Activities calendar

02 September 2016

Ուրբ
02
Sep

Մերկելը չի հրաժարվում Հայոց ցեղասպանության մասին Բունդեսթագի ընդունած բանաձևին աջակցելուց

Գերմանիայի կանցլեր Անգելա Մերկելը չի հրաժարվում Հայոց ցեղասպանության մասին Բունդեսթագի ընդունած բանաձևին աջակցելուց, որը սրել է Թուրքիայի հետ հարաբերությունները. հայտնում է Reuters գործակալությունը՝ նշելով, որ Մերկելն այդ մասին ասել է իր պահպանողական կուսակցության խորհրդարանական խմբակցության առաջնորդին:

Քրիստոնեա-դեմոկրատների խմբակցության առաջնորդ Վոլկեր Կաուդերը կուսակցության անդամների հետ հանդիպմանը հայտնել է, որ խոսել է Մերկելի հետ, և վերջինս ընդգծել է իր դիրքորոշումը:

Ուրբ
02
Sep

Էրդողանը կհանդիպի Պուտինի, Օբամայի և Մերկելի հետ

Թուրքիայի նախագահ Ռեջեփ Թայիփ Էրդողանը այսօր ժամանել է Չինաստան, որտեղ մասնակցելու է G20-ի գագաթնաժողովին: Այս մասին հաղորդում է թուրքական Anadolu գործակալությունը:

Գագաթնաժողովը տեղի կունենա սեպտեմբերի 4-5-ը Հանչժոույում, սակայն գագաթնաժողովից մեկ օր առաջ Էրդողանը Պեկինում հանդիպում է ունենալու Գերմանիայի կանցլեր Անգելա Մերկելի հետ:

Ուրբ
02
Sep

Քոչարյան. Հողերի վերադարձի խնդիր երբեք դրված չի եղել

Որպես պետություն Արցախը կայացել է: Անցած 25 տարիների ընթացքում Արցախի ժողովուրդն ապացուցեց, որ տեր է իր կայացրած որոշմանը: Այս մասին Կառավարության նիստից հետո լրագրողների հետ ճեպազրույցում հայտարարեց ՀՀ փոխարտգործնախարար Շավարշ Քոչարյանը:

Վերջինիս խոսքով, ապրիլյան պատերազմն ապացուցեց, որ Արցախի ժողովուրդը պատրաստ է այսօր էլ ցանկացած արկածախնդրություն հետ մղելու:

Ուրբ
02
Sep

Բեռլինը պատասխանեց Հայոց ցեղասպանության հարցում Անկարային զիջումների գնալու լուրերին

Գերմանիայի կառավարությունը մեկնաբանել է Der Spiegel-ի տարածած տեղեկությունը՝ Բունդեսթագի կողմից Հայոց ցեղասպանության ճանաչման բանաձևից հետ կանգնելու մասին: Հանդեսը գրել էր, որ այդ պահանջը առաջ է քաշել Թուրքիան և Բեռլինը պատրաստ է դրան համաձայնվել:

Ուրբ
02
Sep

Քաղաքագետ. Իվանիշվիլիի միանալը քարոզարշավին միտված է կայունացնելու "Վրացական երազանքի" վարկանիշը

Բիձինա Իվանիշվիլի

Բիձինա Իվանիշվիլին ակտիվորեն ներգրավվում է նախընտրական քարոզարշավին: Նա առաջին հանդիպումն է անցկացրել տարածաշրջանային ԶԼՄ-ների հետ, որտեղ գնահատական է տվել կուսակցությունների շանսերին գալիք ընտրություններում: Առաջին հանդիպումն Իվանիշվիլին անցկացրել է լրագրողների հետ Աջարիայում: Նա նշել է, որ հոկտեբերին կայանալիք ընտրություններում Վրացական երազանքին կհաջողվի ստանալ ձայների առնվազն 2/3-րդը, փոխանցում է ekhokavkaza.com-ը:

Ուրբ
02
Sep

Փորձագետներ. ՌԴ ու Թուրքիայի միջև Սիրիայում առկա է որոշակի կորդինացիա

Եփրատի վահան թուրքական գործողությունը Սիրիայի արևմուտքում մարտական նոր գործողություններ է հրահրել: Փորձագետները կարծում են, որ տարածաշրջանում Թուրքիայի դերի մեծացման դիմաց Մոսկվան կարող է Անկարայից պահանջել դիրքորոշման փոփոխություն Ասադի հարցում:

Ուրբ
02
Sep

Ադրբեջանը պարզեցնում է Ռուսաստանի, Թուրքիայի, Իրանի ու Վրաստանի հետ սահմանային ռեժիմը

Ադրբեջանական Trend լրատվական գործակալության փոխանցմամբ՝ Ադրբեջանի նախագահ Իլհամ Ալիևը կարգադրել է մի շարք երկրների քաղաքացիների համար պարզեցնել սահմանային ռեժիմը:

Ադրբեջանի նախագահը ԱԳՆ-ին, Մաքսային կոմիտեին, Սահմանապահ ու միգրացիոն ծառայություններին հանձնարարել է 3 ամսում առաջարկներ պատրաստել օրենսդրության կատարելագործման մասին, որոնց նպատակը լինելու է Ռուսաստանի, Թուրքիայի, Իրանի ու Վրաստանի սահմանային անցակետերով արագացված անցումը հնարավոր դարձնելը: Դրա հետ մեկտեղ Ադրբեջանի նախագահը հանձնարարել է ստեղծել Զբոսաշրջության հարցերով խորհուրդ:

Ուրբ
02
Sep

Երկու տարում ՄԻԵԴ-ը Հայաստանի դեմ 335.000 եվրոյի վճիռ է կայացրել

2014 թվականին Մարդու իրավունքների դատարանում Հայաստանի դեմ կայացվել է չորս վճիռ, որի դիմաց վճարվել է 166 հազար եվրո: 2015 թվականին կայացվել է ութ վճիռ և վճարվել է 86 հազար եվրո, իսկ արդեն 2016 թվականի կայացվել է կրկին ութ վճիռ և վճարվել 83 հազար եվրո: Այս վիճակագրությունը այսօր Կառավարության նիստում հնչեցրեց Կառավարության աշխատակազմի ղեկավար-նախարար Դավիթ Հարությունյանը:

Վարչապետ Հովիկ Աբրահամյանը հետաքրքրվեց, թե ինչի հետևանք են ընդդեմ Հայաստանի կայացված վճիռները.

Ուրբ
02
Sep

Մամուլի տեսություն. Հայաստանը սեփական քաղաքացուն դիտարկվում է որպես զբոսաշրջիկ

VERELQ-ը ներկայացնում է հայաստանյան տպագիր մամուլի տեսությունը, որում ներառված է կարևոր իրադարձությունների մասին ընդգրկուն տեղեկատվություն:

Ուրբ
02
Sep

Հայոց ցեղասպանության հարցում Բեռլինը զիջումների է գնում Անկարային

Գերմանական Spiegel Online պարբերականի փոխանցմամբ՝ Գերմանիայի կառավարությունը մտադիր է «քաղաքական ժեստ» անել Անկարային և հեռու մնալ Բունդեսթագի ընդունած բանաձևից, որն Օսմանյան կայսրությունում հայերի զանգվածային սպանությունները ճանաչում է որպես Ցեղասպանություն: Այս մասին պարբերականին հայտնել են նրա աղբյուրները:

Ուրբ
02
Sep

Թուրքիայի պաշտպանության նախարարը ծրագրում է այցելել Ադրբեջան

Թուրքիայի պաշտպանության նախարար Ֆիքրի Իշըքը պլանավորում է այցելել Ադրբեջան: Այդ մասին հայտնում է Report-ը՝հղում անելով դիվանագիտական աղբյուրներին:

Նախարարը կայցելի Բաքու ADEX-2016 պաշտպանական արտադրության ցուցահանդեսին մասնակցելու նպատակով:

Երկրորդ ադրբեջանական միջազգային պաշտպանական ցուցահանդեսը՝ ADEX-2016-ը,կկայանա Բաքվում սեպտեմբերի 27-ից 30-ը:

Ուրբ
02
Sep

Յըլդըրըմ. Անկարան մտադիր չէ փոխել հակաահաբեկչական օրենսդրությունը

Թուրքիան մտադիր չէ փոխել հակաահաբեկչական օրենսդրությունը: Hurriyet-ի փոխանցմամբ՝ Եվրախորհրդարանի ղեկավար Մարտին Շուլցի հետ հանդիպման ընթացքում այս մասին հայտարարել է Թուրքիայի վարչապետ Բինալի Յըլդըրըմը:

«Մենք ԵՄ-ին հստակ հասկացրեցինք, որ ստեղծված պայմաններում չենք կարող փոխել ահաբեկչության դեմ պայքարի մասին օրենքը: Դա մեզ համար կյանքի եւ մահվան հարց է: Եթե այդ հարցը մի կողմ թողնենք, այլ խնդիրների լուծման համար խոչընդոտներ չենք տեսնում»,- ասել է նա:

Ուրբ
02
Sep

Ալի Խամենեի. Իրանը պետք է խուսափի ԱՄՆ հետ բանակցություններից

Իրանը պետք է խուսափի ԱՄՆ հետ բանակցություններից: Այդ մասին հայտնել է Իրանի գերագույն առաջնորդ այաթոլլա Ալի Խամենեին, հայտնում է Irna-ն:

Նրա խոսքով, «ԱՄՆ-ի վարչակազմը էթիկա չունի». ոչ իշխող կուսակցությունը, ոչ նրա քաղաքական մրցակիցը ԱՄՆ-ի նախկին կառավարությունում չեն հետեւել էթիկային եւ վայրենություններ եւ մարդկության դեմ տարբեր հանցագործություններ են կատարել: «ԱՄՆ-ի ներկայիս վարչակազմը հարձակվում է ահաբեկչական մեկ խմբավորման վրա` միաժամանակ անտեսելով մյուսներին, եւ դա նշանակում է քաղաքականության գերակայություն էթիկայի նկատմամբ», - ասել է նա:

Ուրբ
02
Sep

ԱԳՆ. Ապրիլին Ադրբեջանի կողմից իրականացված հարձակումը մարտահրավեր էր ԵԱՀԿ տարածաշրջանի անվտանգությանը

Ապրիլին Ադրբեջանի կողմից Լեռնային Ղարաբաղի դեմ նախապես ծրագրված և իրականացված լայնածավալ ռազմական հարձակումը, որն ուղեկցվում էր միջազգային մարդասիրական իրավունքի կոպտագույն խախտումներով և վայրագություններով, հակամարտության սոսկ հերթական սրացումը չէր: Դա մարտահրավեր էր ԵԱՀԿ տարածաշրջանի ընդհանուր անվտանգությանն ու կայունությանը: Այս մասին Պոտսդամում կայացած ԵԱՀԿ մասնակից երկրների արտգործնախարարների ոչ պաշտոնական հանդիպման իր ելույթում ասել է ՀՀ արտաքին գործերի նախարար Նախարար Էդվարդ Նալբանդյանը:

Ուրբ
02
Sep

ԼՂՀ ՊՆ. Հայ դիրքապահների ուղղությամբ արձակվել է ավելի քան 840 կրակոց

Սեպտեմբերի 1-ի լույս 2-ի գիշերը ղարաբաղա-ադրբեջանական հակամարտ զորքերի շփման գծում հակառակորդի կողմից հրադադարի պահպանման ռեժիմը խախտվել է շուրջ 70 անգամ:

ԼՂՀ ՊՆ լրատվական ծառայությունից տեղեկացնում են, որ այդ ընթացքում, տարբեր տրամաչափի հրաձգային զինատեսակներից, հայ դիրքապահների ուղղությամբ արձակվել է ավելի քան 840 կրակոց:

ՊԲ առաջապահ զորամասերը վստահորեն տիրապետում են օպերատիվ-մարտավարական իրադրությանը և պատասխան գործողությունների դիմում միայն խիստ անհրաժեշտության դեպքում:

Ուրբ
02
Sep

Նախագահ. Ապրիլն ապացուցեց, որ թշնամին մեծ կորուստներով հետ է շպրտվելու, եթե փորձի ռազմական ճանապարհով հարց լուծել

1991 թվականի սեպտեմբերի 2-ը հայոց նորագույն պատմության փառահեղ էջն է: Քառորդ դար առաջ արցախահայությունը կատարեց իր անբեկանելի ընտրությունը: Այդ բախտորոշ քայլը գիտակցված էր և իմաստավորված: Այդ ընտրությամբ, այդ կամքով ու վճռականությամբ ստույգ մահվան անդունդի եզրից դեպի կյանք և դեպի ազատություն վերադարձավ հայության ամենավտանգված հատվածը՝ արցախահայությունը: Այս մասին ասված է ՀՀ նախագահ Սերժ Սարգսյանի՝ Լեռնային Ղարաբաղի Հանրապետության անկախության 25-ամյակի առթիվ շնորհավորական ուղերձում:

Ուրբ
02
Sep

Սահակյան. Մենք ստիպված էինք զենք վերցնել և ամեն գնով պաշտպանել Արցախի ազատությունն ու անվտանգությունը

Լեռնային Ղարաբաղի Հանրապետության նախագահ Բակո Սահակյանը շնորհավորական ուղերձ է հղել Արցախի Հանրապետության օրվա առթիվ, որում, մասնավորապես, ասվում է.

1991 թվականի սեպտեմբերի 2-ը շրջադարձային եղավ արցախահայության կյանքում և փոխեց նրա պատմության ընթացքը: Մեր վճռորոշ ձայնը բարձրացնելով ի օգուտ ազատ ու անկախ Արցախի` մենք ազգովի ձեռնամուխ եղանք պետականաշինության գործընթացին, սկսեցինք կառուցել ժողովրդավարական պետություն՝ միջազգային նորմերին ու սկզբունքներին համապատասխան:

Ուրբ
02
Sep

Ուզբեկստանի կառավարությունը խոստովանել է, որ Կարիմովը գտնվում է ծայրահեղ ծանր վիճակում

Ուզբեկստանի նախագահ Իսլամ Կարիմովը գտնվում է ծայրահեղ ծանր վիճակում: Այս մասին հայտնում է երկրի կառավարությունը:

«Ծանր սրտով տեղեկացնում ենք, որ անցած օրը մեր նախագահի առողջական վիճակը կտրուկ վատացել է և, բժիշկների կարծիքով, այն գնահատվում է ծայրահեղ ծանր»,- մասնավորապես ասված է պաշտոնական հաղորդագրության մեջ: