա, հայկական կառավարությունը չկարողացավ անգամ Ղարաբաղում էսկալացիայի միջոցով շեղել հասարակության ուշադրությունը ներքաղաքական խնդիրներից ու տնտեսական հարցերից: Դիմովը նշել է, որ հայկական հասարակությունն ուշ թե շուտ կարող էր ընդհանրապես կասկածի տակ դնել գործող ռեժիմի լեգիտիմությւոնը:

Ուրբ
09
Sep

Սթոլթենբերգ. Թուրքիան ունի ՆԱՏՕ-ի կարիքը, իսկ ՆԱՏՕ-ն՝ Թուրքիայի

Թուրքական Hürriyet թերթի փոխանցմամբ՝ ՆԱՏՕ-ի գլխավոր քարտուղար Յենս Սթոլթենբերգն այցելել է Թուրքիա, որը նրա առաջին այցն էր այդ երկրում հուլիսի 15-ին կատարված ռազմական հեղաշրջման փորձից հետո:

Սթոլթենբերգը CNN Türk հեռուստաալիքի եթերում դատապարտել է այդ փորձը, ցավակցություն է հայտնել մարդկային բազմաթիվ զոհերի համար և իր հիացմունքն է հայտնել թուրք ժողովրդի ցուցաբերած խիզախության համար:

Ուրբ
09
Sep

Վերլուծաբան. Նեթանյահուի այցը Բաքու էլ ավելի մեծ լիցք կհաղորդի երկկողմ կապերին

Իսրայելն ու Ադրբեջանը ունեն միմյանց կարիքը: Դեռևս ղարաբաղյան առաջին պատերազմի տարիներից Իսրայելը գտնվում էր Ադրբեջանի կողքին և օգնում էր Բաքվին զենքով: Այդ մասին հայտարարել է Արևելյան համագործակցության ինստիտուտի նախագահ Աբրահամ Շմուլևիչը:

Ուրբ
09
Sep

ՀՀ նախագահն ընդունել է Կառավարության հրաժարականը

ՀՀ նախագահ Սերժ Սարգսյանն ընդունել է ՀՀ կառավարության հրաժարականը: Երկրի ղեկավարի պաշտոնական կայքում հրապարակված հրամանագրում ասված է.

«Ղեկավարվելով 2005 թվականի փոփոխություններով` Հայաստանի Հանրապետության Սահմանադրության 55-րդ հոդվածի 4-րդ կետով և հիմք ընդունելով Հայաստանի Հանրապետության վարչապետ Հովիկ Աբրահամյանի ներկայացրած հրաժարականը` որոշում եմ.

1. Ընդունել Հայաստանի Հանրապետության կառավարության հրաժարականը:

2. Հայաստանի Հանրապետության կառավարության անդամներին` շարունակել պարտականությունների կատարումը մինչև նոր կառավարության կազմավորումը:

Ուրբ
09
Sep

Հայացք Թբիլիսիից. ՆԱՏՕ-ն չի կարող պաշտպանել Վրաստանը

Ռազմական հակամարտության դեպքում ՆԱՏՕ-ն չի կարողանա պաշտպանել Վրաստանը, այդ պատճառով երկիրը պետք է ունենան արտաքին ավելի ճկուն քաղաքականություն Արևմուտքի ու ՌԴ-ի նկատմամբ: Այդ մասին Sputnik հայտարարել է Կովկասի հարցերով փորձագետ Մամուկա Արեշիձեն:

Այս օրերին Վրաստանում էր ՆԱՏՕ-ի գլխավոր քարտուղար Յենս Սթոլտենբերգը: Արեշիձեն նշել է, որ վրաց հասարակության մեջ այլևս չկա ՆԱՏՕ-ին ինտեգրվելու այն աջակցությունը, որը կար նախկինում:

Ուրբ
09
Sep

Փորձագետ. Թուրքիան կփակի քրդական կանտոնների միջև առկա միջանցքը

Թուրքիայի զինված ուժերի գործողությունները Սիրիայի հյուսիսում ուղղված են սիրիական տարածքում մոտ 90 կմ երկարությամբ և 40 կմ խորությամբ անվտանգության գոտու ստեղծմանը: Այդ մասին РИА Новости հայտարարել է թուրքական Ռազմավարական հետազոտությունների կենտրոնի Kafkassam տնօրեն Հասան Օքթայը:

Նա նշել է, որ թուրքական զորքերը ցանկանում են վերահսկողության տակ պահել այն միջանցքը, որը թույլ կտա քրդական կանտոններին միավորվել. կդրվի արգելապատնեշ Սիրիայի ֆեդերալիզացիային, կվերացվի Սիրիայի տարածքային ամբողջականությանն ուղղված վտանգը:

Ուրբ
09
Sep

Le Parisien. Աբրահամյանը հրաժարական է ներկայացրել ոստիկանության ՊՊԾ գնդի գրավման պատճառով

Հայաստանի վարչապետ Հովիկ Աբրահամյանը հրաժարական է ներկայացրել Երեւանում հուլիսին տեղի ունեցած իրադարձությունների պատճառով: Այս մասին գրում է Le Parisien-ը:

Հրապարակման համաձայն՝ Հայաստանի նախագահ Սերժ Սարգսյանն օգոստոսին խոստացել էր կտրուկ փոփոխություններ եւ ազգային վստահության կառավարության ստեղծում այն բանից հետո, երբ ոստիկանության ՊՊԾ գունդը գրաված շուրջ 20 զինված անձինք հանձնվեցին:

Ուրբ
09
Sep

ԼՂՀ ՊՆ. Հրադադարի պահպանման ռեժիմը խախտել է շուրջ 60 անգամ

Սեպտեմբերի 8-ի լույս 9-ի գիշերը ղարաբաղա-ադրբեջանական հակամարտ զորքերի շփման գծում հակառակորդը հրադադարի պահպանման ռեժիմը խախտել է շուրջ 60 անգամ:

ԼՂՀ ՊՆ լրատվական ծառայությունից տեղեկանում ենք, որ այդ ընթացքում, տարբեր տրամաչափի հրաձգային զինատեսակներից, հայ դիրքապահների ուղղությամբ արձակել է ավելի քան 1100 կրակոց:

ՊԲ առաջապահ զորամասերը շարունակում են վստահորեն իրականացնել մարտական հերթապահություն` խիստ անհրաժեշտության դեպքում դիմելով նաև պատասխան գործողությունների:

Ուրբ
09
Sep

Կարեն Կարապետյանը կներկայացնի Հայաստանի զարգացման երկփուլանի ծրագիր

ՀՀ վարչապետի թեկնածու Կարեն Կարապետյանը մոտ ժամանակներս կներկայացնի Հայաստանի զարգացման վերաբերյալ ծրագիր, որը բաղկացած կլինի երկու փուլից: Այս մասին Կարապետյանը հայտարարել է ՀՀԿ խորհրդի նիստում:

Նրա խոսքով, առաջին փուլը կներառի այն հնարավոր արագ փոփոխություններն ու հաջողությունները, որոնք կարող են ինչ-որ առումով վստահություն և հավատ ներշնչել ծրագրի նկատմամբ, իսկ երկրորդ փուլը կլինի մեր երկրի հեռանկարային զարգացման տեսլականը:

Ուրբ
09
Sep

Սերժ Սարգսյան. Վստահ եմ` Կարեն Կարապետյանը կկարողանա դառնալ փոփոխությունների յուրօրինակ սիմվոլը Հայաստանում

Տնտեսական բարեփոխումները նախըն­թաց տարի­ներին եղել են մեր ուշադրության կենտրոնում, իսկ քաղաքական բարեփո­խում­ները մի տեսակ թողել էինք ավելի լավ ժամանակների՝ մտածելով, որ տնտե­սական բարե­փոխումները առավել նպաստավոր պայմաններ կստ­եղծեն քա­ղա­քական բա­րեփոխումների համար: Վաղուց արդեն ակնհայտ է, որ առանց քա­ղաքական բարե­փոխումների՝ տնտեսական բարեփոխում­ների արդյունք­ները միշտ էլ մեզ չեն բավարարելու: Այսօր արդեն բոլորն են տեսնում քաղաքական բարե­փոխումների անհրաժեշտությունը: Այս մասին ՀՀԿ ԳՄ նիստում հայտարարել է ՀՀ նախագահ, Հանրապետական կուսակցության առաջնորդ Սերժ Սարգսյանը: